Ephesus 4:7 - Nǫ̀htsı̨ Nı̨htł'è

⁷ Hanìkò goxı̨ hazǫǫ̀ gotaàt'eè Zezì dàı̨hcho ts'ǫ̀ goghàyeɂà ha nıwǫ k'ę̀ę̀ wesǫnıwǫ goghǫ̀t'ǫ hǫt'e.

Ephesus 4:7 ပူးပေါင်းရင်းမြစ်များ

Matthew 25:15

Sı̨làı-lemì satsǫ̀ą dekwoo edecheekeè ı̨łè ghàı̨la, k'achı̨ nàke-lemì satsǫ̀ą dekwoo edecheekeè ı̨łè ghàı̨la eyıts'ǫ k'achı̨, ı̨łè-lemì satsǫ̀ą dekwoo edecheekeè ı̨łè ghàı̨la. Dànì nezı̨į̀ eghàlageeda k'ę̀ę̀ satsǫ̀ą dekwoo gotaàwhela. Eyı tł'axǫǫ̀ nıwà kǫ̀taèhtła.

John 3:34

Nǫ̀htsı̨ dǫ gots'ǫ̀ yı̨ı̨hɂàa sìı yeyatıì t'à gode hǫt'e, Nǫ̀htsı̨, Yedàyeh Nezı̨ı̨ deghàà wets'ǫ̀-èlı̨ ayį̀į̀là.

Rome 12:3

Nǫ̀htsı̨ wesǫnıwǫ seghǫ̀t'ǫ wedahxà naxıts'ǫ̀ dıı haehsı̨: T'asìı deè ats'ı̨ı̨t'e dahwhǫ t'à deɂǫ̀ǫ̀ edeghǫ nànıahdè-le, hanìkò ehkw'ı edeghǫ nànıahdè. Nǫ̀htsı̨ naxınì dànàı̨htsoò ayį̀į̀là k'ę̀ę̀ edeghǫ nànıahdè.

2 Corınth 6:1

Goxı̨ Nǫ̀htsı̨ gha ełexè eghàlats'eedaa ts'ı̨ı̨lı̨ı̨ sìı Nǫ̀htsı̨ wesǫnıwǫ k'ètł'ǫ̀ naxıts'ǫ̀ awede-le, naxèts'edıì naxıghǫnàdats'eetì.

Ephesus 3:2

Nǫ̀htsı̨ edesǫnıwǫǫ̀ seghàı̨ɂǫǫ sìı wek'ę̀ę̀ naxıgha eghàlaehda ha weghǫ aàhkw'o sǫnı.

Ephesus 3:8

Nǫ̀htsı̨ wets'ǫ dǫ hazǫǫ̀ gıgha sı̨ denahk'e dek'aɂį̀ ehłı̨ kò eyı wesǫnıwǫ seghǫ̀t'ǫ dahxà dıı la seghàı̨ɂǫ hǫt'e: Dǫ Israel got'ı̨į̀ agı̨ı̨t'e-le sìı Zezì-Krı dànì sıì enıìyah t'à dǫ xè sìghà agole ha sìı t'à gıts'ǫ̀ gohde ha.

Hebrew 2:4

Nǫ̀htsı̨ sìı godaà enıìyah łǫ xàɂaa eghàlaı̨dà t'à weghàà ehkw'ı-ahodı hǫǫwǫ hǫt'e, eyıts'ǫ wınì k'ę̀ę̀ Yedàyeh Nezı̨ı̨ t'asìı nezı̨ı̨ dǫ goghàyele hǫt'e.

1 Peter 4:10

Naxı̨ hazǫǫ̀ Nǫ̀htsı̨ wesǫnıwǫ t'à t'asìı hazǫǫ̀ xàɂaa naxıghǫ̀t'ǫǫ sìı wet'à ełets'àahdı.