Ephesus 5:19 - Nǫ̀htsı̨ Nı̨htł'è

¹⁹ Nǫ̀htsı̨ Nı̨htł'è gots'ǫ shı̨ eyıts'ǫ Nǫ̀htsı̨ ts'ǫ̀ ts'ejı̨ı̨ xàɂaa t'à ełets'ǫ̀ goahde. Naxıdzeè t'à gots'ǫ̀ K'àowo wets'ǫ̀ aahjı̨.

Ephesus 5:19 ပူးပေါင်းရင်းမြစ်များ

Matthew 15:8

‘Dıı dǫ sìı edeyatıì zǫ t'à sets'ǫ̀ nezı̨į̀ geeda, hanìkò ededzeè t'à sets'ǫnegı̨ı̨ɂà-le.

Matthew 26:30

Shı̨ gıajı̨ tł'axǫǫ̀ shìh Olıvet gòyeh ts'ǫ̀ geède.

Zezì Wecheekeèdeè 16:25

Totanı ekìıyeè k'e Paul eyıts'ǫ Sılas yagehtı xè Nǫ̀htsı̨ ts'ǫ̀ gejı̨, dǫ eyıì-le gıdanìı̨laa sìı gogeèhkw'ǫ.

1 Corınth 14:15

Eyıt'à dıı haht'ı̨ ha: sets'ǫ ı̨nì t'à yahtı ha, eyıts'ǫ sınì sı t'à yahtı ha. Sets'ǫ ı̨nì t'à ehjı̨ ha, eyıts'ǫ sınì sı t'à ehjı̨ ha.

1 Corınth 14:26

Eyıt'à sèot'ı̨ı̨, łą̀ą nìahdè nı̨dè dıı haaht'ı̨ welì: dǫ mǫ̀hdaa shı̨ t'à gejı̨, dǫ mǫ̀hdaa hoghàgogeehtǫ, dǫ mǫ̀hdaa Nǫ̀htsı̨ ayìı gots'ǫ̀ hadıı sìı dǫ ts'ǫ̀ hagedı, dǫ mǫ̀hdaa yatı ełek'èch'aòt'ı̨ı̨ t'à gogede, dǫ mǫ̀hdaa yatı ełek'èch'aòt'ı̨ı̨ gha etagehtı welì. Eyı hazǫǫ̀ gıghàlaıdà, wet'à Nǫ̀htsı̨ wecheekeè gınì nàtsoò ade ha.

Colosse 3:16

Zezì-Krı weyatıì hazǫǫ̀ naxıdzeè yìı t'aats'ǫǫ̀ wet'à goahsǫ aahda, eyıts'ǫ wet'à hoghàłaahtǫ xè nezı̨į̀ ełek'èahdì. Naxıdzeè t'à Nǫ̀htsı̨ masì weahwhǫ eyıts'ǫ shı̨ xàɂaa t'à wegha aahjı̨.

James 5:13

Dǫ wegha hoìla nı̨dè yeghǫ yawehtı. Naxıta dǫ wınà nı̨dè shı̨ t'à Nǫ̀htsı̨ ghàsǫedı welè.

John Wenazhıı 5:9

Shı̨ wegòò t'à dıı hagedıì gejı̨, “Eyı enı̨htł'èyeè nı̨į̀chı gà wets'ǫdaà xàı̨hdlà ha neghàhòt'ǫ. Ełaànìgwo ı̨lè eyıts'ǫ nedoò t'à Nǫ̀htsı̨ gha dǫ nàgıneèhdì. Dǫ hazǫǫ̀ xàɂaa, yatı hazǫǫ̀ xàɂaa eyıts'ǫ dıı nèè hazǫǫ̀ gots'ǫ agı̨ı̨t'e.