Ephesus 5:26 - Nǫ̀htsı̨ Nı̨htł'è

²⁶ Hanì-ı̨dè edecheekeè degaı lanì Nǫ̀htsı̨ ghàgole ha nıwǫ. Wegodıì nezı̨ı̨ t'à degaı agole ha eyıts'ǫ tı t'à gok'enaehtse ha.

Ephesus 5:26 ပူးပေါင်းရင်းမြစ်များ

John 13:10

Zezì hadı, “Dǫ wek'enaatsoo sìı tsǫ̀ wı̨ı̨zìı wek'e wheɂǫ nıìle, edekè zǫ k'enaı̨htso nı̨dè hòt'a. Naxı̨ sìı naxık'enaatso hǫt'e, hanìkò dǫ ı̨łè naxıta whedaa sìı hanì-le,” Zezì gòhdı.

John 15:3

Yatı naxıghàehɂǫ t'à hòt'a degaı anaxììdlà.

John 15:8

Kw'ıhchı̨į̀ wek'e jìecho łǫ dehshee laaht'e nı̨dè Setà weghàsǫhoedı ha. Eyı weghàà secheekeè aaht'e naxık'èhoedzǫ ha.

John 17:7

T'asìı hazǫǫ̀ seghàneelaa sìı nets'ǫ zǫ hǫt'e, eyı gık'èezǫǫ̀ agejà.

John 3:5

Zezì yets'ǫ̀ hadı, “Ehkw'ı anèehsı̨, dǫ tı t'à eyıts'ǫ Yedàyeh Nezı̨ı̨ t'à wegǫ̀hłı̨ lenǫsıı Nǫ̀htsı̨ Wenàowoò k'ę̀ę̀ hòɂǫǫ sìı goyaetła ha nıìle.

Zezì Wecheekeèdeè 22:16

Hot'eè ayìı k'enaąɂı̨, nıį̀tła! Gots'ǫ̀ K'àowo wıızì t'à nek'ètaìdzı̨ ha eyıts'ǫ nehołı̨į̀ neghǫ nahoezhe ha,’ sèhdı.

Rome 10:8

Hanìkò Nǫ̀htsı̨ Nı̨htł'è k'e dıı hanì dek'eèhtł'è: “Nǫ̀htsı̨ hòt'a yatı naxıghàehɂǫ ı̨lè. Eyı yatı sìı naxıwà yìı wheɂǫ, eyıts'ǫ naxıdzeè yìı wheɂǫ,” dek'eèhtł'è. Eyı yatı gogha ehkw'ı-ahodıı sìı weghǫ gots'edeè ats'edı, eyıts'ǫ wet'à hoghànaxets'eehtǫ.

1 Corınth 6:11

Įnę̀ę naxı̨ mǫ̀hdaa hanıı dǫ yàahłı̨ ı̨lè. Hanìkò Zezì-Krı wedahxà eyıts'ǫ Nǫ̀htsı̨ wets'ǫ Įnì Degaı t'à naxıhołı̨į̀ k'enaatso, degaı anaxììdlà, eyıts'ǫ ehkw'ı anaxììdlà ı̨lè.

2 Corınth 11:2

Nǫ̀htsı̨ wınì k'ę̀ę̀ hotıì naxıxoehdı hǫt'e. T'eeko wetà dǫzhìı ghàyı̨ı̨htı̨ lanì Zezì-Krı ghànaxèehtè ha dehwhǫ. T'eekogòò lanì weghànaxèehtè ha dehwhǫ.

Ephesus 6:17

Eghǫǫ-dǫǫ̀ wets'ǫ satsǫ̀-ts'ah wheahɂǫ lanì, Nǫ̀htsı̨ edaxànaxeehtèe sìı naxıgha ehkw'ı-ahodı welì, eyıts'ǫ Yedàyeh Nezı̨ı̨ wets'ǫ behcho, Nǫ̀htsı̨ weyatıì hǫt'e sìı, wet'à aaht'ı̨.

Colosse 3:16

Zezì-Krı weyatıì hazǫǫ̀ naxıdzeè yìı t'aats'ǫǫ̀ wet'à goahsǫ aahda, eyıts'ǫ wet'à hoghàłaahtǫ xè nezı̨į̀ ełek'èahdì. Naxıdzeè t'à Nǫ̀htsı̨ masì weahwhǫ eyıts'ǫ shı̨ xàɂaa t'à wegha aahjı̨.

Tıtus 2:14

Ededı̨ sìı gohołı̨į̀ k'èxa ełaı̨woò adììdlà, wet'à gonàowołı̨ı̨ hazǫǫ̀ ch'à edaxàgoazha hǫt'e. Edegha degaı gòèhtsı̨, xàè wegha ts'ı̨ı̨lı̨ ha agǫ̀ǫ̀là eyıts'ǫ ayìı nezı̨ı̨ sìı weghǫ hòtł'ò ats'ı̨ı̨wǫ ha agǫ̀ǫ̀là.

Hebrew 10:10

Nǫ̀htsı̨ wınì k'ę̀ę̀ Zezì-Krı ı̨łàà zǫ gogha ełaı̨wo t'à welǫ whìle ts'ǫ̀ degaı ts'ı̨ı̨lı̨į̀ agǫ̀ǫ̀là.

Hebrew 10:14

Įłàà zǫ dǫ gha ełaı̨wo t'à dǫ degaı agohɂı̨ı̨ sìı welǫ whìle ts'ǫ̀ deghàà degaı gı̨ı̨lı̨į̀ agǫ̀ǫ̀là.

