Ephesus 5:11 - Nǫ̀htsı̨ Nı̨htł'è

¹¹ Togoòtł'òo k'ę̀ę̀ k'ehots'eɂaa sìı wedę aahłe, eyıts'ǫ eyı k'èch'a xàyaahtı.

Ephesus 5:11 ပူးပေါင်းရင်းမြစ်များ

Dànì Kèhoį̀wo 20:16

Eyıts'ǫ Sarah ts'ǫ̀ hadı, “Nets'ǫ̀ ekǫ-le k'ehoɂa k'èxa nı̨ı̨de ı̨łè-lemì sǫǫ̀mba degoo weghàehłe ha. Eyı weghàà dǫ hazǫǫ̀ nexè aget'ı̨ı̨ sìı hojıì eghàlaneedà-le nek'ègeezǫ ha,” Sarah ts'ǫ̀ hadı.

Matthew 18:15

“Naxèot'ı̨ naxık'èch'a hòèhtsı̨ nı̨dè wets'ǫ̀ aahde gà whatsǫǫ̀ wets'ǫ̀ goahde. Wegha ehkw'ı aahdı nı̨dè naxèot'ı̨ edaxàweahtı̨ hǫt'e.

Luke 3:19

Hanìkò John-Baptıst, k'àowocho Herod edechı ts'èkeè Herodıas xè honìdza eyıts'ǫ hołı̨ı̨ łǫ eghàlaı̨dà t'à hołı̨ı̨ k'ę̀ę̀ eda yèhdıì nàyeeɂǫ.

Rome 13:12

To k'àhdzǫ wetehoòwo t'e, whaà-le-t'ıì goxè dzęh agode ha. Eyıt'à to dǫ t'asìı wejıı k'alagedèe sìı wedę ats'ııle, dzęh eghàlats'eeda gha edexè sınìhots'ììɂà ha hǫt'e.

Rome 16:17

Sèot'ı̨ı̨, hotıì edexoahdı, dǫ eyıì-le ełek'èch'a anaxegehɂı̨ xè ekǫ-le anaxegehɂı̨ı̨ sìı gıch'à kexoahdı. Hòt'a ayìı hoghànaxeètǫǫ sìı eyı k'èch'a hoghànaxegeehtǫ nı̨dè gıxè aaht'ı̨-le.

Rome 6:21

Ayìı weghàlaahda ı̨lèe sìı dıì weghǫ į̀į̀zhaahłı̨ hǫt'e. Hołı̨ı̨ hòahtsı̨ t'à naxıgha sìghà hòɂǫ nıìle. Eyı hołı̨ı̨ wets'ıhɂǫ̀ ełaàts'ede hǫt'e.

Galatıa 6:8

Dǫ wınìłı̨ı̨ k'ę̀ę̀ eghàlaeda nı̨dè wınìłı̨ı̨ ts'ıhɂǫ̀ wedıhołè ha. Ekò dǫ Yedàyeh Nezı̨ı̨ dànıwǫ k'ę̀ę̀ eghàlaeda nı̨dè Yedàyeh Nezı̨ı̨ ts'ıhɂǫ̀ welǫ whìle ts'ǫ̀ eda ha hǫt'e.

Ephesus 4:22

Įnę̀ę dànì naxınìłı̨ı̨ k'ę̀ę̀ aahda ı̨lèe sìı wek'ę̀ę̀ aahda-le gha hoghànaxeètǫ ı̨lè. Hołı̨ı̨ gha hòtł'ò kànıahɂaa sìı wet'à naxınì wedıhołè hǫt'e.

Ephesus 5:12

Dǫ Nǫ̀htsı̨ k'èagı̨ı̨t'e-le sìı deɂı̨į̀ dànì k'ehogeɂaa sìı weghǫ gots'edee sìı weghǫ į̀į̀zhats'ı̨ı̨lı̨ ha hǫt'e.

Ephesus 5:7

Eyıt'à hanıı dǫ xè aaht'ı̨-le.

Colosse 1:12

Nǫ̀htsı̨-Gotà masì wèahdı ha. Nǫ̀htsı̨ Wenàowoò k'ę̀ę̀ hòɂǫǫ sìı t'aats'ǫǫ̀ dzęh nı̨ı̨dı̨ lanì hǫt'e. Ekǫ Nǫ̀htsı̨ wets'ǫ dǫ t'asìı gıda whelaa sìı gıxè naxıghǫ̀zhe ha hǫt'e.

