Ephesus 5:4 - Nǫ̀htsı̨ Nı̨htł'è

⁴ Naxıta dǫ wı̨ı̨zìı whàdagoetsǫ̀ǫ gode ha-le, ezhı̨ne yatıì hanì-le-ı̨dè yatı nezı̨-le t'à dlòahtsı ha-le, eyı hazǫǫ̀ sìı Nǫ̀htsı̨ wets'ǫ dǫ gıgha ehkw'ı nıìle. Hanìkò gowà t'à Nǫ̀htsı̨ ts'ǫ̀ masì ts'edı welì.

Ephesus 5:4 ပူးပေါင်းရင်းမြစ်များ

Mark 7:22

ets'edì-le, hołı̨ı̨ k'ę̀ę̀ k'ehots'eɂaa, ełeghǫyats'eeɂàa, t'asìıjıı ghǫ nànıts'edèe, ełeghǫ ts'ohots'eedıı, ełıızì jıı ts'ehtsı̨ı̨, xàhots'edìı, eyıts'ǫ ezhı̨ne k'ę̀ę̀ k'ehots'eɂaa.

John 6:23

Eyıt'à kǫ̀ta Tıberıas gots'ǫ dǫ mǫ̀hdaa elà t'à geèɂe. Edı̨į̀ Zezì łèt'è k'eèyaı̨htı eyıts'ǫ edı̨į̀ dǫ shègıazhe ı̨lèe sìı ekǫ dàgı̨ı̨de.

Rome 1:28

Eyıts'ǫ Nǫ̀htsı̨ wek'èts'eezǫǫ xè wek'èats'ı̨ı̨t'ee sìı gıgha wet'àaɂà-le t'à, Nǫ̀htsı̨ sìı gınàowołı̨ı̨ k'ę̀ę̀ geeda ts'ǫ̀ geèlı̨į̀ agǫ̀ǫ̀là, eyıts'ǫ t'asìı dǫ gha wets'àet'ǫǫ sìı gıghàlaeda t'à goghàèhdı.

2 Corınth 1:11

Naxı̨ xàyaahtı t'à gots'àahdı ha hǫt'e. Hanì-ı̨dè dǫ łǫ goghǫ Nǫ̀htsı̨ ts'ǫ̀ masì gı̨ı̨wǫ ha, gots'ǫ̀ wedzeè sǫnıwǫ t'à.

2 Corınth 9:15

Nǫ̀htsı̨ masì wets'ı̨ı̨hwhǫ ha hǫt'e! Ayìı goghàyı̨ı̨ɂǫǫ sìı sıì weghǫ enıìyah t'à wegha yatı whìle hǫt'e!

Ephesus 1:16

naxıgha yahtı xè t'aats'ǫǫ̀ naxıgha Nǫ̀htsı̨ masì weehwhǫ.

Ephesus 4:29

Yatıjıı t'à goahde-le, hanìkò yatı wet'à dǫ gınì nàtsoò ade ha sìı t'à goahde, hanì-ı̨dè dǫ egeèhkw'ǫǫ sìı wet'à nezı̨į̀ edexègeedì xè gıt'àhoehwhı ha.

Phılıppı 4:6

T'asìı wı̨ı̨zìı ghǫ nànıahdè-le, hanìkò Nǫ̀htsı̨ ts'ǫ̀ yaahtı, t'asìı hazǫǫ̀ naxıgha whìle sìı weahkè, eyıts'ǫ masì wèahdı.

Colosse 3:8

Hanìkò dıı hazǫǫ̀ wedę aahłe: ts'ìch'ee, goınì nàìtłoo, hołı̨ı̨ k'ę̀ę̀ k'ehots'eɂaa, dǫ k'adats'edèe, eyıts'ǫ whàdagots'etsǫ̀ǫ, eyı hazǫǫ̀ wedę aahłe.

1 Thessalonıca 3:9

Naxıts'ıhɂǫ̀ Nǫ̀htsı̨ wenadąą̀ sıì goınà t'à Nǫ̀htsı̨ sıì masì wets'ı̨ı̨hwhǫ hǫt'e.

1 Thessalonıca 5:18

Naxıxè dànì k'ehokw'oo sìı Nǫ̀htsı̨ masì wèahdı. Naxı̨ Zezì xè aahdaa sìı Nǫ̀htsı̨ hanì aahda ha naxı̨ı̨hwhǫ.

Phılemon 1:8

Eyıt'à Zezì-Krı dahxà yatı nàtsoo t'à ayìı ehkw'ıı sìı hanele nèehsı̨ ha dìì-le,

Hebrew 13:15

Eyıt'à Zezì wedahxà t'aats'ǫǫ̀ Nǫ̀htsı̨ ghàsǫts'eedı ha hǫt'e. Gowà t'à Nǫ̀htsı̨ wıızì deè ts'ehtsı̨ ha hǫt'e.

2 Peter 2:18

Yatı wet'àaɂà-le t'à xàdahogedì, dǫ gınìłı̨ı̨ t'à hołı̨ı̨ hogehtsı̨ ha gok'alagedè, eyıts'ǫ hołı̨ı̨ k'ę̀ę̀ geedaa gıta gots'ǫ dǫ edaxàwhedee sìı k'achı̨ hołı̨ı̨ hogehtsı̨ ha gok'alagedè.

2 Peter 2:7

Hanìkò Lot ehkw'ı edaa sìı Nǫ̀htsı̨ edaxàyį̀ı̨htı̨, dǫ wemǫǫ̀ hołı̨ı̨ nàowoò k'ę̀ę̀ geeda ts'ıhɂǫ̀ sıì wegha dìì ı̨lè.

Jude 1:10

Hanìkò eyı dǫ ekǫ-le aget'ı̨ı̨ sìı t'asìı nıgeedì-le kò gık'èch'a gogede. Tıts'aàdìı nànıwo-le lagı̨ı̨t'e dànì edexègeedì ghàà t'asìı nıgeedì, eyı hazǫǫ̀ ts'ıhɂǫ̀ gıdıhołè ha hǫt'e.

Jude 1:13

Tıcho k'e taatı̨į̀ k'etaetı̨ xè wegoghoò łǫ wègoèht'į̀ lanì hołı̨ı̨ łǫ hogehtsı̨. Yat'a whǫ̀ ts'ıɂǫ̀-èdee lagı̨ı̨t'e, welǫ whìle ts'ǫ̀ denahk'e togoòtł'òo gòɂǫǫ sìı gıdawheɂǫ hǫt'e.