Ephesus 6:6 - Nǫ̀htsı̨ Nı̨htł'è

⁶ Gınadąą̀ zǫ gık'èaht'e-le, ekìı naxıghǫ nezı̨į̀ agı̨ı̨wǫ zǫ gha aaht'ı̨-le, hanìkò Zezì-Krı wecheekeè lanì gıgha nezı̨į̀ eghàlaahda, hanì-ı̨dè naxıdzeè t'à Nǫ̀htsı̨ wınì k'ę̀ę̀ eghàlaahda hǫt'e.

Ephesus 6:6 ပူးပေါင်းရင်းမြစ်များ

Matthew 12:50

Amìı Setà yak'e whedaa k'èagı̨ı̨t'ee sìı sechı, sedè eyıts'ǫ semǫ agı̨ı̨t'e,” Zezì yèhdı.

Matthew 7:21

“Dǫ hazǫǫ̀ ‘K'àowo, K'àowo,’ sègedıı sìı Nǫ̀htsı̨ Wenàowoò k'ę̀ę̀ hòɂǫǫ k'è goyageedè ha nıìle. Amìı, Setà yak'e whedaa k'èı̨t'ee sìı zǫ goyageedè ha.

Mark 3:35

Amìı Nǫ̀htsı̨-Gotà k'èagı̨ı̨t'ee sìı sechı, sedè eyıts'ǫ semǫ agı̨ı̨t'e,” Zezì gòhdı.

Rome 6:17

Hołı̨ı̨ naxınì ts'ǫ̀ k'àhowo k'ę̀ę̀ zǫ eghàlaahda ı̨lè, hanìkò godı nezı̨ı̨ hoghànaxeètǫ ekò hotıì naxıdzeè t'à wek'èaht'e dahwhǫǫ̀ aahjà, eyı gha Nǫ̀htsı̨ masì wets'ı̨ı̨hwhǫ hǫt'e.

1 Corınth 7:22

Dǫ Nǫ̀htsı̨ yekayaı̨htı kwe wets'ǫ̀ k'àowo gǫ̀hłı̨ nı̨dè gots'ǫ̀ K'àowo Zezì gha edets'ǫ̀ k'àowo elı̨į̀ ajà hǫt'e. Eyı xèht'eè dǫ Nǫ̀htsı̨ yekayaı̨htı ekò edets'ǫ̀ k'àowo elı̨ ı̨lèe sìı Zezì-Krı yets'ǫ̀ K'àowo elı̨į̀ ajà hǫt'e.

Galatıa 1:10

Dǫ seghǫ nezı̨į̀ agedı ha zǫ dehwhǫ nıìle, hanìkò Nǫ̀htsı̨ wınì k'ę̀ę̀ eghàlaehda ha dehwhǫ. Dǫ gınì k'ę̀ę̀ eghàlaehda aht'ı̨ dahwhǫ nì? Įłaà dǫ gınì k'ę̀ę̀ eghàlaehda nı̨dè Zezì-Krı wecheekeè ehłı̨ ha-le ı̨lè.

Ephesus 5:17

Eyıt'à goahsǫ-le k'ę̀ę̀ aahda-le, hanìkò Nǫ̀htsı̨ ayìı dàahłe ha naxı̨ı̨hwhǫǫ sìı wenıahdì.

Phılıppı 2:12

Seàgı̨ą, naxıxè whıhdaa eyıts'ǫ naxıxè whıhda-le, ehk'ę̀ę̀ t'aats'ǫǫ̀ sek'èaht'e hǫt'e. Eyıt'à edaxàahdèe sìı t'aats'ǫǫ̀ wek'e eghàlaahda eyıts'ǫ Nǫ̀htsı̨ k'èch'a aahda gha dahjı̨ ha welè,

Colosse 1:9

Eyıt'à, naxıghǫ ts'ıìkw'o gots'ǫ naxıgha yats'ehtı ghǫ nats'et'è-le. Yedàyeh Nezı̨ı̨ t'à deghàà goahsǫ ha eyıts'ǫ t'asìı nıahdì aahde ha t'aats'ǫǫ̀ naxıgha Nǫ̀htsı̨ wets'eekè, hanì-ı̨dè Nǫ̀htsı̨ dànıwǫǫ sìı wek'èahsǫǫ̀ aahde ha.

Colosse 4:12

Epaphras naxıts'ǫ dǫ hǫt'e sìı, Zezì-Krı wecheekeè elı̨. Ededı̨ sı, “Naxıxè sìghà welè,” naxèhdı. Nǫ̀htsı̨ wınì k'ę̀ę̀ aahda ha eyıts'ǫ naxınì gǫǫzǫ xè nàtso ha naxı̨ı̨hwhǫ t'à, t'aats'ǫǫ̀ hòtł'ò naxıgha yahtı hǫt'e.

1 Thessalonıca 2:4

Į̀le, hanì nıìle, goxı̨ godı nezı̨ı̨ dǫ ts'ǫ̀ k'ets'eɂa gha Nǫ̀htsı̨ goghàhòı̨ɂǫ hǫt'e. Dǫ gınì k'ę̀ę̀ hots'ehtsı̨ ha ats'et'ı̨ nıìle hanìkò Nǫ̀htsı̨ wınì k'ę̀ę̀ hots'ehtsı̨ ha ts'ı̨ı̨wǫ. Ededı̨ sìı godzeè t'à goèhdzà hǫt'e.

1 Thessalonıca 4:3

Nǫ̀htsı̨ sìı wegha degaı k'ę̀ę̀ aahda ha naxı̨ı̨hwhǫ hǫt'e: naxızhį̀į̀ t'à hołı̨ı̨ k'alaahdè ch'à edek'èahdì.

Hebrew 10:36

Naxıxè hoìla kò ı̨łaà naxınì nàtso ha hǫt'e. Nǫ̀htsı̨ wınì k'ę̀ę̀ aahda tł'axǫǫ̀ nı̨dè naxıgha edeyatıì k'ę̀ę̀ eghàlaeda ha hǫt'e.

Hebrew 13:21

Nǫ̀htsı̨ wınì k'ę̀ę̀ eghàlaahda gha t'asìı hazǫǫ̀ naxıghàyııle. Eyıts'ǫ ayìı wınì k'ę̀ę̀ ne sìı Zezì-Krı wet'ǫ̀ǫ̀ naxıdzeè yìı yeghàlaıdà. Welǫ whìle ts'ǫ̀ Zezì weghàsǫhoedı welè. Amen.

1 Peter 2:15

Dǫ gogı̨ı̨zǫ-le sìı yatıjıı t'à naxıghǫ gogede kò dàgedıì-agedıı sìı gık'èezǫ-le. Nǫ̀htsı̨ sìı nezı̨į̀ aahda ha nıwǫ, hanì-ı̨dè eyı dǫ agııdì whìle ageahłe ha.

1 Peter 4:2

Eyı ts'ıhɂǫ̀ dıı nèk'e eda gots'ǫ̀ wınìłı̨ı̨ k'ę̀ę̀ eda-le, hanìkò Nǫ̀htsı̨ wınì k'ę̀ę̀ eda.

1 John 2:17

Dıı nèè, eyıts'ǫ wenàowołı̨ı̨ hazǫǫ̀ whìle agode ha, hanìkò dǫ Nǫ̀htsı̨ wınì k'ę̀ę̀ edaa sìı welǫ whìle ts'ǫ̀ eda ha.