Ephesus 4:28 - Nǫ̀htsı̨ Nı̨htł'è

²⁸ Dǫ eeɂį̀ ı̨lèe sìı k'achı̨ eeɂį̀ welè-le, hanìkò eghàlaeda ha hǫt'e. Edılà t'à t'asìı wet'àaɂàa hohtsı̨ ha hǫt'e, hanì-ı̨dè dǫ t'asìı gıgha whìle sìı yet'à gots'àdı ha.

Ephesus 4:28 ပူးပေါင်းရင်းမြစ်များ

Luke 19:8

Zacchaeus wekǫ̀ geèhkw'e ekò Zacchaeus nıìtła gà Zezì ts'ǫ̀ hadı, “K'àowo, t'asìı hazǫǫ̀ sets'ǫ sìı tanı ts'ǫ̀ dǫ-teèt'ı̨ı̨ gıghàehłe ha. Eyıts'ǫ deɂǫ̀ǫ̀ t'asìı dǫ ghǫ ìhchì nı̨dè dı̨ eht'aà ts'ǫ̀ weghǫ̀naehłe ha,” yèhdı.

Luke 3:8

Edek'eahłı̨ nı̨dè wek'ę̀ę̀ eghàlaahda. ‘Abraham gotà hǫt'e,’ dahdı-le. Nǫ̀htsı̨ sìı jǫ kwe whelaa t'à Abraham gha chekoa ehtsı̨ wegha dìì nıìle.

John 12:6

Eyı hadıı sìı dǫ-teèt'ı̨ı̨ ghǫneètǫ t'à adı nıìle, hanìkò eeɂį̀ı̨-dǫǫ̀ elı̨ t'à, hadı. Ededı̨ sǫǫ̀mbawò-k'èdìı elı̨, eyıts'ǫ ı̨hk'è edegha sǫǫ̀mba ìhchı ı̨lè.

John 13:29

Zhıdàà sǫǫ̀mbawò-k'èdìı elı̨ ne t'à dǫ mǫ̀hdaa nàsı̨ gha t'asìı nàı̨hdì Zezì yèhdıì-adı gı̨ı̨wǫ, hanì-le-ı̨dè sǫǫ̀mba dǫ-teèt'ı̨ı̨ ghàı̨ɂà yèhdıì-adı gı̨ı̨wǫ.

Rome 12:13

Nǫ̀htsı̨ wets'ǫ dǫ etegeèt'ı̨ı̨ sìı t'asìı t'à gıts'àahdı. T'aats'ǫǫ̀ dǫ gha enìxànı̨ı̨tǫ aahwhǫ.

1 Corınth 4:12

Goılà t'à hòtł'ò eghàlats'eeda. Dǫ gots'ǫ̀ nàdahogeeɂà nı̨dè gıgha yats'ehtı, dagogį̀ı̨hɂa nı̨dè wexè kò ts'èwhı̨į̀ dats'ı̨ı̨ɂa.

2 Corınth 8:12

Godzeè t'à t'asìı dǫ ghàts'eɂà nı̨dè Nǫ̀htsı̨ wegha nezı̨ hǫt'e. Ayìı dàtłǫ gots'ǫ weghàà t'asìı dǫ ghàts'eɂà ha goı̨hwhǫ hǫt'e, t'asìı gots'ǫ-le weghàà ats'et'ı̨ ha goı̨hwhǫ nıìle.

2 Corınth 8:2

Sıì gıxè hoìla łǫ kò sıì sǫgı̨ı̨wǫ, eyıts'ǫ sıì etegeèt'ı̨ kò ededzeè t'à t'aats'ǫǫ̀ t'asìı dǫ ghàgele.

Galatıa 6:10

Eyıt'à gogha hòɂǫ taàt'eè dǫ hazǫǫ̀ gıts'ǫ̀ nezı̨į̀ eghàlats'ııdà, eyıts'ǫ goxè Nǫ̀htsı̨ wecheekeè gı̨ı̨lı̨ı̨ sìı denahk'e gıts'ǫ̀ nezı̨į̀ eghàlats'ııdà.

1 Tımothy 6:18

Dǫ gha nezı̨į̀ eghàlageeda ha gìı̨dı, hanıı la nezı̨ı̨ t'à dǫ ahxee gı̨ı̨lı̨ ha. Ededzeè t'à t'asìı ełeghàgele ha eyıts'ǫ gınà xè ełets'àgedı ha hǫt'e.

Tıtus 3:14

Gots'ǫ dǫ sìı t'aats'ǫǫ̀ t'asìı nezı̨ı̨ ghàlageedaà adegele ha hǫt'e. Hanì-ı̨dè dzę taàt'eè wet'à ts'eedaa sìı t'à dǫ ts'àgedı ha, eyıts'ǫ t'asìı hogehtsı̨-le agede ha-le.

Tıtus 3:8

Eyı yatı neghàı̨ɂǫǫ sìı hotıì ehkw'ı hǫt'e. Eyı yatı hazǫǫ̀ t'à gıts'ǫ̀ goı̨de ha dehwhǫ. Hanì-ı̨dè amìı Nǫ̀htsı̨ gıgha ehkw'ı adıı sìı edexogııhdı xè ayìı nezı̨ı̨ sìı zǫ ghàlageeda ha. Eyı yatı hazǫǫ̀ dǫ gık'ę̀ę̀ geeda gha sìı nezı̨ hǫt'e, eyıts'ǫ dǫ hazǫǫ̀ gha wet'àaɂà hǫt'e.