Ephesus 6:11 - Nǫ̀htsı̨ Nı̨htł'è

¹¹ Nǫ̀htsı̨ wets'ǫ eghǫǫ-dǫǫ̀ lanì, Nǫ̀htsı̨ wets'ǫ ełets'egǫǫ-goht'ǫǫ̀ hazǫǫ̀ edek'e nìahwha, hanì-ı̨dè wehłı̨ı̨ naxık'alawo ha nıwǫ kò weghǫahnè ha dìì-le.

Ephesus 6:11 ပူးပေါင်းရင်းမြစ်များ

Mark 13:22

Dǫ mǫ̀hdaa hogets'ì t'à dıı hagedı ha, ‘Chrıst aht'e,’ hanì-le-ı̨dè ‘Nakwenàoɂǫǫ aht'e,’ hagedı xè enıìyah nechàa hogehtsı̨ ha. Nǫ̀htsı̨ dǫ gòį̀hchìı sìı ghǫdageehnè ha dìì-le nı̨dè eyı dǫ kò ghǫyageeɂà ha hǫt'e.

Rome 13:12

To k'àhdzǫ wetehoòwo t'e, whaà-le-t'ıì goxè dzęh agode ha. Eyıt'à to dǫ t'asìı wejıı k'alagedèe sìı wedę ats'ııle, dzęh eghàlats'eeda gha edexè sınìhots'ììɂà ha hǫt'e.

Rome 13:14

Hanìkò dıı haaht'ı̨: Gots'ǫ̀ K'àowo Zezì-Krı wınì k'ę̀ę̀ aahda. Dànì gonìłı̨ı̨ k'ę̀ę̀ k'ehots'eɂaa sìı ghǫ nànıahdè-le.

1 Corınth 10:13

Dǫ hazǫǫ̀ hołı̨ı̨ t'à dànì geèdzàa sìı wedaats'ǫ̀ naxeèdzà ha nıìle. Nǫ̀htsı̨ sìı t'aats'ǫǫ̀ goxoehdı ha hǫt'e, naxınì nàtso nahk'e ts'ǫ̀ naxeèdzà anaxele ha nıìle. Hanìkò hołı̨ı̨ t'à naxeèdzà nı̨dè, weghǫahnè ha naxınì nàtsoò ayele ha.

2 Corınth 10:4

Goxı̨ wet'à ełets'egǫǫ sìı dıı nèk'e dǫ gıt'à ełegegǫǫ sìı xèht'eè nıìle. Į̀le, ełèht'eè nıìle! Nǫ̀htsı̨ wets'ǫ wet'à ełets'egǫǫ nàtsoò agohɂı̨ı̨ sìı wet'à wehłı̨ı̨ wenàowoò nàtsoo sìı hazǫǫ̀ wedıhots'ehtsı̨ hǫt'e.

2 Corınth 11:3

Hanìkò Eve gòocho yeghǫyaàɂǫ xèht'eè naxı̨ sı naxıghǫyaeɂà aweahłe ha sǫnı dehwhǫ t'à naxıghǫ dehjı̨. Naxıdzeè t'à Zezì-Krı ghàdeahtı̨ ı̨lèe sìı eyı ch'à naxınì ekǫ-le ayele ha sǫnı.

2 Corınth 2:11

Hanì-ı̨dè wehłı̨ı̨ goghǫehnè ha-le. T'aats'ǫǫ̀ goghǫyaeɂà k'ehoɂa wek'èts'eezǫ hǫt'e.

2 Corınth 4:4

Wehłı̨ı̨ dıı nèè gha k'àowo elı̨ı̨ sìı dǫ gıgha ehkw'ı-ahodı-le sìı gınì t'à gıgha xègaat'ı̨-le agǫ̀ǫ̀là. Eyıt'à Zezì-Krı wegodıì nezı̨ı̨ ts'ıhɂǫ̀ dǫ xè dzęh hòɂǫǫ sìı gıgha wègaat'ı̨ ha dìì, eyıts'ǫ Zezì-Krı enıìyah wehòhɂǫ xè hotıì Nǫ̀htsı̨ xèht'eè wègaat'ı̨ı̨ sìı, gınıedì ha dìì hǫt'e.

2 Corınth 6:7

dǫ ts'ǫ̀ ehkw'ı gots'edee t'à, eyıts'ǫ dànì Nǫ̀htsı̨ wedahxà eghàlats'ı̨ı̨dàa t'à; nàowo ehkw'ıı wet'à ełets'egǫ lanì nàgòts'ehnèe eyıts'ǫ gots'ı̨hts'ǫ wet'à-ats'et'ı̨ı̨;

Ephesus 4:14

Hanì-ı̨dè k'achı̨ bebìa lats'ı̨ı̨t'e ha-le, taatı̨į̀ t'à goxè k'etaetı̨ lanì ha-le. Dǫ goghǫyageeɂà t'à gogı̨ı̨zǫǫ sìı ładı̨į̀ hoghàgogeehtǫ nı̨dè goxè ts'ıɂǫ̀-hogeeɂà ha-le.

Ephesus 4:24

eyıts'ǫ dǫgòò lanì aahda ha hoghànaxeètǫ ı̨lè. Nǫ̀htsı̨ k'ę̀ę̀ hotıì ehkw'ı aahda xè degaı aaht'e ha naxıhòèlı̨ hǫt'e.

