Ephesus 5:28 - Nǫ̀htsı̨ Nı̨htł'è

²⁸ Zezì edets'ǫ dǫǫ̀ ghǫneètǫ xèht'eè dǫzhìı hoet'ı̨ı̨ sìı edezhį̀į̀ ghǫneètǫ lanì edets'èkeè ghǫneètǫ ha hǫt'e. Dǫ edets'èkeè ghǫneètǫ sìı edeghǫneètǫ hǫt'e.

Ephesus 5:28 ပူးပေါင်းရင်းမြစ်များ

Matthew 19:5

eyıts'ǫ Nǫ̀htsı̨-Gotà dıı hadı, ‘Eyı ts'ıhɂǫ̀ dǫzhìı edetà eyıts'ǫ edemǫ gots'ǫǫ̀ xàetła ha. Edets'èkeè xè ı̨łè lanì ha, eyıts'ǫ eyı nàke geet'èe sìı edezhį̀į̀ t'à dǫ ı̨łè lagede ha hǫt'e,’ wek'eyaahtı-le nì?

Ephesus 5:25

Dǫzhìı yàahłı̨ı̨ sìı naxıts'èkeè ghǫnıahtǫ, Zezì-Krı edecheekeè goghǫneètǫ lanì eyıts'ǫ gogha ełaı̨wo lanì.

Ephesus 5:29

Dǫ wı̨ı̨zìı edezhį̀į̀ ghǫneètǫ-le gǫ̀hłı̨ nıìle, hanìkò edezhį̀į̀ wàɂeedı xè nezı̨į̀ yek'èdì hǫt'e, Zezì-Krı edets'ǫ dǫ nezı̨į̀ gok'èdì lanì.

Ephesus 5:31

“Hanì ts'ıhɂǫ̀ dǫzhìı sìı edetà eyıts'ǫ edemǫ gots'ǫǫ̀ xàetła ha, eyıts'ǫ edets'èkeè xè dǫ ı̨łè lade ha, eyı dǫ nàke sìı dǫ ı̨łè zǫ lagede ha,” dek'eèhtł'è.

Ephesus 5:33

Eyıt'à naxı̨ dǫzhìı yàahłı̨ı̨ sìı edeghǫnıahtǫ lanı naxıts'èkeè gıghǫnıahtǫ ha hǫt'e, eyıts'ǫ ts'èko hazǫǫ̀ nezı̨į̀ ededǫǫ̀ ts'ǫ̀ nageɂa ha hǫt'e.

1 Peter 3:7

Eyı xèht'eè dǫzhìı naxıts'èkeè ts'ǫ̀ naxıdzeè nezı̨ı̨ welì. Naxıts'èkeè naxıxèht'eè nàgetso nıìle t'à gıts'ǫ̀ nezı̨į̀ naahɂa welì. Naxıxèht'eè Nǫ̀htsı̨ wesǫnıwǫ t'à welǫ whìle ts'ǫ̀ geeda ha agǫ̀ǫ̀là hǫt'e. Gıts'ǫ̀ naxıdzeè nezı̨ nı̨dè nezı̨į̀ yaahtı ha dìì-le.