Ephesus 5:23 - Nǫ̀htsı̨ Nı̨htł'è

²³ Zezì-Krı edets'ǫ dǫ gha nakweè wheda lanì dǫzhìı hoet'ı̨ı̨ sìı edets'èkeè gha nakweè whedaa elı̨ hǫt'e. Zezì wecheekeè sìı wezhį̀į̀ agı̨ı̨t'e, eyıts'ǫ ededı̨ Edaxàgolee elı̨ hǫt'e.

Ephesus 5:23 ပူးပေါင်းရင်းမြစ်များ

Zezì Wecheekeèdeè 20:28

Hotıì edexoahdı eyıts'ǫ Nǫ̀htsı̨ wecheekeè sı gıxoahdı, Yedàyeh Nezı̨ı̨ eyı la naxıghàı̨ɂǫ hǫt'e. Nǫ̀htsı̨ ededoò t'à edets'ǫ dǫ edaxàwhela ne t'à nezı̨į̀ gıxoahdı.

1 Corınth 6:13

“Bò sìı gobò gha hòèlı̨, eyıts'ǫ gobò sìı bò gha hòèlı̨,” haahdı ha tahkò, hanìkò Nǫ̀htsı̨ eyı nàke sìı yedıhohtsı̨ ha hǫt'e. Gozhį̀į̀ wet'à hołı̨ı̨ k'ę̀ę̀ ełek'alats'edè gha hòèlı̨ nıìle, hanìkò gots'ǫ̀ K'àowo gozhį̀į̀ ts'ǫ̀ k'àowo ne t'à wegha wet'à-ats'et'ı̨ ha hòèlı̨ hǫt'e.

Ephesus 4:15

Hanìkò ełeghǫnets'eètǫ t'à ehkw'ı ełets'ǫ̀ gots'ede ha. Goxı̨ Nǫ̀htsı̨ wets'ǫ dǫ ats'ı̨ı̨t'ee sìı Zezì wezhį̀į̀ lats'ı̨ı̨t'e, eyıts'ǫ Zezì ededı̨ gokwì elı̨ lanì hǫt'e. T'asìı hazǫǫ̀ t'à Zezì-Krı wexè nàts'etsoò ats'ede ha hǫt'e.

Ephesus 5:24

Wecheekeè sìı Zezì-Krı k'èagı̨ı̨t'e lanì ts'èko sı t'asìı hazǫǫ̀ t'à ededǫǫ̀ k'èagı̨ı̨t'e ha hǫt'e.

Colosse 1:18

Nǫ̀htsı̨ Weza sìı gokwì elı̨ lanì hǫt'e, Nǫ̀htsı̨ wecheekeè wezhį̀į̀ ı̨łè lagı̨ı̨t'e. Ededı̨ wexè t'asìı hazǫǫ̀ kèhoį̀wo, eyıts'ǫ dǫ naìdà gha sìı ededı̨ denahk'e elı̨, eyı ts'ıhɂǫ̀ t'asìı hazǫǫ̀ gha K'àowo elı̨ hǫt'e.

1 Thessalonıca 1:10

Weza naìdà ayį̀į̀làa sìı yak'e gots'ǫ jǫ anade ha wedanaahɂı̨. Eyı Zezì hǫt'e, ededı̨ sìı Nǫ̀htsı̨ nàgoehkwa ch'à edaxàgole ha hǫt'e.

John Wenazhıı 19:7

Goınà xè weghàsǫts'eedı welè! Hòt'a Sahzǫ̀ą honìda ha nìhǫǫwo; ts'èko ìhchı ha sìı hòt'a sedììdlà hǫt'e.

John Wenazhıı 5:9

Shı̨ wegòò t'à dıı hagedıì gejı̨, “Eyı enı̨htł'èyeè nı̨į̀chı gà wets'ǫdaà xàı̨hdlà ha neghàhòt'ǫ. Ełaànìgwo ı̨lè eyıts'ǫ nedoò t'à Nǫ̀htsı̨ gha dǫ nàgıneèhdì. Dǫ hazǫǫ̀ xàɂaa, yatı hazǫǫ̀ xàɂaa eyıts'ǫ dıı nèè hazǫǫ̀ gots'ǫ agı̨ı̨t'e.