Ephesus 6:21 - Nǫ̀htsı̨ Nı̨htł'è

²¹ Tychıcus, sèot'ı̨ weghǫneehtǫǫ sìı t'aats'ǫǫ̀ gots'ǫ̀ K'àowo gha eghàlaeda hǫt'e. Sexè dàgǫ̀ht'ee sìı hazǫǫ̀ yeghǫ naxıxè godo ha, hanì-ı̨dè dànì sexè hòɂǫǫ eyıts'ǫ ayìı ghàlaehdaa sìı wek'èahsǫ ha.

Ephesus 6:21 ပူးပေါင်းရင်းမြစ်များ

Zezì Wecheekeèdeè 20:4

Dǫ gıxè at'ı̨ı̨ sìı Berea got'ı̨į̀ Pyrhus weza, Sopater wìyeh, eyıts'ǫ Thessalonıca got'ı̨į̀ nàke Arıstarchus eyıts'ǫ Secundus, eyıts'ǫ Derbe got'ı̨į̀ Gaıus. Tımothy, Asıa got'ı̨į̀ Tychıcus eyıts'ǫ Trophımus goxè aget'ı̨.

1 Corınth 4:17

Eyıt'à Tımothy naxıts'ǫ̀ weehɂà ha hǫt'e. Seza lanì weghǫneehtǫ, gots'ǫ̀ K'àowo gha wınì nàtso. Dànì Zezì-Krı wegha ehdaa sìı naxıts'ǫ̀ hadı ha. Kǫ̀ta hazǫǫ̀ Nǫ̀htsı̨ wecheekeè dànì hoghàgeehtǫǫ sìı t'aats'ǫǫ̀ hanì ehda hǫt'e.

Phılıppı 1:12

Sèot'ı̨ı̨, dıı wek'èahsǫ ha dehwhǫ: sexè dàgòjàa sìı godı nezı̨ı̨ dǫ łǫ ts'ǫ̀ ade ha t'à agòjà hǫt'e.

Colosse 1:7

Epaphras ededı̨ sìı godı nezı̨ı̨ hoghànaxeèhtǫ hǫt'e. Eyı dǫ weghǫnets'eètǫ hǫt'e, goxèht'eè Nǫ̀htsı̨ cheekeè elı̨. Gogha Zezì-Krı gha t'aats'ǫǫ̀ ehkw'ı eghàlaeda.

1 Tımothy 4:6

Gòet'ı̨ hanì hoghàgı̨ı̨htǫ nı̨dè, Zezì-Krı wegha nezı̨į̀ eghàlaı̨da ha hǫt'e. Haąt'ı̨ nı̨dè Zezì-Krı weyatıì ehkw'ıı wet'à negeèhsǫǫ sìı wek'ę̀ę̀ anet'ı̨ hǫt'e, eyıts'ǫ ayìı ehkw'ıı hoghàneètǫǫ xè ayìı wek'èaneet'èe sìı wek'ę̀ę̀ eghàlaı̨da ha hǫt'e.

2 Tımothy 4:12

Tychıcus kǫ̀ta Ephesus ts'ǫ̀ awèhłà.

Tıtus 3:12

Artemas hanì-le-ı̨dè Tychıcus nets'ǫ̀ awèhłà ts'ǫ̀et'ıì, kǫ̀ta Nıcopolıs ekǫ sets'àątła ha edenį̀ı̨dzà nǫǫ̀, ekǫ sexè xohoewı ha t'à.

Phılemon 1:16

Dıì sìı negha eghàlaedaa dǫǫ̀ zǫ elı̨ nıìle. Į̀le, negha eghàlaedaa dǫǫ̀ nahk'e nechı lanì sıì weghǫneę̀tǫ ha. Weghǫneehtǫ hǫt'e, hanìkò nı̨ denahk'e weghǫneę̀tǫ aąde ha. Negha nezı̨į̀ eghàlaedaa dǫǫ̀ elı̨ t'à eyıts'ǫ gots'ǫ̀ K'àowo wıızì dahxà nèot'ı̨ elı̨ t'à weghǫneę̀tǫ ha.

1 Peter 5:12

Naxıts'ǫ̀ eehtł'è gha sèot'ı̨ Sılas sets'àı̨dì. Ededı̨ sìı t'aats'ǫǫ̀ segha nezı̨į̀ eghàlaeda hǫt'e. Naxınì nàtsoò ahłe ha eyıts'ǫ Nǫ̀htsı̨ wesǫnıwǫ k'ę̀ę̀ aahda ha dehwhǫ t'à t'asìı mǫ̀hdaa ghǫ naxıts'ǫ̀ ııhtł'è hǫt'e. Nǫ̀htsı̨ naxıts'ǫ̀ sǫnıwǫ ts'ıhɂǫ̀ t'aats'ǫǫ̀ naxınì nàtsoò aahwhǫ.

2 Peter 3:15

Gots'ǫ̀ K'àowo ts'èwhı̨į̀ godanaèhɂı̨ t'à ı̨łaà dǫ łǫ edaxàgole ha nıwǫ, eyı wedaànıahdè. Gòet'ı̨ Paul weghǫnets'eètǫǫ sìı ededı̨ sı Nǫ̀htsı̨ dahxà hanì naxıts'ǫ̀ gǫǫzǫǫ̀ ı̨ı̨tł'è ı̨lè.