Ephesus 5:15 - Nǫ̀htsı̨ Nı̨htł'è

¹⁵ Eyıt'à dànì aahdaa sìı ghǫ hotıì edexoahdı. Dǫ gogı̨ı̨zǫ-le lanì aahda-le, hanìkò dǫ gogı̨ı̨zǫ k'ę̀ę̀ aahda.

Ephesus 5:15 ပူးပေါင်းရင်းမြစ်များ

Matthew 10:16

Sahzǫ̀ą dìga nı k'eɂa lanì dǫ ta ts'ǫ̀ naxeehɂà t'à edexoahdı. Eyıt'à dǫ gıta goahsǫ k'ehoahɂa xè ekǫ-le eghàlaahda-le.

Matthew 25:2

T'eekoa sı̨làı sìı gogı̨ı̨zǫ-le eyıts'ǫ sı̨làı sìı gogı̨ı̨zǫ.

Matthew 27:24

Dǫ hazǫǫ̀ hòtł'ò nàdahogehdè t'à k'àowo Pılate goghǫdaehnè ha dìì yek'èhoèhzà. Eyıt'à tı ìhchì gà dǫ hazǫǫ̀ gonadąą̀ edılà k'enaı̨htso, hadı, “Dıı dǫ wedoò nałaètł'ìı sìı sı̨ set'à nıìle. Naxı̨ naxıts'ǫ̀ hoèlı̨ hǫt'e!” gòhdı.

Matthew 27:4

Hagòhdı, “Dǫ ekǫ-le eghàlaı̨da-le kò sǫǫ̀mba k'èxa naxıtł'àwııhtı̨ t'à hołı̨ı̨ hòwhıhtsı̨,” gòhdı. “Nı̨ nets'ǫ̀ hoèlı̨ ne,” gıìhdı.

Matthew 8:4

Zezì yets'ǫ̀ hadı, “Nets'ǫ̀ dànàhòwoo sìı dǫ wı̨ı̨zìı ts'ǫ̀ haı̨dı-le. Nek'ahoeta gha yahtıı ts'àątła. Moses wenàowoò k'ę̀ę̀ nehołı̨į̀ neghǫ nahoezhe k'èxa yahtıı t'asìı negha k'egııhk'ǫ̀. Hanì-ı̨dè weghàà k'aàt'ıì anaąjà dǫ gık'èezǫ ha,” yèhdı.

Luke 24:25

Zezì gots'ǫ̀ hadı, “Sıì t'asìı nıahdì-le xè naxınì nàtso-le. Nakwenàoɂǫǫ dàgı̨ı̨dìı sìı dànìghǫ naxıgha ehkw'ı-ahodı-le?

1 Corınth 14:20

Sèot'ı̨ı̨, hòt'a chekoa nàowoò k'ę̀ę̀ nànıahdè-le. Nàowołı̨ı̨ ts'ǫǫ̀hk'e nı̨dè bebìa hołı̨ı̨ k'ègeezǫ-le laaht'e, hanìkò naxınì t'à ǫhdah k'ę̀ę̀ nànıahdè.

Galatıa 3:1

Naxı̨ Galatıa got'ı̨į̀ yàahłı̨ı̨ sìı goahsǫ-le dìì! Amìı naxınàɂį̀ hòı̨ɂǫ? Xàè naxıdaà Zezì-Krı dechı̨et'aa k'e ełaı̨woo sìı weghǫ deghàà naxıxè gots'ado ı̨lè.

Galatıa 3:3

Dànìghǫ sıì goahsǫ-le dìì? Yedàyeh Nezı̨ı̨ t'à kèhoàhwho tł'axǫǫ̀, dànìghǫ dıì Moses wenàowoò k'èahdì t'à edets'àahdı ha dahwhǫ nǫǫ̀?

Ephesus 5:2

Zezì dànì goghǫneètǫ xè gogha ełaı̨wo k'ę̀ę̀, t'aats'ǫǫ̀ ełeghǫnıahtǫ k'ę̀ę̀ aahda. Zezì gogha ełaàwı gha Nǫ̀htsı̨ ghàdìtı̨ t'à yınì k'ę̀ę̀ eghàlaı̨dà.

Ephesus 5:33

Eyıt'à naxı̨ dǫzhìı yàahłı̨ı̨ sìı edeghǫnıahtǫ lanı naxıts'èkeè gıghǫnıahtǫ ha hǫt'e, eyıts'ǫ ts'èko hazǫǫ̀ nezı̨į̀ ededǫǫ̀ ts'ǫ̀ nageɂa ha hǫt'e.