Ephesus 6:13

Eyıt'à Nǫ̀htsı̨ wets'ǫ eghǫǫ-dǫǫ̀ yàahłı̨ k'ę̀ę̀ ełets'egǫǫ-goht'ǫǫ̀ hazǫǫ̀ yìahdè xè sı̨į̀daahkw'e, hanì-ı̨dè t'asìıłı̨ı̨ naxık'alagedè nı̨dè, nàahtso xè gıts'ǫǫ̀hk'e naahzha ha dìì-le. Eyı hazǫǫ̀ haahłà tł'axǫǫ̀ nı̨dè, gıghǫahnè ha hǫt'e.

Colosse 3:10

Goht'ǫ gòò yìı aahde laahjà, Nǫ̀htsı̨ gòèhtsı̨ı̨ sìı deghàà wek'èahsǫǫ̀ aahjà, eyıts'ǫ wexèht'eè aahdaà aahjà.

1 Thessalonıca 5:8

Hanìkò goxı̨ sìı dzęh ts'ǫ dǫ ats'ı̨ı̨t'e t'à, hołı̨ı̨ nàowoò ch'à edek'èts'ııdì. Gogha ehkw'ı-ahodıı xè ełeghǫnets'eètǫǫ sìı wet'à godzıìwı k'e satsǫ̀ whetǫ lanì. Eyıts'ǫ Nǫ̀htsı̨ edaxàgole ha ts'ǫ̀ kànets'eèɂàa sìı wet'à satsǫ̀-ts'ah whats'eèhɂǫ lanì.

Hebrew 7:25

Eyıt'à Zezì ededı̨ wet'ǫ̀ǫ̀ amìı Nǫ̀htsı̨ ts'ǫ̀ at'ı̨ı̨ sìı deghàà edaxàgole ha wegha dìì-le hǫt'e. T'aats'ǫǫ̀ eda t'à dǫ gha Nǫ̀htsı̨ ts'ǫ̀ yahtı ha dìì-le hǫt'e.

James 4:7

Eyıt'à Nǫ̀htsı̨ ghàdeahtè xè wek'èaht'e. Wehłı̨ı̨ ch'à edek'èahdì, hanì-ı̨dè naxıts'ǫǫ̀ naetła ha.

1 Peter 5:8

Nàowołı̨ı̨ ch'à edek'èahdì eyıts'ǫ hotıì kexoahdı. Wehłı̨ı̨ naxıdzaı̨hwhǫǫ sìı, goìjìıcho ı̨ghǫǫ lanì dǫ godzıìhɂà ha gotak'etło hǫt'e.

Jude 1:24

Nǫ̀htsı̨ sìı hołı̨ı̨ ts'ǫ̀ ek'èt'à anaahde ch'à naxık'èdì ha wegha dìì-le hǫt'e, eyıts'ǫ edı̨į̀ wexè enıìyah hòɂǫǫ sìı hołı̨ı̨ naxık'e wheɂǫ-le xè sıì naxınà wenadąą̀ nàahza anaxele ha dìì-le hǫt'e.

John Wenazhıı 12:9

Eyı tıts'aàdìıcho dek'oo sìı ı̨nę̀ę whaà gots'ǫ gòocho hǫt'e. Eyı sìı wehłı̨ı̨ hanì-le-ı̨dè “Satan” wìyeh hǫt'e. Ededı̨ sìı dıı nèk'e dǫ hazǫǫ̀ ekǫ-le ts'ǫ̀ goèhɂa. Wets'ǫ yak'eet'ı̨łı̨ı̨ xè dıı nèk'e ts'ǫ̀ gogeèhde.

John Wenazhıı 19:20

Hanìkò tıts'aàdìı nechàa dagıachì eyıts'ǫ wets'ǫ nakwenàoɂǫǫ ehkw'ı gode-le sìı eyı sı dagıachì. Eyı nakwenàoɂǫǫ sìı tıts'aàdìı nechàa dahxà enıìyah hòèhtsı̨ t'à dǫ łǫ tıts'aàdìı nechàa wıızì gık'e wheɂǫǫ eyıts'ǫ kwe wek'ę̀ę̀ hòèlı̨ ts'ǫ̀ nàgògı̨ı̨hgèe sìı ts'ıɂǫ̀ geèdeè agǫ̀ǫ̀là. Eyı tıts'aàdìı nechàa eyıts'ǫ wets'ǫ nakwenàoɂǫǫ-łı̨ı̨ ı̨łaà geeda et'ıì, kwe dèk'ǫ̀ǫ ta ts'ǫ̀ gogeèhde.

John Wenazhıı 2:24

Nǫ̀htsı̨ wecheekeè eyıì-le kǫ̀ta Thıyatıra nàgedèe sìı gıts'ǫ̀ yatı nèehɂà ha. Eyı ts'èko wek'ę̀ę̀ eghàlaahda-le eyıts'ǫ wehłı̨ı̨ wenàowoò weghàdeahtǫ-le. Dǫ mǫ̀hdaa eyı nàowo gıgha wet'àaɂà t'à dǫ gıghàdeetǫ ha gı̨ı̨wǫ. Naxı̨ eyı nàowo dahwhǫ-le sìı dıı yatı naxıghàehɂǫ, (weɂǫ̀ǫ̀ t'asìı naxıgha dezhìı sìı ts'ǫ̀ naxeehɂa ha-le):