Ephesus 4:29 - Nǫ̀htsı̨ Nı̨htł'è

²⁹ Yatıjıı t'à goahde-le, hanìkò yatı wet'à dǫ gınì nàtsoò ade ha sìı t'à goahde, hanì-ı̨dè dǫ egeèhkw'ǫǫ sìı wet'à nezı̨į̀ edexègeedì xè gıt'àhoehwhı ha.

Ephesus 4:29 ပူးပေါင်းရင်းမြစ်များ

Matthew 5:16

Eyı xèht'eè naxı̨ sı dǫ hazǫǫ̀ gıgha dzęh nı̨ı̨dı̨ı̨ laaht'e ha hǫt'e. Hanì-ı̨dè dànì nezı̨į̀ eghàlaahdaa sìı gıghàeda t'à Naxıtà yak'e whedaa sìı ghàsǫgeedı ha.

Luke 4:22

Dǫ hazǫǫ̀ weghǫ nezı̨į̀ gogede eyıts'ǫ yatı dàdeèzį̀ı̨ t'à gode gı̨ı̨wǫ ts'ıhɂǫ̀ dǫ gıgha enıìyah dìì. Hagedı, “Dıı Joseph weza nìı̨t'e?” gedıì dałegeehke.

John 1:37

Wecheekeè nàke John-Baptıst hadı egıìkw'o ts'ǫ̀et'ıì Zezì k'èè geède.

Rome 14:19

Eyıt'à ełexè ts'èwhı̨į̀ ts'eeda gha hòtł'ò eghàlats'eeda welè, eyıts'ǫ ełınì nàtso hots'ehtsı̨ ha ełets'àts'edı welè.

Rome 15:2

Gòet'ı̨ ayìı gıgha sìghà sìı k'ę̀ę̀ eghàlats'eeda xè gınà agets'ele ha hǫt'e, hanì-ı̨dè gınì nàtsoò agets'ele ha.

1 Corınth 14:19

Hanìkò, Nǫ̀htsı̨ wecheekeè gıta whıhda nı̨dè, yatı ełek'èch'aòt'ı̨ı̨ łǫ dǫ gık'èezǫ-le nahk'e, yatı łǫ-lea dǫ gık'èezǫǫ sìı t'à hoghàgeehtǫ ha dehwhǫ.

Ephesus 4:12

Hanì-ı̨dè Nǫ̀htsı̨ wets'ǫ dǫ dànì Nǫ̀htsı̨ gha eghàlageeda ha sìı gık'èezǫǫ̀ agede ha, eyıts'ǫ hazǫǫ̀ ełexè Nǫ̀htsı̨ gha goınì ı̨łè zǫ lats'ede gots'ǫ̀, eyıts'ǫ Nǫ̀htsı̨ weza deghàà wek'èts'eezǫ ats'ede gots'ǫ̀, Nǫ̀htsı̨ wets'ǫ dǫ hazǫǫ̀ ełexè nàgetsoò agede ha. Hanì-ı̨dè dànì Zezì-Krı wexè hòɂǫǫ sìı wexèht'eè goxè hòɂǫ ats'ede ha.

Ephesus 4:16

Ededı̨ wet'à wezhį̀į̀ hǫt'ıì eyıts'ǫ t'asìı hazǫǫ̀ wek'e whelaa sìı yàłııtǫ̀, eyıts'ǫ wet'à goxı̨ wezhį̀į̀ ats'ı̨ı̨t'ee sìı wegha goılaà ghàlats'eeda t'à eyıts'ǫ ełeghǫnets'eètǫ t'à wezhį̀į̀ nàtsoò ats'ehɂı̨ hǫt'e.

Colosse 4:6

Dǫ ts'ǫ̀ goahde nı̨dè t'aats'ǫǫ̀ gıxè sǫdahwhǫ xè goahsǫǫ̀ gıts'ǫ̀ goahde welì, hanì-ı̨dè dànì dǫ hazǫǫ̀ ts'ǫ̀ xàyaahtı ha sìı wek'èahsǫ ha.

1 Thessalonıca 5:11

Eyıt'à nezı̨į̀ ełets'ǫ̀ goahde xè ełınì nàtsoò aahłe, hòt'a haaht'ı̨ lanì.

1 Peter 2:12

Dǫ Nǫ̀htsı̨ k'ègeezǫ-le sìı gıta t'aats'ǫǫ̀ ehkw'ı aahda. Hanì aahda nı̨dè ekǫ-le eghàlaahda naxık'e nìdahogeeɂà kò, t'asìı nezı̨ı̨ haahłàa sìı gıghàeda ha hǫt'e, hanì-ı̨dè Nǫ̀htsı̨ gots'ǫ̀ adee dzęę̀ k'e nı̨dè gıghàsǫedı ha hǫt'e.

1 Peter 3:1

Ts'èko gı̨ı̨lı̨ı̨ sìı ededǫǫ̀ k'èagı̨ı̨t'e ha hǫt'e. Hanì-ı̨dè gıdǫǫ̀ godı nezı̨ı̨ gıgha ehkw'ı-ahodı-le nı̨dè gıts'èkeè gıt'ǫ̀ǫ̀ gıgha ehkw'ı-ahodıì agode ha sǫnı. Gıgha ehkw'ı-ahodıì agejà nı̨dè gıts'èkeè gots'ǫ̀ dàgedıı sìı ts'ıhɂǫ̀ nıìle, hanìkò gots'ǫ̀ dànì geeda ts'ıhɂǫ̀ gıgha ehkw'ı-ahodıì agede ha.

2 Peter 2:18

Yatı wet'àaɂà-le t'à xàdahogedì, dǫ gınìłı̨ı̨ t'à hołı̨ı̨ hogehtsı̨ ha gok'alagedè, eyıts'ǫ hołı̨ı̨ k'ę̀ę̀ geedaa gıta gots'ǫ dǫ edaxàwhedee sìı k'achı̨ hołı̨ı̨ hogehtsı̨ ha gok'alagedè.