Ephesus 6:12 - Nǫ̀htsı̨ Nı̨htł'è

¹² Dǫ xè ełets'egǫ ats'et'ı̨ nıìle, hanìkò yat'a k'aodèe gı̨ı̨lı̨ı̨ eyıts'ǫ dıı nèk'e togoòtł'òo gha k'aodèe gı̨ı̨lı̨ı̨ sìı gıxè ełets'egǫ hǫt'e, eyıts'ǫ yat'a ı̨nìłı̨ı̨ nàgetsoo sìı gıxè ełets'egǫǫ̀ ats'et'ı̨ hǫt'e.

Ephesus 6:12 ပူးပေါင်းရင်းမြစ်များ

Matthew 16:17

Zezì yets'ǫ̀ hadı, “Jonah weza Sımon nexè sìghà hǫt'e. Dǫ dahxà eyı wek'èı̨zǫ nıìle, hanìkò Setà yak'e whedaa sìı wedahxà wek'èı̨zǫ hǫt'e.

Mark 4:19

hanìkò t'asìı łǫ ghǫ nànıgedè, sǫǫ̀mba łǫ eyıts'ǫ t'asìı łǫ gı̨ı̨wǫ t'à edeghǫyageeɂà lanì geeda. Eyıt'à yatı nezı̨ı̨ wedıhogehtsı̨ xè t'asìı nezı̨ı̨ wı̨ı̨zìı xàhogehwhı-le.

Luke 13:24

“Enìı̨tǫ neghoa k'è goyaahde ha hòtł'ò edeahdzà. Dǫ łǫ goyageedè ha degeèhdzà, hanìkò gıgha dìì ha.

Luke 22:53

Dzę taàt'eè naxıxè Nǫ̀htsı̨kǫ̀-gocho gà whıhda ı̨lè kò sèahchì-le ı̨lè. Hanìkò dıì to agǫ̀ht'e t'à naxıgha hòɂǫǫ̀ agòjà,” Zezì gòhdı.

John 12:31

Hòt'a dǫ hazǫǫ̀ gısınìyaetı ha nìkw'o; hòt'a dıı nèk'e k'àowo elı̨ı̨ sìı xàwedeezhı ha.

John 14:30

Hòt'a dıı nèè ts'ǫ̀ k'àowo sìı nììtła ha t'à, whaà-le-t'ıì naxıts'ǫ̀ gohde-le agode ha. Sı̨ sets'ǫ̀ k'àowo nıìle,

John 16:11

Eyıts'ǫ dıı nèè ts'ǫ̀ k'àowo sìı hòt'a wesınìyaetı ne t'à dıı nèk'e dǫ gıhołı̨į̀ k'èxa gısınìyaetı hǫt'e.

Rome 8:38

Nǫ̀htsı̨ goghǫneètǫǫ sìı t'asìı wı̨ı̨zìı yech'à ı̨łak'aà agole ha nıìle, hotıì wek'èts'eezǫ. Ełaàts'edee, ts'eedaa, ehk'ę̀ę̀ ı̨łaà goghǫneètǫ ha hǫt'e. Yak'eet'ı̨į̀ hanì-le-ı̨dè ı̨nìłı̨ı̨ yets'ǫǫ̀ agole ha nıìle. Dıì dànì k'ehokw'oo, ı̨daà dàgode ha sìı t'à wets'ǫǫ̀ agole ha nıìle, eyıts'ǫ Nǫ̀htsı̨ dànì goghǫneètǫǫ sìı ch'à ı̨łak'aà agogele ha nıìle.

1 Corınth 15:50

Sèot'ı̨ı̨, ehkw'ı anaxèehsı̨, dıı nèk'e gots'ǫ gozhį̀į̀ t'à Nǫ̀htsı̨ Wenàowoò k'ę̀ę̀ hòɂǫ ts'ǫ̀ ats'ede ha dìì hǫt'e. T'asìı ełaàwıı sìı welǫ whìle ts'ǫ̀ edaà awedle ha dìì hǫt'e.

2 Corınth 11:14

Eyı haget'ı̨ı̨ sìı gogha enıìyah nıìle, wehłı̨ı̨ ededı̨ kò yak'eet'ı̨į̀ degaı edeetsı̨ hǫt'e. Eyıt'à dǫ wehłı̨ı̨ gha eghàlageedaa sìı ededı̨ sı ehkw'ı eghàlageeda laget'ı̨. Nǫǫde nı̨dè dànì eghàlagı̨ı̨dà k'ę̀ę̀ gıghàhòt'à ha.

2 Corınth 4:4

Wehłı̨ı̨ dıı nèè gha k'àowo elı̨ı̨ sìı dǫ gıgha ehkw'ı-ahodı-le sìı gınì t'à gıgha xègaat'ı̨-le agǫ̀ǫ̀là. Eyıt'à Zezì-Krı wegodıì nezı̨ı̨ ts'ıhɂǫ̀ dǫ xè dzęh hòɂǫǫ sìı gıgha wègaat'ı̨ ha dìì, eyıts'ǫ Zezì-Krı enıìyah wehòhɂǫ xè hotıì Nǫ̀htsı̨ xèht'eè wègaat'ı̨ı̨ sìı, gınıedì ha dìì hǫt'e.