Phılıppı 1:27

Naxıts'àwhıhtła, naxıts'àwhıhtła-le, ehk'ę̀ę̀, Zezì-Krı wegodıì nezı̨ı̨ k'ę̀ę̀ hotıì ehkw'ı aahda. Hanì-ı̨dè naxıts'àhtła, hanì-le-ı̨dè naxıghǫ eèhkw'o zǫ t'à, naxınì ı̨łè zǫ lanì wek'èehsǫ ha. Dǫ ı̨łè zǫ laaht'e xè godı nezı̨ı̨ gha naxınì nàtso aahwhǫ.

Colosse 1:9

Eyıt'à, naxıghǫ ts'ıìkw'o gots'ǫ naxıgha yats'ehtı ghǫ nats'et'è-le. Yedàyeh Nezı̨ı̨ t'à deghàà goahsǫ ha eyıts'ǫ t'asìı nıahdì aahde ha t'aats'ǫǫ̀ naxıgha Nǫ̀htsı̨ wets'eekè, hanì-ı̨dè Nǫ̀htsı̨ dànıwǫǫ sìı wek'èahsǫǫ̀ aahde ha.

Colosse 4:5

Dǫ gıgha ehkw'ı-ahodı-le sìı gıts'ǫ̀ goahsǫǫ̀ k'ehoahɂa. Godı nezı̨ı̨ t'à gıxè goahdo gha hòɂǫ taàt'eè nezı̨į̀ gıxè goahdo welì.

1 Thessalonıca 5:15

Dǫ naxıts'ǫ̀ ekǫ-le eghàlaeda nı̨dè ek'èt'à gıts'ǫ̀ ekǫ-le eghàlaahda-le, hanìkò t'aats'ǫǫ̀ ełets'ǫ̀ nezı̨į̀ eghàlaahda ha k'ehoahɂa, eyıts'ǫ dǫ hazǫǫ̀ ts'ǫ̀ haaht'e.

1 Tımothy 6:9

Dǫ deɂǫ̀ǫ̀ sǫǫ̀mba łǫ gı̨ı̨wǫǫ sìı hołı̨ı̨ nàowoò k'ę̀ę̀ geeda aget'į̀ t'à, gık'èchıìtła laget'į̀. Ezhı̨ne laget'į̀ xè hołı̨ı̨ zǫ k'alagedè ha gı̨ı̨wǫ. Hanì geeda nı̨dè wet'à gıdıhołè ha.

Hebrew 12:25

Nǫ̀htsı̨ naxıts'ǫ̀ gode nı̨dè wets'ǫ̀ naxıdzıì goìle welè sǫ̀ǫ̀. Nǫ̀htsı̨ dıı nèk'e Israel got'ı̨į̀ gots'ǫ̀ goı̨de ekò egeèhkw'ǫ-le t'à nàgoı̨hkwa ı̨lè. Ekò goxı̨ sìı yak'e gots'ǫ Nǫ̀htsı̨ gots'ǫ̀ gode kò wets'eèhkw'ǫ-le nı̨dè denahk'e hòtł'ò nàgoehkwa ha hǫt'e.

James 3:13

Naxıta dǫ gǫǫzǫ xè t'asìı nıedì edeewǫ nı̨dè ehkw'ı eda t'à wègaat'ı̨į̀ ayııle, eyıts'ǫ gǫǫzǫ t'à k'èeweèt'ı̨ k'ę̀ę̀ dǫ ts'ǫ̀ nezı̨į̀ eghàlaıdà.

1 Peter 1:22

Hòt'a nàowo ehkw'ıı k'èaht'e t'à degaı k'ę̀ę̀ aahda adèahłà hǫt'e. Eyı ts'ıhɂǫ̀ naxèot'ı̨ sıì gıghǫnıahtǫ. Hęɂę, naxıdzeè t'à sıì ełeghǫnıahtǫ ha hǫt'e.

John Wenazhıı 19:10

Yak'eet'ı̨į̀ hadı t'à wekè gà nàgòhge xè weghàsǫehdı ha là, yak'eet'ı̨į̀ sets'ǫ̀ hadı, “Hawı̨ı̨de-le! Nı̨ eyıts'ǫ nèot'ı̨ Zezì wegodıì ehkw'ı adı gı̨ı̨wǫǫ sìı naxıxèht'eè Nǫ̀htsı̨ wecheekeè aht'e. Nǫ̀htsı̨ weghàsǫedı! Nǫ̀htsı̨ wets'ǫ nakwenàoɂǫǫ hazǫǫ̀ sìı Zezì wegodıì zǫ t'à gogede hǫt'e,” sets'ǫ̀ hadı.