Ephesus 5:17 - Nǫ̀htsı̨ Nı̨htł'è

¹⁷ Eyıt'à goahsǫ-le k'ę̀ę̀ aahda-le, hanìkò Nǫ̀htsı̨ ayìı dàahłe ha naxı̨ı̨hwhǫǫ sìı wenıahdì.

Ephesus 5:17 ပူးပေါင်းရင်းမြစ်များ

John 7:17

Amìı Nǫ̀htsı̨ k'èı̨t'e ha sìı asį̀į̀ Nǫ̀htsı̨ wedahxà gohde, hanì-le-ı̨dè ededahxà gohde, yek'èezǫ ha hǫt'e.

Rome 12:2

Dıı nèk'e dǫ dànì geedaa sìı gık'ę̀ę̀ k'ehoahɂa-le, hanìkò naxınì eładı̨į̀ adlà k'ę̀ę̀ aahda. Hanì-ı̨dè Nǫ̀htsı̨ ayìı wınì k'ę̀ę̀ ne sìı deghàà wek'èahsǫǫ̀ aahde ha. Nǫ̀htsı̨ ayìı wegha nezı̨ı̨ xè degaı ne sìı, eyıts'ǫ ayìı wegha sìghà ne sìı wek'èahsǫǫ̀ aahde ha.

Ephesus 5:15

Eyıt'à dànì aahdaa sìı ghǫ hotıì edexoahdı. Dǫ gogı̨ı̨zǫ-le lanì aahda-le, hanìkò dǫ gogı̨ı̨zǫ k'ę̀ę̀ aahda.

Colosse 1:9

Eyıt'à, naxıghǫ ts'ıìkw'o gots'ǫ naxıgha yats'ehtı ghǫ nats'et'è-le. Yedàyeh Nezı̨ı̨ t'à deghàà goahsǫ ha eyıts'ǫ t'asìı nıahdì aahde ha t'aats'ǫǫ̀ naxıgha Nǫ̀htsı̨ wets'eekè, hanì-ı̨dè Nǫ̀htsı̨ dànıwǫǫ sìı wek'èahsǫǫ̀ aahde ha.

Colosse 4:5

Dǫ gıgha ehkw'ı-ahodı-le sìı gıts'ǫ̀ goahsǫǫ̀ k'ehoahɂa. Godı nezı̨ı̨ t'à gıxè goahdo gha hòɂǫ taàt'eè nezı̨į̀ gıxè goahdo welì.

1 Thessalonıca 5:18

Naxıxè dànì k'ehokw'oo sìı Nǫ̀htsı̨ masì wèahdı. Naxı̨ Zezì xè aahdaa sìı Nǫ̀htsı̨ hanì aahda ha naxı̨ı̨hwhǫ.

1 Peter 4:2

Eyı ts'ıhɂǫ̀ dıı nèk'e eda gots'ǫ̀ wınìłı̨ı̨ k'ę̀ę̀ eda-le, hanìkò Nǫ̀htsı̨ wınì k'ę̀ę̀ eda.