Ephesus 6:2 - Nǫ̀htsı̨ Nı̨htł'è

^2-3 Nǫ̀htsı̨ Nı̨htł'è k'e dıı hanì dek'eèhtł'è: “Naxıtà eyıts'ǫ naxımǫ gıts'ǫ̀ nezı̨į̀ aahda, hanì-ı̨dè t'asìı hazǫǫ̀ t'à naxıxè sìghà agode ha, eyıts'ǫ dıı nèk'e whaà nàahdè ha,” dek'eèhtł'è. Nàowodeè hazǫǫ̀ gha sìı eyı nàowo t'akwełǫ̀ǫ̀ wexè yatı nezı̨ı̨ wheɂǫ hǫt'e.

Ephesus 6:2 ပူးပေါင်းရင်းမြစ်များ

Rome 13:7

Eyıt'à dǫ ts'ǫ̀ naxını̨htł'è gǫ̀hłı̨ nı̨dè naxını̨htł'è naahłe. Dèe-ts'ǫ̀-k'àowo ts'àts'eehdì ts'ǫǫ̀hk'e naxını̨htł'è nı̨dè naxını̨htł'è naahłe. Eyıts'ǫ k'aodèe hazǫǫ̀ gıts'ǫ̀ nezı̨į̀ naahɂa xè gıghàhoahdì ha hòɂǫ nı̨dè, hanì gıts'ǫ̀ naahɂa.

1 Tımothy 5:4

Ekò gıza eyıts'ǫ gıchaà gǫ̀hłı̨ nı̨dè ededı̨ t'akwełǫ̀ǫ̀ edèot'ı̨ ts'àgedı ha hoghàdegııtǫ. Gıgha ehkw'ı-ahodı k'ę̀ę̀ edèot'ı̨ k'ègedì ha hǫt'e. Edèot'ı̨ ts'ǫ̀ hanì geeda nı̨dè ek'èt'à t'asìı goghǫ̀gele lanì ha hǫt'e, eyıts'ǫ Nǫ̀htsı̨ eyı ghǫ sìghà anıwǫ hǫt'e.