Ephesus 4:31 - Nǫ̀htsı̨ Nı̨htł'è

³¹ T'asìı hazǫǫ̀ t'à ełek'èch'a aaht'ee sìı wedę aahłe. Ełets'ǫ̀ naxınì nàìtłoo, ełets'ǫ̀ ààhch'ee, ełetawhıahdèe, ełek'adaahdèe, eyıts'ǫ hołı̨ı̨ hazǫǫ̀ k'ę̀ę̀ k'ehoahɂaa sìı wedę aahłe.

Ephesus 4:31 ပူးပေါင်းရင်းမြစ်များ

Dànì Kèhoį̀wo 27:41

Eyıt'à Esau edechı Jacob dzaı̨hwhǫ, wetà yatı nezı̨ı̨ yechı ghàı̨ɂǫ t'à. Edets'ǫ̀ hadı, “Età ełaı̨wo weghǫ ts'etse k'ehǫǫwo nı̨dè sechı Jacob ełaàwèehwhı ha,” hadı.

Dànì Kèhoį̀wo 37:21

Wı̨ı̨de ǫhdaà Ruben hagedı goìkw'o t'à goch'à edechı edaxàhtè ha hoèhdzà. “Ełaàwets'èhwhı-le,” gòhdı.

Dànì Kèhoį̀wo 37:4

Wı̨ı̨de gı̨ı̨lı̨ı̨ sìı gıtà gınahk'e Joseph ghǫneètǫǫ gık'èhogeèhzà t'à gınèlı̨į̀-le agejà xè nezı̨į̀ gıts'ǫ̀ xàyahtı ha gı̨ı̨wǫ-le.

Dànì Kèhoį̀wo 4:8

Hagòjà tł'axǫǫ̀ Caın edechı ts'ǫ̀ hadı, “Dèè k'e t'asį̀ı̨ k'ełıìtło,” yèhdı. Dèè k'e k'eget'à ekò Caın hǫtsaa edechı Abel gà nàatła t'à ełaàyį̀ı̨hwho.

Zezì Wecheekeèdeè 21:30

Kǫ̀ta dǫ hazǫǫ̀ nıdahogı̨į̀hdè t'à dǫ nàłıìzah. Paul dagıachì, Nǫ̀htsı̨kǫ̀-gocho gà gots'ǫ xàgeèlì, eyıts'ǫ Nǫ̀htsı̨kǫ̀-gocho wemǫǫ̀ goyagoòɂàa-k'è gòlaa sìı hazǫǫ̀ enìgį̀ı̨wa.

Rome 3:14

“Nàdahogeeɂà eyıts'ǫ t'aats'ǫǫ̀ yatıjıı t'à dǫ k'eèyageetı.”

1 Corınth 14:20

Sèot'ı̨ı̨, hòt'a chekoa nàowoò k'ę̀ę̀ nànıahdè-le. Nàowołı̨ı̨ ts'ǫǫ̀hk'e nı̨dè bebìa hołı̨ı̨ k'ègeezǫ-le laaht'e, hanìkò naxınì t'à ǫhdah k'ę̀ę̀ nànıahdè.

1 Corınth 5:8

Eyıt'à eyı dzędeè wek'èts'ııdì. Łèt'èa wezǫą wedę ats'ııle, eyı sìı gonàowołı̨ı̨ wedę ats'ehɂı̨ lanì hǫt'e. Hanì-ı̨dè łèt'èa dę ełexè łèt'è ghǫ shèts'ıızhe, eyı sìı godzeè nezı̨ı̨ xè ełets'ǫ̀ ehkw'ı ts'eeda lanì hǫt'e.

2 Corınth 12:20

Naxıts'àwhıhtła nı̨dè sınì k'ę̀ę̀ aaht'e ha-le sǫnı, eyıts'ǫ sı̨ sı naxınì k'ę̀ę̀ aht'e ha-le sǫnı, eyı weghǫ nànıhwho hǫt'e. Ełek'èch'a aahdı ha sǫnı, ełeghǫ ts'oxoahdı ha sǫnı, naxık'èch'a t'à naxınì nàìtło ha sǫnı, ełek'èch'a aahda ha sǫnı, ełeghǫ goahde ha sǫnı, xàhoahdì ha sǫnı, eyıts'ǫ naxıxè hoı̨zı̨ hòɂǫ ha-le sǫnı, eyı hazǫǫ̀ ghǫ hòtł'ò nànıhwho hǫt'e.