Hebrew 10:22

hotıì gogha ehkw'ı-ahodı eyıts'ǫ godzeè ehkw'ıı xè Nǫ̀htsı̨ ts'ǫ̀ ats'ııde. Wedoò godzeè k'e adlà t'à k'achı̨ hołı̨ı̨ edek'e nìdahots'eeɂà ha-le, eyıts'ǫ yak'e gots'ǫ tı t'à gok'enaatso hǫt'e.

Hebrew 10:29

Dǫ Nǫ̀htsı̨ Weza wegha t'asìı elı̨-le, wedoò t'à nakenahòdlı̨ı̨ t'à wehołı̨į̀ whìle adlàa sìı wegha wet'àaɂà-le nı̨dè, eyıts'ǫ Nǫ̀htsı̨ wesǫnıwǫ t'à Yedàyeh Nezı̨ı̨ goghǫ̀t'ǫǫ sìı yek'èch'a eghàlaı̨dà nı̨dè eyı dǫ sìı denahk'e hòtł'ò nàweekwa ha hǫt'e.

Hebrew 13:12

Eyı xèht'eè xàè ededoò t'à dǫ degaı agole gha Zezì ededı̨ sı kǫ̀godeè gomǫ̀ht'a daı̨ɂà xè ełaı̨wo.

Hebrew 4:12

Nǫ̀htsı̨ weyatıì sìı eda xè wek'ę̀ę̀ k'ehokw'o hǫt'e. Weyatıì sìı behcho į̀ła-ts'ǫ̀ wek'à dènı nahk'e dènı hǫt'e. Gokwǫ̀ weɂǫ̀ǫ̀ ts'ǫ̀ tàgoehwhe hǫt'e, godą̀ązhį̀ı̨ eyıts'ǫ gots'ǫ ı̨nì į̀łak'aà ayehɂı̨, gokw'ǫǫ̀ eghagoèhzǫ eyıts'ǫ hazǫǫ̀ godzazıì į̀łak'aà ayehɂį̀ xè godzeè yìı dàts'ı̨ı̨wǫǫ sìı yesınìyaehtı.

Hebrew 9:14

Zezì wedoò eyı nahk'e godzeè k'enaı̨htso hodeè hǫt'e. Zezì t'asìı wejıı wek'e wheɂǫ-le sìı Yedàyeh Nezı̨ı̨ wedahxà Nǫ̀htsı̨ ghàdìtı̨ t'à, t'asìı wet'àaɂà-le k'alats'ı̨ı̨dè ch'à godzeè k'enaı̨htso hǫt'e, hanì-ı̨dè Nǫ̀htsı̨ edaa sìı k'ǫǫ̀t'a wegha eghàlats'eeda ha dìì-le.

James 1:18

Weyatıì ehkw'ıı t'à k'achı̨ gogǫ̀hłı̨ gha gòį̀hchì hǫt'e. Hanì-ı̨dè dıı nèk'e t'asìı hazǫǫ̀ whehtsı̨ı̨ gots'ǫ sìı goxı̨ xàè wets'ǫ ts'ı̨ı̨lı̨ ha agǫ̀ǫ̀là.

1 Peter 1:2

Nǫ̀htsı̨-Gotà edınì dahxà naxį̀į̀hchì hǫt'e, hòt'a hayele ha yek'èezǫ t'à. Zezì wek'èaht'e anaxele gha, wedoò naxık'e adle gha, eyıts'ǫ degaı aahłı̨ gha, Nǫ̀htsı̨ Yedàyeh Nezı̨ı̨ naxıdzeè yìı eghàlaedaà ayį̀į̀là. Nǫ̀htsı̨ deɂǫ̀ǫ̀ naxıts'ǫ̀ sǫnıwǫ welè eyıts'ǫ naxıxè sìghà hòɂǫǫ̀ ayııle.

1 Peter 3:21

Eyı tı sìı wet'à naxık'ètaìdzǫ lanì hǫt'e, wet'à edaxàwhahde ne t'à. Naxızhį̀į̀ k'e tsǫ̀ whìle adle gha naxık'ètaìdzǫ nıìle, hanìkò wet'à Nǫ̀htsı̨ ts'ǫ̀ sıì naxınì ehkw'ıì ade gha naxık'ètaìdzǫ hǫt'e. Zezì-Krı k'achı̨ naìdà eyıts'ǫ naxık'ètaìdzǫ t'à edaxàwhahde hǫt'e.

2 Peter 1:9

Ekò dǫ hanì eda-le sìı wedaà goìle lanì hǫt'e, eyıts'ǫ dànì ı̨nę̀ę gots'ǫ wehołı̨į̀ weghǫ whìle adlàa sìı yenadì-le hǫt'e.

1 John 5:6

Zezì-Krı, tı t'à eyıts'ǫ edoò t'à dıı nèk'e edılaà ghàlaı̨dà. Tı zǫ t'à ajà nıìle, tı eyıts'ǫ edoò t'à dıı nèk'e ts'ǫ̀ ajà hǫt'e. Yedàyeh Nezı̨ı̨ ededı̨ yeghǫ xàyaı̨htı, Yedàyeh Nezı̨ı̨ nàowo ehkw'ıı elı̨ t'à.

Jude 1:1

Sı̨ Jude, Zezì-Krı wecheekeè aht'e eyıts'ǫ James wechı aht'e. Dǫ gıkayaetıı sìı, Nǫ̀htsı̨-Gotà goghǫneètǫ agı̨ı̨t'ee eyıts'ǫ Zezì-Krı gok'èdìı agı̨ı̨t'ee sìı dıı enı̨htł'è gıts'ǫ̀ eehtł'è hǫt'e.