1 Thessalonıca 5:7

Dǫ getee sìı to gete hǫt'e, eyıts'ǫ dǫ geèhdee sìı to geèhde hǫt'e.

2 Thessalonıca 3:14

Dıı enı̨htł'è t'à dànaxèts'edıı sìı dǫ yek'èı̨t'e ha-le nıwǫǫ nı̨dè nàweahɂǫ. Edeghǫ į̀į̀zhaelı̨į̀ ade ha t'à wexè aaht'ı̨-le.

2 Thessalonıca 3:6

Sèot'ı̨ı̨, gots'ǫ̀ K'àowo Zezì-Krı wıızì t'à dıı hanaxèts'edı: Naxıta dǫ eghàlaeda ha nıwǫ-le xè ayìı hoghànaxets'eèhtǫ k'ę̀ę̀ eda-le nı̨dè wexè aaht'ı̨-le.

1 Tımothy 5:20

Hołı̨ı̨ hòèhtsı̨ nı̨dè dǫ hazǫǫ̀ gınadąą̀ eyı ghǫ wets'ǫ̀ goahde ha. Hanì-ı̨dè dǫ gıgha ehkw'ı-ahodıı sìı hołı̨ı̨ hogehtsı̨ ch'à edexogııhdı ha.

1 Tımothy 5:22

Nǫ̀htsı̨ la eghàlageeda gha dǫ k'eèyatıı sìı ekòet'ıì nılà gık'e anele-le. Hanejà nı̨dè gıhołı̨į̀ k'ę̀ę̀ eghàlaı̨daà anede ha sǫnı. Hołı̨ı̨ nàowoò ch'à edek'ènedì.

1 Tımothy 6:5

Eyıts'ǫ dǫ gınì hołı̨ı̨ xè t'aats'ǫǫ̀ ełek'èch'a eghàlageedaà agohɂı̨. Dǫ haget'ı̨ı̨ sìı nàowo ehkw'ıı gıghǫ wedıhòłı̨, eyıts'ǫ Nǫ̀htsı̨ gha ts'eeda nı̨dè wet'à sǫǫ̀mba łǫ gots'ǫ at'į̀ gı̨ı̨wǫ.

2 Tımothy 3:5

Nǫ̀htsı̨ k'ègeezǫ lanì k'ehogeɂa kò, Nǫ̀htsı̨ t'asìı wegha dìì-le sìı k'ę̀ę̀ geeda nıìle. Dǫ hanıı sìı gıxè aaht'ı̨-le.

2 Tımothy 4:2

Nǫ̀htsı̨ yatıì t'à dǫ ts'ǫ̀ goı̨de ha t'aats'ǫǫ̀ sınìwheęda. Nàowo ehkw'ıı k'ę̀ę̀ aahda, hołı̨ı̨ hòahtsı̨-le, eyıts'ǫ eyı gha naxınì nàtsoò aahłe, gìı̨dı. T'aats'ǫǫ̀ dǫ xè ts'èwhı̨į̀ neewǫ eyıts'ǫ hotıì nezı̨į̀ hoghàgı̨ı̨htǫ.

Tıtus 2:15

Dıı hazǫǫ̀ hoghàgı̨ı̨htǫ ha hǫt'e. Nǫ̀htsı̨ wedahxà gınì nàtsoò agı̨ı̨le, eyıts'ǫ hołı̨ı̨ wedę aahda gìı̨dı. Dǫ wı̨ı̨zìı neyatıì wet'àaɂà-le nı̨ı̨hwhǫ sǫ̀ǫ̀.

John Wenazhıı 18:4

Eyı tł'axǫǫ̀ yak'e gots'ǫ k'achı̨ dıı hats'edıı eèhkw'o: “Sèot'ı̨ı̨, Babylon gots'ǫǫ̀ xàehdè. Hanì-ı̨dè eyı ts'èko wenàowojıı k'ę̀ę̀ aahda ha nıìle eyıts'ǫ wexèht'eè daahɂa ha nıìle.