Ephesus 5:24 - Nǫ̀htsı̨ Nı̨htł'è

²⁴ Wecheekeè sìı Zezì-Krı k'èagı̨ı̨t'e lanì ts'èko sı t'asìı hazǫǫ̀ t'à ededǫǫ̀ k'èagı̨ı̨t'e ha hǫt'e.

Ephesus 5:24 ပူးပေါင်းရင်းမြစ်များ

Luke 10:17

Wecheekeè łǫ̀hdı̨ènǫ-daats'ǫ̀-nàke nǫǫ̀gı̨ı̨de ekò gınà t'à dıı hagedı, “Gots'ǫ̀ K'àowo, nıızì t'à gots'ede nı̨dè ı̨nìłı̨ı̨ kò gok'èagı̨ı̨t'e,” gıìhdı.

Ephesus 5:23

Zezì-Krı edets'ǫ dǫ gha nakweè wheda lanì dǫzhìı hoet'ı̨ı̨ sìı edets'èkeè gha nakweè whedaa elı̨ hǫt'e. Zezì wecheekeè sìı wezhį̀į̀ agı̨ı̨t'e, eyıts'ǫ ededı̨ Edaxàgolee elı̨ hǫt'e.

Ephesus 5:25

Dǫzhìı yàahłı̨ı̨ sìı naxıts'èkeè ghǫnıahtǫ, Zezì-Krı edecheekeè goghǫneètǫ lanì eyıts'ǫ gogha ełaı̨wo lanì.

Ephesus 5:33

Eyıt'à naxı̨ dǫzhìı yàahłı̨ı̨ sìı edeghǫnıahtǫ lanı naxıts'èkeè gıghǫnıahtǫ ha hǫt'e, eyıts'ǫ ts'èko hazǫǫ̀ nezı̨į̀ ededǫǫ̀ ts'ǫ̀ nageɂa ha hǫt'e.

Colosse 3:20

Chekoa yàahłı̨ı̨ sìı naxıtà eyıts'ǫ naxımǫ gık'èaht'e, eyı sìı gots'ǫ̀ K'àowo yeghǫ sìghà anıwǫ hǫt'e.

Colosse 3:22

Dǫ gıcheekeè yàahłı̨ı̨ sìı dıı nèk'e naxıts'ǫ̀ k'aodèe gı̨ı̨lı̨ı̨ sìı gık'èaht'e. Gınadąą̀ zǫ nezı̨į̀ k'ehoahɂa-le, ekìı naxıghǫ nezı̨į̀ agı̨ı̨wǫ gha aaht'ı̨-le. Hanìkò gots'ǫ̀ K'àowo ts'ǫ̀ nezı̨į̀ kànıahɂa xè naxıdzeè t'à nezı̨į̀ eghàlaahda.

Tıtus 2:7

T'aats'ǫǫ̀ nezı̨į̀ k'ehoı̨ɂa, hanì-ı̨dè nexègeɂı̨ ha. Nàowo ehkw'ıı k'ę̀ę̀ eyıts'ǫ degaı k'ę̀ę̀ hoghàgı̨ı̨htǫ.

Tıtus 2:9

Dǫ gıts'ǫ k'àowo gǫ̀hłı̨ı̨ sìı edets'ǫ̀ k'àowo k'èagı̨ı̨t'e ha hoghàgı̨ı̨htǫ. T'asìı hazǫǫ̀ t'à edets'ǫ̀ k'àowo wınì nezı̨ı̨ gha eghàlagııdà, eyıts'ǫ gots'ǫ̀ ek'èt'à gogııde-le,