Ephesus 6:22 - Nǫ̀htsı̨ Nı̨htł'è

²² Eyıt'à goxè dànì hòɂǫǫ sìı wek'èahsǫ ha, eyıts'ǫ naxıdzeè nàtsoò ayele ha naxıts'ǫ̀ wııhɂà hǫt'e.

Ephesus 6:22 ပူးပေါင်းရင်းမြစ်များ

Phılıppı 2:19

Gots'ǫ̀ K'àowo hanıwǫ nı̨dè whaà-le-t'ıì Tımothy naxıts'ǫ̀ awehłe ha. Hanì-ı̨dè naxıghǫ godı eèhkw'o nı̨dè sedzeè t'à sınà ha.

Phılıppı 2:25

Dıì gogha sìı Epaphrodıtus naxıts'ǫ̀ anahłe ha dehwhǫ. Sèot'ı̨ hǫt'e, sexè eghàlaeda eyıts'ǫ sexè godı nezı̨ı̨ ts'àdaedı hǫt'e. Ededı̨ sìı naxıgodıì sets'ǫ̀ nèyı̨ı̨ɂǫ, eyıts'ǫ ayìı segha whìle sìı t'à sets'àdı gha sets'ǫ̀ weahɂà ı̨lè.

Colosse 2:2

Gıdzeè nàtso ha, eyıts'ǫ dǫ ı̨łè lanì ełeghǫnegeètǫ ha, gıgha daıhɂa. Hanì-ı̨dè deghàà t'asìı k'ègeezǫǫ̀ agede ha, eyıts'ǫ Nǫ̀htsı̨ t'asìı deɂı̨į̀ whehɂǫǫ sìı k'ègeezǫǫ̀ agede ha, Zezì-Krı k'ègeezǫǫ̀ agede ha t'à.

1 Thessalonıca 3:2

Gòet'ı̨ Tımothy, Nǫ̀htsı̨ gha eghàlaedaa eyıts'ǫ goxè Zezì-Krı wegodıì nezı̨ı̨ k'eɂaa sìı naxınì nàtsoò ayele ha, eyıts'ǫ denahk'e naxıgha ehkw'ı-ahodı gha naxıts'ǫ̀ wets'ı̨ı̨hɂà hǫt'e.

2 Thessalonıca 2:17

hotıì naxıdzeè nàtsoò agııle, eyıts'ǫ wet'à t'aats'ǫǫ̀ nezı̨į̀ eghàlaahda gha, eyıts'ǫ wet'à nezı̨į̀ goahde gha nàahtso welè.

2 Tımothy 4:12

Tychıcus kǫ̀ta Ephesus ts'ǫ̀ awèhłà.