Ephesus 4:6 - Nǫ̀htsı̨ Nı̨htł'è

⁶ Nǫ̀htsı̨ ı̨łè zǫ gǫ̀hłı̨, ededı̨ dǫ hazǫǫ̀ gha Gotà elı̨. Ededı̨ sìı dǫ hazǫǫ̀ gha K'àowo elı̨, eyıts'ǫ t'asìı hazǫǫ̀ t'à godzeè yìı eghàlaeda hǫt'e.

Ephesus 4:6 ပူးပေါင်းရင်းမြစ်များ

Dànì Kèhoį̀wo 14:19

Abram ts'ǫ̀ sìghà nıwǫ t'à dıı hadıì Abram ts'ǫ̀ xàyaı̨htı, “Nǫ̀htsı̨ Enıìyah Deè elı̨ı̨ sìı Abram xè sìghà hòɂǫǫ̀ ayııle. Ededı̨ sìı yak'e eyıts'ǫ dèè sı whehtsı̨ı̨ hǫt'e.

Matthew 6:13

Hołı̨ı̨ ts'ı̨ı̨wǫ ch'à gok'ènedì; wehłı̨ı̨ gots'ǫǫ̀ nıwà anele.’

Matthew 6:9

“Yaahtı nı̨dè dıı hanì yaahtı, “ ‘Gotà yak'e wheędaa, nıızì degaı ts'edı hǫt'e.

John 14:23

Zezì yets'ǫ̀ hadı, “Dǫ seghǫneètǫ nı̨dè seyatıì k'èı̨t'e ha. Setà yeghǫneètǫ ha, wets'ǫ̀ ats'ede ha, eyıts'ǫ wexè ats'ı̨ı̨t'e ha.

John 17:26

Nek'ègeezǫ agèhłà, deɂǫ̀ǫ̀ nek'ègeezǫǫ̀ agehłe ha. Hanì-ı̨dè dànì seghǫneètǫǫ sìı ededı̨ sìı hanì ełeghǫnegeètǫǫ̀ agede ha, eyıts'ǫ sı̨ gıxè ı̨łè zǫ laht'e ha,” Zezì hadıì Edetà ts'ǫ̀ xàyahtı.

John 20:17

Zezì yets'ǫ̀ hadı, “Dası̨ı̨chì-le, ı̨łaà Setà ts'ǫ̀ anahjà nıìle t'à. Hanìkò sèot'ı̨ gıts'àątła, dıı hagìı̨dı, ‘Setà eyıts'ǫ naxı̨ sı naxıtà ts'ǫ̀ anahde ha, Senǫ̀htsı̨ eyıts'ǫ Naxınǫ̀htsı̨ ts'ǫ̀ anahde ha,’ ” hadıì edecheekeè godayatınìı̨ɂǫ.

Rome 11:36

Nǫ̀htsı̨ t'asìı hazǫǫ̀ whehtsı̨, t'asìı hazǫǫ̀ wets'ǫ hǫt'e, eyıts'ǫ t'asìı hazǫǫ̀ wegha hǫt'e. Welǫ whìle ts'ǫ̀ weghàsǫts'eedı welè! Amen.

1 Corınth 12:6

Goxı̨ hazǫǫ̀ t'asìı ładı̨ı̨ t'à eghàlats'eeda ha goghàhòt'ǫ hǫt'e, hanìkò Nǫ̀htsı̨ ededı̨ zǫ dǫ hazǫǫ̀ t'à eghàlaeda hǫt'e.

1 Corınth 8:6

hanìkò goxı̨ gogha sìı Nǫ̀htsı̨ ı̨łè zǫ gǫ̀hłı̨, eyı sìı Nǫ̀htsı̨-Gotà hǫt'e. Ededı̨ t'asìı hazǫǫ̀ whehtsı̨ eyıts'ǫ ededı̨ wegha ts'eeda hǫt'e. Eyıts'ǫ gots'ǫ̀ K'àowo ı̨łè zǫ gǫ̀hłı̨, eyı sìı Zezì-Krı hǫt'e. Ededı̨ wet'ǫ̀ǫ̀ t'asìı hazǫǫ̀ hòèlı̨, eyıts'ǫ wet'à ts'eeda hǫt'e.

2 Corınth 6:16

Nǫ̀htsı̨kǫ̀-gocho eyıts'ǫ nǫ̀htsı̨ hòèlı̨ı̨ wets'ǫ yahtıı-kǫ̀ sìı ełek'ę̀ę̀ agı̨ı̨wǫ nıìle. Goxı̨ sìı Nǫ̀htsı̨ edaa wekǫ̀ lats'ı̨ı̨t'e hǫt'e. Nǫ̀htsı̨ dıı hadı ı̨lè, “Gıdzeè yìı nàhdè ha eyıts'ǫ gıta aht'e ha, Gınǫ̀htsı̨ ehłı̨ ha, eyıts'ǫ sets'ǫ dǫ gı̨ı̨lı̨ ha.”

Ephesus 1:21

Įdòo yat'a k'aodèe hazǫǫ̀ xàɂaa eyıts'ǫ k'aodèe gıızì gǫ̀hłı̨ı̨ sìı hazǫǫ̀ gınahk'e Zezì k'àowodeè elı̨į̀ ayį̀į̀là. Dıì gogha zǫ k'àowodeè yèhtsı̨ nıìle hanìkò ı̨daà hòɂǫ gha sı ayį̀į̀là hǫt'e.

Ephesus 2:22

Naxı̨ sı Zezì-Krı wet'à kǫ̀ ełexè naxıhòèlı̨ı̨ laaht'e, eyıts'ǫ wets'ǫ Įnì Degaı t'à Nǫ̀htsı̨ eyı kǫ̀ yìı nàdè hǫt'e.

Ephesus 3:17

Hanì-ı̨dè naxıgha ehkw'ı-ahodı t'à Zezì-Krı naxıdzeè yìı nàdè welè. Eyıts'ǫ dıı sı gha yahtı: denahk'e ts'ǫ̀ ełeghǫnıahtǫ xè

Ephesus 6:23

Gòet'ı̨ gı̨ı̨lı̨ı̨ sìı Nǫ̀htsı̨ goxè sìghà hòɂǫǫ̀ ayııle, Nǫ̀htsı̨-Gotà eyıts'ǫ Zezì-Krı naxıghǫnegeètǫ xè naxıgha ehkw'ı-ahodıì agııle welè.

1 John 3:24

Amìı yenàowoò k'èı̨t'ee sìı Nǫ̀htsı̨ xè eda hǫt'e, eyıts'ǫ Nǫ̀htsı̨ yexè eda hǫt'e. Yedàyeh Nezı̨ı̨ goghàı̨ɂǫ t'à goxè eda wek'èts'eezǫ hǫt'e.