Galatıa 5:20

nǫ̀htsı̨ hòèlı̨ı̨ ts'ǫ̀ yats'ehtıı, ı̨k'ǫǫ̀ k'alats'edèe; ełedzats'ı̨ı̨hwhǫǫ, ełek'èch'a ts'eedaa, ełeghǫ ts'ohots'eedıı, goınì nàìtłoo, dǫ nahk'e ts'ı̨ı̨lı̨ ts'ı̨ı̨wǫǫ, ełek'èch'a eghàlats'eedaa,

Ephesus 4:22

Įnę̀ę dànì naxınìłı̨ı̨ k'ę̀ę̀ aahda ı̨lèe sìı wek'ę̀ę̀ aahda-le gha hoghànaxeètǫ ı̨lè. Hołı̨ı̨ gha hòtł'ò kànıahɂaa sìı wet'à naxınì wedıhołè hǫt'e.

Ephesus 4:25

Eyıt'à naxı̨ hazǫǫ̀ hots'ets'ìı k'ę̀ę̀ goahde-le eyıts'ǫ naxèot'ı̨ ts'ǫ̀ ehkw'ı goahde, Zezì-Krı wezhį̀į̀ ı̨łè zǫ gots'ǫ ats'ı̨ı̨t'e t'à.

Ephesus 4:26

“Ààhch'e nı̨dè hołı̨ı̨ hoahtsı̨-le,” dek'eèhtł'è. Sa nàɂàa ts'ǫ̀ ààhch'e-le,

Colosse 3:19

Dǫzhìı yàahłı̨ı̨ sìı naxıts'èkeè gıghǫnıahtǫ, eyıts'ǫ yatı nàtsoo t'à tsį̀gıahɂa-le.

Colosse 3:8

Hanìkò dıı hazǫǫ̀ wedę aahłe: ts'ìch'ee, goınì nàìtłoo, hołı̨ı̨ k'ę̀ę̀ k'ehots'eɂaa, dǫ k'adats'edèe, eyıts'ǫ whàdagots'etsǫ̀ǫ, eyı hazǫǫ̀ wedę aahłe.

1 Tımothy 3:11

Eyı xèht'eè gıts'èkeè ehkw'ı geeda ha hǫt'e, hanì-ı̨dè dǫ nezı̨į̀ gots'ǫ̀ nageɂa ha. Yatıjıı t'à dǫ ghǫ gogede ha-le, edexogııhdı ha, eyıts'ǫ ehkw'ı nàhogehwho gha gııtà ha hǫt'e.

1 Tımothy 3:3

Yeèhdee-dǫǫ̀ elı̨ ha-le, wınì nàìtło ha-le, hanìkò dǫ ts'ǫ̀ wedzeè nezı̨ ha, dǫ ts'ǫ̀ nàyaehtı ha-le, eyıts'ǫ sǫǫ̀mba gha edì ha-le.

1 Tımothy 5:13

Zezì ts'ǫ̀ edeyatıì k'egı̨ı̨zhì wedaats'ǫ̀ gots'egeedì agede ha sǫnı, eyıt'à ekìı kǫ̀ta k'egedè agede ha. Gots'egeedì agede wedaats'ǫ̀ yatıts'ıì kǫ̀ta k'egeɂa xè t'asìı gı̨į̀dı-le sìı ghǫ gogedeè agede ha, eyıts'ǫ t'asìı gıghǫ gode ha-le sìı ghǫ gogedeè agede ha.

2 Tımothy 2:23

Dǫ ezhı̨ne k'ę̀ę̀ ełets'ǫ̀ nàyagehtıı sìı gıxè anet'ı̨-le. Eyı hagedı t'à dǫ ełets'ǫ̀ gìch'e wek'èı̨zǫ hǫt'e.

