Ephesus 4:16 - Nǫ̀htsı̨ Nı̨htł'è

¹⁶ Ededı̨ wet'à wezhį̀į̀ hǫt'ıì eyıts'ǫ t'asìı hazǫǫ̀ wek'e whelaa sìı yàłııtǫ̀, eyıts'ǫ wet'à goxı̨ wezhį̀į̀ ats'ı̨ı̨t'ee sìı wegha goılaà ghàlats'eeda t'à eyıts'ǫ ełeghǫnets'eètǫ t'à wezhį̀į̀ nàtsoò ats'ehɂı̨ hǫt'e.

Ephesus 4:16 ပူးပေါင်းရင်းမြစ်များ

John 15:5

“Sı̨ ts'ı laht'e, naxı̨ kw'ıhchı̨į̀ laaht'e. Dǫ sexè eda nı̨dè wexè nàhdè ha. Kw'ıhchı̨į̀ wek'e jìecho łǫ dehshe lanì eda ha. Sedę t'asìı wı̨ı̨zìı haahłe ha dìì hǫt'e.

Rome 12:4

Goxı̨ hazǫǫ̀ gozhį̀į̀ ı̨łè zǫ gǫ̀hłı̨ hanìkò wets'ǫ t'asìı łǫ gok'e whela hǫt'e. Eyı t'asìı gok'e whelaa sìı hazǫǫ̀ ełèht'eè eghàlageeda nıìle.

1 Corınth 10:17

Łèt'è ı̨łè zǫ hǫt'e eyıts'ǫ goxı̨ hazǫǫ̀ eyı łèt'è ı̨łè weghǫ shèts'ezhe t'à, goxı̨ goı̨tłǫ ats'ı̨ı̨t'e kò wezhį̀į̀ ı̨łè zǫ lats'ı̨ı̨t'e.

1 Corınth 13:13

Dıì nàowo taı sìı welǫ whìle ts'ǫ̀ whela ha: gogha ehkw'ı-ahodıı, edaxàts'eedè kanıts'eèɂàa, eyıts'ǫ ełeghǫnets'eètǫǫ. Eyı nàowo taı gots'ǫ sìı ełeghǫnets'eètǫǫ denahk'e elı̨ hǫt'e.

1 Corınth 8:1

Bò nǫ̀htsı̨ hòèlı̨ı̨ ghàgeedıı sìı weghǫ dıı hanaxèehsı̨ ha: T'asìı łǫ k'èts'eezǫ ts'ı̨ı̨wǫ hǫt'e, hanìkò t'asìı łǫ k'èts'eezǫ nı̨dè wet'à xàhots'edì ats'et'į̀. Ekò ełeghǫnets'eètǫ nı̨dè wet'à nàts'etsoò ałets'ehɂı̨.

Galatıa 5:22

Ekò Yedàyeh Nezı̨ı̨ t'à ts'eeda nı̨dè, dıı hanì nezı̨į̀ k'ehots'eɂa ha: ełeghǫnets'eètǫǫ, goınàa, ts'èwhı̨ ts'ı̨ı̨wǫǫ, ełexè ts'èwhı̨į̀ hots'ehɂǫǫ, etełets'eèɂı̨ı̨, ełets'ǫ̀ dǫ nezı̨ı̨ ts'ı̨ı̨lı̨ı̨, ełets'ǫ̀ ehkw'ı ts'eedaa,

Galatıa 5:6

Zezì-Krı gogha ehkw'ı-ahodı nı̨dè nàgoet'àa, nàgoet'à-le, ehk'ę̀ę̀ gogha wet'àaɂà-le. Edaxàts'eedè ha, gogha ehkw'ı-ahodıı eyı zǫ gogha wet'àaɂà hǫt'e, eyıts'ǫ ełeghǫnets'eètǫ sìı dǫ yek'èezǫ ats'ehɂı̨ hǫt'e.

