23 Gòet'ı̨ gı̨ı̨lı̨ı̨ sìı Nǫ̀htsı̨ goxè sìghà hòɂǫǫ̀ ayııle, Nǫ̀htsı̨-Gotà eyıts'ǫ Zezì-Krı naxıghǫnegeètǫ xè naxıgha ehkw'ı-ahodıì agııle welè.
“T'asanìle, dahjı̨-le,” gòhdı, “Naxınǫ̀htsı̨ eyıts'ǫ naxıtà Wenǫ̀htsı̨ sìı naxıɂǫhchì yìı sǫǫ̀mba degoo naxıghàı̨la hǫt'e. Naxısǫǫ̀mbaà degoo wet'à tł'olà nàahdìı sìı sǫǫ̀zha ı̨lè,” gòhdı. Eyı tł'axǫǫ̀ Sımeyon gots'ǫ̀ xàyeèhchì.
Naxıxè sìghà hòɂǫ agohłe ha. Sexè sìghà hòɂǫǫ sìı naxıghàehɂà ha. Dıı nèk'e dànì dǫ gıxè hòɂǫǫ lanì naxıghàhoehɂà ha-le. T'asìı ghǫ nànıahdè-le eyıts'ǫ dahjı̨-le.
Naxı̨ kǫ̀godeè Rome nàahdèe sìı naxıts'ǫ̀ eehtł'è aht'ı̨. Nǫ̀htsı̨ naxıghǫneètǫ eyıts'ǫ wets'ǫ dǫ degaı aahłı̨ gha naxıkayaetı hǫt'e. Nǫ̀htsı̨-Gotà eyıts'ǫ Zezì-Krı naxıxè sǫgı̨ı̨wǫ welè, eyıts'ǫ naxıxè sìghà hòɂǫ agııle.
Nǫ̀htsı̨ naxıxè welè eyıts'ǫ naxıxè sìghà hòɂǫ ayııle. Amen.
Nǫ̀htsı̨-Gotà eyıts'ǫ gots'ǫ̀ K'àowo Zezì-Krı naxıxè sǫgı̨ı̨wǫ welè eyıts'ǫ naxıxè sìghà hòɂǫ agııle.
Sèot'ı̨ı̨, nǫǫde t'à dıı hanaxèehsı̨ ha: naxıxè sìghà welè, deghàà degaı aahde gha hòtł'ò eghàlaahda, ayìı dànaxèehsı̨ı̨ sìı seyatıì ààhchı, naxınì ı̨łè zǫ welè, ts'èwhı̨į̀ ełexè aahda. Hanì-ı̨dè Nǫ̀htsı̨ goghǫneètǫǫ, wexè ts'èwhı̨į̀ hòɂǫǫ sìı naxıxè wehòhɂǫ ha.
Zezì-Krı gogha ehkw'ı-ahodı nı̨dè nàgoet'àa, nàgoet'à-le, ehk'ę̀ę̀ gogha wet'àaɂà-le. Edaxàts'eedè ha, gogha ehkw'ı-ahodıı eyı zǫ gogha wet'àaɂà hǫt'e, eyıts'ǫ ełeghǫnets'eètǫ sìı dǫ yek'èezǫ ats'ehɂı̨ hǫt'e.
Dǫ hazǫǫ̀ eyı nàowo k'ę̀ę̀ geedaa sìı gıxè sìghà welè, eyıts'ǫ Nǫ̀htsı̨ etegoòɂı̨ welè. Xàè Nǫ̀htsı̨ wets'ǫ Israel got'ı̨į̀ agı̨ı̨t'e.
Dǫ hazǫǫ̀ t'aats'ǫǫ̀ gots'ǫ̀ K'àowo Zezì-Krı ghǫnegeètǫǫ sìı Nǫ̀htsı̨ gots'ǫ̀ sǫnıwǫ welè.
Hanìkò goxı̨ sìı dzęh ts'ǫ dǫ ats'ı̨ı̨t'e t'à, hołı̨ı̨ nàowoò ch'à edek'èts'ııdì. Gogha ehkw'ı-ahodıı xè ełeghǫnets'eètǫǫ sìı wet'à godzıìwı k'e satsǫ̀ whetǫ lanì. Eyıts'ǫ Nǫ̀htsı̨ edaxàgole ha ts'ǫ̀ kànets'eèɂàa sìı wet'à satsǫ̀-ts'ah whats'eèhɂǫ lanì.
Sèot'ı̨ı̨, denahk'e hòtł'ò naxıgha ehkw'ı-ahodıì aahde xè naxıdzeè t'à deɂǫ̀ǫ̀ ełeghǫnıahtǫ t'à t'aats'ǫǫ̀ naxıgha Nǫ̀htsı̨ masì wets'ı̨ı̨hwhǫ ha hǫt'e.
Nǫǫde naxıts'ǫ̀ xàyahtı gha sìı gots'ǫ̀ K'àowo ts'èwhı̨į̀ wehòhɂǫǫ sìı t'aats'ǫǫ̀ naxıxè ts'èwhı̨į̀ hòɂǫǫ̀ ayııle. Gots'ǫ̀ K'àowo naxıxè welè.
Zezì-Krı wets'ıhɂǫ̀ Nǫ̀htsı̨ deɂǫ̀ǫ̀ sets'ǫ̀ sǫnıwǫ t'à segha ehkw'ı-ahodıì asį̀į̀là eyıts'ǫ dǫ ghǫneehtǫǫ̀ asį̀į̀là.
Macedonıa nèk'e nawhıhtła ekò kǫ̀ta Ephesus wheęda nèehsı̨ ı̨lè. Įłaà ekǫ wheęda ha dehwhǫ. Hanì-ı̨dè dǫ mǫ̀hdaa nàowo ekǫ-le t'à dǫ hoghàgogeehtǫǫ sìı haget'ı̨ ha-le gìı̨dı.
Dǫ edèot'ı̨ ts'àgedı-le, xàè edèot'ı̨ gots'àgedı-le nı̨dè ayìı wegha ehkw'ı-ahodıı sìı k'ę̀ę̀ eda nıìle. Dǫ wegha ehkw'ı-ahodı-le nahk'e ekǫ-le hòèhtsı̨ hǫt'e.
Nàowo degaı k'ę̀ę̀ ełeahts'į̀ xè, “Nexè sìghà welè,” ełèahdı. Zezì-Krı wets'ǫ aaht'ee sìı naxıxè sìghà welè.
Whaà-le-t'ıì neehɂį̀ ha dehwhǫ, ekìıyeè k'e nı̨dè ełexè gowìdo ha. Nexè sìghà welè. Jǫ goàgı̨ą geèhkw'ee sìı nexè sìghà welè, gedı. Goàgı̨ą ekǫ geèhkw'ee sìı gıtaàt'eè, “Nexè sìghà welè,” segha hagìı̨dı.
John, Asıa nèk'e kǫ̀ta łǫ̀hdı̨ yàgòlaa Nǫ̀htsı̨ wecheekeè nàgedèe sìı dıı godı gots'ǫ̀ ı̨ı̨tł'è: Nǫ̀htsı̨ whaà gots'ǫ wehòhɂǫ, dıì wehòhɂǫ, eyıts'ǫ welǫ whìle ts'ǫ̀ wehòhɂǫ ha sìı, eyıts'ǫ ı̨nì degaı łǫ̀hdı̨ Nǫ̀htsı̨ wenadąą̀ nàgeèhza sìı naxıxè sǫgı̨ı̨wǫ welè eyıts'ǫ naxıxè sìghà hòɂǫǫ̀ agııle.