2 Tımothy 3:3

ełeghǫnegeètǫ ha-le, ełeghǫ nahogeele ha-le, ełıızì jıı gehtsı̨ ha, nàowołı̨ı̨ ch'à edek'ègedì ha dìì, ełets'ǫ̀ yıdagı̨ı̨t'e ha, t'asìı nezı̨ı̨ sìı dzagı̨ı̨hwhǫ ha,

Tıtus 1:7

K'àowo elı̨ı̨ sìı Nǫ̀htsı̨ wılaà weghǫ̀t'ǫ ne t'à, t'asìı wejıı wı̨ı̨zìı hohtsı̨ ha-le. Wekwì nàtso xè xàhodì ha-le, yeèhdee-dǫǫ̀ elı̨ ha-le, wınì nàìtło xè wenàhǫǫht'è ha-le, eyıts'ǫ hots'ì t'à t'asìı ghǫ edì ha-le.

Tıtus 2:3

Eyı lanì ts'èko ǫhdaà sìı nàowo degaı k'ę̀ę̀ geeda gha hoghàgı̨ı̨htǫ. Dǫ gıızì jıı gııhtsı̨-le, jìetì ghageede ha-le, hanìkò t'asìı nezı̨ı̨ sìı hoghàgogııhtǫ.

James 1:19

Sèot'ı̨ı̨, dıı yatı wedaànıahdè: Dǫ hazǫǫ̀ ekòet'ıì egeèhkw'ǫ welì, hanìkò ekòet'ıì xàyagııhtı-le, eyıts'ǫ ı̨whąą̀ gìch'e welè-le.

James 3:14

Hanìkò ełeghǫ ts'oxoahdı xè dǫ wet'àaɂàa edaahtsı̨ nı̨dè goahsǫ nıìle. Edeghǫ xàdahoahdì-le, eyıts'ǫ nàowo ehkw'ıı sìı wedę aahłe-le.

James 4:11

Sèot'ı̨ı̨, ełıızì jıı aahtsı̨-le. Amìı edèot'ı̨ ghǫ gode, hanì-le-ı̨dè yesınìyaehtıı sìı, Nǫ̀htsı̨ nàowoò k'èch'a gode xè yesınìyaehtı hǫt'e. Nǫ̀htsı̨ nàowoò wesınìyaahtı nı̨dè wenàowoò k'ę̀ę̀ aahda nıìle, wek'èch'a goahde hǫt'e.

1 Peter 2:1

Hanìkò dıì sìı hołı̨ı̨ hazǫǫ̀ k'ę̀ę̀ k'ehoahɂaa, ełeghǫyaahɂàa, degaı daahtsı̨ı̨, ełeghǫ ts'oxoahdıı, ełıızì jıı aahtsı̨ı̨, eyı hazǫǫ̀ wedę aahłe.

1 John 3:12

Caın wexèaht'e-le, ededı̨ sìı wehłı̨ı̨ wets'ǫ dǫ hǫt'e, eyıts'ǫ edechı ełaı̨hwho ı̨lè. Dànìghǫ ayį̀į̀là? Ededı̨ wenàowoò jıı t'à ełaàyį̀ı̨hwho, hanìkò wechı wenàowoò ehkw'ı hǫt'e.

1 John 3:15

Amìı edèot'ı̨ nèlı̨-le sìı eweèt'ı̨ı̨ gha wııtà hǫt'e, dǫ eweèt'ı̨ı̨ elı̨ı̨ sìı welǫ whìle ts'ǫ̀ eda ha nıìle, eyı wek'èahsǫ hǫt'e.

John Wenazhıı 12:10

Eyı tł'axǫǫ̀ yak'e gots'ǫ hòtł'ò dıı hats'edıì hǫt'e: “Hòt'a Nǫ̀htsı̨ edaxàgoı̨la. Ededı̨ sìı K'àowocho elı̨ eyıts'ǫ edets'ǫ Chrıst xè K'àowo nàtsoo elı̨ ha. Amìı Nǫ̀htsı̨ wenadąą̀ t'aats'ǫǫ̀ gòet'ı̨ k'e nìdahoeɂà elı̨ı̨ sìı hòt'a hodàweèdo hǫt'e.