Ephesus 5:21 - Nǫ̀htsı̨ Nı̨htł'è

²¹ Ełek'èaht'e, hanì-ı̨dè Zezì-Krı wets'ǫ̀ nezı̨į̀ naahɂa hǫt'e.

Ephesus 5:21 ပူးပေါင်းရင်းမြစ်များ

Dànì Kèhoį̀wo 16:9

Yak'eet'ı̨į̀ yets'ǫ̀ hadı, “Nets'ǫ̀ k'àowo wets'ǫ̀ anaąde, eyıts'ǫ wek'èanet'e,” yèhdı.

2 Corınth 5:11

Eyıt'à dànì gots'ǫ̀ K'àowo wek'èats'ı̨ı̨t'e ha wek'èts'eezǫ t'à, dǫ ładı̨į̀ agede ha gıghǫdats'eehnè ha hots'eèhdzà. Dànì ts'eedaa sìı Nǫ̀htsı̨ wegha hotıì nezı̨į̀ wègaat'ı̨ hǫt'e, eyıts'ǫ naxı̨ sı naxınì gha hotıì nezı̨į̀ wègaat'ı̨ nı̨dè dehwhǫ.

2 Corınth 7:1

Seàgı̨ą, Nǫ̀htsı̨ hanì goxè yatı whehtsı̨ t'à, t'asìı hazǫǫ̀ hołı̨ı̨ ne sìı wedę ats'ııle. Gozhį̀į̀ eyıts'ǫ goınì t'à hołı̨ı̨ hots'ehtsı̨ı̨ sìı k'alats'ııdè-le. Nǫ̀htsı̨ gots'ǫ̀ wek'èch'a sǫ̀ǫ̀ ts'ı̨ı̨wǫ t'à hotıì degaı k'ę̀ę̀ ts'ııdà.

Galatıa 5:13

Sèot'ı̨ı̨, nàowo hanıı naxıts'ǫ̀ k'àowo ha-le gha Nǫ̀htsı̨ naxıkayaı̨htı hǫt'e. Hòt'a eyı nàowo tł'a dahkw'e-le aahjà t'à naxınìłı̨ı̨ k'ę̀ę̀ aahdaà adeahłe-le. Į̀le, ełeghǫnıahtǫ xè ełets'àahdı k'ę̀ę̀ aahda.

Ephesus 5:22

Dǫ ts'èkeè yàahłı̨ı̨ sìı gots'ǫ̀ K'àowo k'èaht'e lanì naxıdǫǫ̀ k'èaht'e.

Ephesus 5:24

Wecheekeè sìı Zezì-Krı k'èagı̨ı̨t'e lanì ts'èko sı t'asìı hazǫǫ̀ t'à ededǫǫ̀ k'èagı̨ı̨t'e ha hǫt'e.

Phılıppı 2:3

Wet'à nezı̨į̀ naxìgaat'ı̨ ha dahwhǫ t'à edegha zǫ t'asìı haahɂı̨-le, hanìkò k'èeweèt'ı̨ laaht'e xè edenahk'e dǫ eyıì-le gıdaànıahdè.

1 Tımothy 2:11

Ts'èko sìı ts'èwhı̨į̀ t'asìı hoghàdııtǫ eyıts'ǫ t'aats'ǫǫ̀ ıìkw'o ha.

1 Tımothy 3:4

Edekǫ̀ nezı̨į̀ gok'èdì ha, weza gık'èı̨t'e xè nezı̨į̀ gıts'ǫ̀ naɂa gha hoghàgoehtǫ ha.

Hebrew 13:17

Naxıts'ǫ̀ k'aodèe gı̨ı̨lı̨ı̨ sìı gık'èaht'e. Nezı̨į̀ naxık'ègedì hǫt'e eyıts'ǫ dànì eghàlageeda k'èxa Nǫ̀htsı̨ gosınìyaehtı ha hǫt'e. Gık'èaht'e, hanì-ı̨dè gınà edılaà ghàlageeda ha, eyıts'ǫ gıgha dezhì ha-le. Gılaà gıgha dezhì aahłà nı̨dè gıt'àhoahwhı ha nıìle.

1 Peter 2:13

Nǫ̀htsı̨ wınì k'ę̀ę̀ dǫ naxıts'ǫ̀ k'aodèe gıhòèlı̨ı̨ sìı gık'èaht'e. Eyıt'à k'àowocho t'asìı hazǫǫ̀ gha k'àowo elı̨ı̨ sìı wek'èaht'e,

1 Peter 2:17

Nezı̨į̀ ełets'ǫ̀ naahɂa xè dıı hanì aahda: Amìı naxıxèht'eè gıgha ehkw'ı-ahodıı sìı gıghǫnıahtǫ, Nǫ̀htsı̨ wek'èaht'e, eyıts'ǫ k'àowocho wets'ǫ̀ nezı̨į̀ naahɂa.

1 Peter 5:5

Naxı̨ cheko yàahłı̨ı̨ sìı dǫzhìı ǫhdaà gık'èaht'e. Hazǫǫ̀ ełets'ǫ̀ k'èeweèt'ı̨ k'ę̀ę̀ aahda, dıı hanì dek'eèhtł'è t'à: “Nǫ̀htsı̨ dǫ xàhodìı sìı ts'ǫ̀ wınì-le hǫt'e, hanìkò amìı k'èeweèt'ı̨ı̨ elı̨ı̨ sìı ts'ǫ̀ sǫnıwǫ hǫt'e,” hanì dek'eèhtł'è.