Ephesus 5:27 - Nǫ̀htsı̨ Nı̨htł'è

²⁷ Gìdaat'ı̨ xè edets'ǫ̀ agole ha nıwǫ. Tsǫ̀ wı̨ı̨zìı gık'e wheɂǫ-le xè t'asìı wı̨ı̨zìı t'à gıxoeɂa ha-le. Degaı gı̨ı̨lı̨ı̨ xè t'asìı wı̨ı̨zìı t'à dǫ gok'e nìdahoeɂà ha-le.

Ephesus 5:27 ပူးပေါင်းရင်းမြစ်များ

2 Corınth 11:2

Nǫ̀htsı̨ wınì k'ę̀ę̀ hotıì naxıxoehdı hǫt'e. T'eeko wetà dǫzhìı ghàyı̨ı̨htı̨ lanì Zezì-Krı ghànaxèehtè ha dehwhǫ. T'eekogòò lanì weghànaxèehtè ha dehwhǫ.

2 Corınth 4:14

Nǫ̀htsı̨ sìı Zezì-Krı naìdà ayį̀į̀là hǫt'e, goxı̨ sı Zezì xè nats'ìdà agole ha hǫt'e, eyıts'ǫ naxıxè wenadąą̀ nàts'eèhzaà agole ha wek'èts'eezǫ.

Ephesus 1:4

Dıı dèè hòèlı̨ kwe Zezì-Krı wets'ıhɂǫ̀ gòį̀hchì hǫt'e. Wegha degaı ts'ı̨ı̨lı̨ gha, eyıts'ǫ wenadąą̀ hołı̨ı̨ dę ts'eeda ha goı̨hwhǫ hǫt'e. Goghǫneètǫ t'à,

Colosse 1:22

Hanìkò dıì sìı Nǫ̀htsı̨-Gotà Zezì-Krı wezhį̀į̀ naxıgha ełaı̨woò ayį̀į̀là t'à Nǫ̀htsı̨ xè ts'èwhı̨į̀ aahda anaxììdlà. Dıì hòt'a wenadąą̀ degaı aaht'e, eyı ts'ıhɂǫ̀ t'asìı wı̨ı̨zìı gha naxık'e nìdahoet'à ha nıìle.

Colosse 1:28

Zezì-Krı weghǫ dǫ ts'ǫ̀ gots'ede. Dǫ ehkw'ı geeda ha ts'ı̨ı̨wǫ ts'ıhɂǫ̀, wet'à gots'ı̨ı̨zǫǫ̀ ats'ejàa sìı t'à dǫ hazǫǫ̀ nàgets'eɂǫ xè hoghàgets'eehtǫ. Hanì-ı̨dè Zezì-Krı wets'ıhɂǫ̀ dǫ hazǫǫ̀ degaı k'ę̀ę̀ agets'ele ha ts'ı̨ı̨wǫ.

1 Thessalonıca 5:23

Nǫ̀htsı̨ ts'èwhı̨į̀ wehòhɂǫǫ sìı deghàà degaı k'ę̀ę̀ anaxııle. Gots'ǫ̀ K'àowo Zezì-Krı nììtła gots'ǫ̀ naxıts'ǫ ı̨nì hazǫǫ̀, naxıdą̀ązhį̀ı̨ hazǫǫ̀, eyıts'ǫ naxızhį̀į̀ hazǫǫ̀ hołı̨ı̨ ch'à wek'èhodì ha welì.

Hebrew 9:14

Zezì wedoò eyı nahk'e godzeè k'enaı̨htso hodeè hǫt'e. Zezì t'asìı wejıı wek'e wheɂǫ-le sìı Yedàyeh Nezı̨ı̨ wedahxà Nǫ̀htsı̨ ghàdìtı̨ t'à, t'asìı wet'àaɂà-le k'alats'ı̨ı̨dè ch'à godzeè k'enaı̨htso hǫt'e, hanì-ı̨dè Nǫ̀htsı̨ edaa sìı k'ǫǫ̀t'a wegha eghàlats'eeda ha dìì-le.

1 Peter 1:19

hanìkò Zezì-Krı wedoò wet'àaɂàa t'à edaxàwhahde hǫt'e; ededı̨ Sahzǫ̀ą t'asìıjıı wek'e wheɂǫ-le sìı gohołı̨į̀ k'èxa ełaı̨wo hǫt'e.

2 Peter 3:14

Eyıt'à seàgı̨ą, naxınà xè wexaahłı t'à t'asìı wejıı wı̨ı̨zìı naxık'e wheɂǫ-le gha hòtł'ò eghàlaahda, naxık'e nìdahoet'à ha-le, eyıts'ǫ Nǫ̀htsı̨ xè ts'èwhı̨į̀ naxıxè hòɂǫǫ gha hotıì edeahdzà.

Jude 1:21

T'aats'ǫǫ̀ Nǫ̀htsı̨ naxıghǫneètǫ k'ę̀ę̀ aahda, eyıts'ǫ gots'ǫ̀ K'àowo Zezì-Krı wesǫnıwǫ t'à welǫ whìle ts'ǫ̀ aahda anaxele gots'ǫ̀ wedanaahɂı̨.

Jude 1:24

Nǫ̀htsı̨ sìı hołı̨ı̨ ts'ǫ̀ ek'èt'à anaahde ch'à naxık'èdì ha wegha dìì-le hǫt'e, eyıts'ǫ edı̨į̀ wexè enıìyah hòɂǫǫ sìı hołı̨ı̨ naxık'e wheɂǫ-le xè sıì naxınà wenadąą̀ nàahza anaxele ha dìì-le hǫt'e.

John Wenazhıı 14:4

Eyı dǫ haàtłǫǫ sìı ts'èko xè hołı̨ı̨ k'ę̀ę̀ eghàlagı̨ı̨dà whìle, degaı k'ę̀ę̀ edek'ègıadì t'à. Sahzǫ̀ą edı̨į̀ k'etłoo sìı gık'èè k'edè. Dǫ gıta gots'ǫ nàgeèdìı agı̨ı̨t'e, eyıts'ǫ jìecho t'akwełǫ̀ǫ̀ dıìdìı Nǫ̀htsı̨ eyıts'ǫ Sahzǫ̀ą ghàgogį̀ı̨laa lagı̨ı̨t'e.