Ephesus 1:21

Įdòo yat'a k'aodèe hazǫǫ̀ xàɂaa eyıts'ǫ k'aodèe gıızì gǫ̀hłı̨ı̨ sìı hazǫǫ̀ gınahk'e Zezì k'àowodeè elı̨į̀ ayį̀į̀là. Dıì gogha zǫ k'àowodeè yèhtsı̨ nıìle hanìkò ı̨daà hòɂǫ gha sı ayį̀į̀là hǫt'e.

Ephesus 1:3

Nǫ̀htsı̨, gots'ǫ̀ K'àowo Zezì-Krı Wetà, weghàsǫts'eedı welè, ededı̨ sìı goxè sìghà hòɂǫǫ̀ ayį̀į̀là hǫt'e. Įdòo yak'e gots'ǫ Zezì-Krı wedahxà t'asìı hazǫǫ̀ wet'à goxè sìghà hòɂǫ ha sìı hòt'a goghàyı̨ı̨la hǫt'e.

Ephesus 2:2

Hołı̨ı̨ nàowoò k'ę̀ę̀ aahda ı̨lè, eyıts'ǫ dıı nèk'e hołı̨ı̨-hogehtsı̨ı̨-dǫǫ̀ gık'ę̀ę̀ aahda ı̨lè, eyıts'ǫ ı̨nìłı̨ı̨ yat'a ts'ǫ̀ k'àowo elı̨ı̨ sìı wek'èaht'e ı̨lè. Eyı ı̨nìłı̨ı̨ sìı dǫ Nǫ̀htsı̨ k'èagı̨ı̨t'e-le sìı dıì gıgha k'àowo elı̨ hǫt'e.

Ephesus 3:10

Nǫ̀htsı̨ hanì eghàlaı̨dà hǫt'e. Dànì deɂǫ̀ǫ̀ gǫǫzǫǫ sìı yat'a ı̨nì k'aodèe hazǫǫ̀ gık'èezǫ ha nıwǫ t'à, edecheekeè got'à hanì eghàlaı̨dà hǫt'e.

Colosse 1:13

Togoòtł'òo dǫ ts'ǫ̀ k'àhowo gots'ǫ edaxàgoı̨la t'à, Edeza ghǫneètǫǫ sìı wenàowoò k'ę̀ę̀ hòɂǫǫ ts'ǫ̀ agǫ̀ǫ̀là.

Colosse 2:15

Hanì t'aa Nǫ̀htsı̨ ı̨nìłı̨ı̨ eyıts'ǫ gıts'ǫ k'aodèe hazǫǫ̀ goghǫèhnǫ, eyıts'ǫ wet'à nàgetsoo sìı hazǫǫ̀ goghǫ whìle ayį̀į̀là xè dǫ nadąą̀ edeghǫ į̀į̀zhagı̨ı̨lı̨į̀ agǫ̀ǫ̀là. Dechı̨et'aa t'à hazǫǫ̀ goghǫèhnǫ hǫt'e.

2 Tımothy 2:5

Eyı xèht'eè dǫ ehdaàtı̨mǫedaa sìı sǫnàts'edèe nàowoò k'ę̀ę̀ at'į̀ lenǫsıı t'asìı sǫǫ̀mbaekwo t'à hòèlı̨ı̨ dehnè ha nıìle.

Hebrew 12:1

Dǫ łǫ gıgha ehkw'ı-ahodıı k'ę̀ę̀ gı̨ı̨dàa sìı gomǫǫ̀ goòɂà ts'ǫ̀ geèhkw'e lanì, eyıt'à t'asìı hazǫǫ̀ wet'à goınì nàtso-le sìı wedę ats'ııle. Goınì nàtso-le t'à nàhotì-le gohołı̨į̀ godaèht'è, eyıt'à Nǫ̀htsı̨ wenàowoò k'ę̀ę̀ ts'eeda gha goınì nàtso ats'ı̨ı̨hwhǫ ha hǫt'e.

Hebrew 12:4

Hołı̨ı̨ nàowoò ch'à nàhǫhoahdè kò ı̨łaà naxıdoò xàı̨tł'ı ts'ǫ̀ aahjà nıìle.

1 Peter 3:22

Zezì-Krı yak'e ts'ǫ̀ ajà xè Nǫ̀htsı̨ gà nàgòts'ehnèe wheda, eyıts'ǫ yak'eet'ı̨į̀ hazǫǫ̀ eyıts'ǫ k'aodèe gı̨ı̨lı̨ı̨ hazǫǫ̀ gık'į̀ı̨t'eè agììdlà.