Ephesus 1:4

Dıı dèè hòèlı̨ kwe Zezì-Krı wets'ıhɂǫ̀ gòį̀hchì hǫt'e. Wegha degaı ts'ı̨ı̨lı̨ gha, eyıts'ǫ wenadąą̀ hołı̨ı̨ dę ts'eeda ha goı̨hwhǫ hǫt'e. Goghǫneètǫ t'à,

Ephesus 3:17

Hanì-ı̨dè naxıgha ehkw'ı-ahodı t'à Zezì-Krı naxıdzeè yìı nàdè welè. Eyıts'ǫ dıı sı gha yahtı: denahk'e ts'ǫ̀ ełeghǫnıahtǫ xè

Ephesus 3:7

Nǫ̀htsı̨ wesǫnıwǫ seghǫ̀t'ǫ t'à eyı godı nezı̨ı̨ gha eghàlaehdaà asį̀į̀là, hanì seghàhòı̨ɂǫ t'à sedzeè yìı nàtsoò eghàlaeda hǫt'e.

Ephesus 4:12

Hanì-ı̨dè Nǫ̀htsı̨ wets'ǫ dǫ dànì Nǫ̀htsı̨ gha eghàlageeda ha sìı gık'èezǫǫ̀ agede ha, eyıts'ǫ hazǫǫ̀ ełexè Nǫ̀htsı̨ gha goınì ı̨łè zǫ lats'ede gots'ǫ̀, eyıts'ǫ Nǫ̀htsı̨ weza deghàà wek'èts'eezǫ ats'ede gots'ǫ̀, Nǫ̀htsı̨ wets'ǫ dǫ hazǫǫ̀ ełexè nàgetsoò agede ha. Hanì-ı̨dè dànì Zezì-Krı wexè hòɂǫǫ sìı wexèht'eè goxè hòɂǫ ats'ede ha.

Ephesus 4:15

Hanìkò ełeghǫnets'eètǫ t'à ehkw'ı ełets'ǫ̀ gots'ede ha. Goxı̨ Nǫ̀htsı̨ wets'ǫ dǫ ats'ı̨ı̨t'ee sìı Zezì wezhį̀į̀ lats'ı̨ı̨t'e, eyıts'ǫ Zezì ededı̨ gokwì elı̨ lanì hǫt'e. T'asìı hazǫǫ̀ t'à Zezì-Krı wexè nàts'etsoò ats'ede ha hǫt'e.

Phılıppı 1:9

Dıı hanì naxıgha yahtı: deɂǫ̀ǫ̀ ełeghǫnıahtǫǫ̀ aahde ha, deɂǫ̀ǫ̀ goahsǫǫ̀ aahde ha eyıts'ǫ dànì ełeghǫnıahtǫ ha sìı deɂǫ̀ǫ̀ wek'èhoahsǫ aahde ha.

Colosse 2:19

Zezì gokwì elı̨ı̨ sìı xè aget'ı̨-le agejà t'à aget'ı̨. Goxı̨ wezhį̀į̀ lats'ı̨ı̨t'ee sìı hazǫǫ̀ dǫ ı̨łè zǫ lats'ı̨ı̨t'e, godzats'ìı eyıts'ǫ gokw'èh t'à gozhį̀į̀ hazǫǫ̀ yàłııtǫ̀. Zezì gokwì elı̨ lanì ts'ıhɂǫ̀ goxı̨ wezhį̀į̀ ts'ı̨ı̨lı̨ı̨ sìı Nǫ̀htsı̨ ełexè ts'eezheè agohɂı̨ hǫt'e.

Colosse 2:2

Gıdzeè nàtso ha, eyıts'ǫ dǫ ı̨łè lanì ełeghǫnegeètǫ ha, gıgha daıhɂa. Hanì-ı̨dè deghàà t'asìı k'ègeezǫǫ̀ agede ha, eyıts'ǫ Nǫ̀htsı̨ t'asìı deɂı̨į̀ whehɂǫǫ sìı k'ègeezǫǫ̀ agede ha, Zezì-Krı k'ègeezǫǫ̀ agede ha t'à.

1 Thessalonıca 1:3

Naxıgha ehkw'ı-ahodı t'à hòtł'ò eghàlaahdaa sìı weghǫ t'aats'ǫǫ̀ Nǫ̀htsı̨-Gotà masì wèts'edı hǫt'e. Gots'ǫ̀ K'àowo Zezì-Krı weghǫ naxınì nàtso t'à ełeghǫnıahtǫ xè wek'ę̀ę̀ hòtł'ò eghàlaahda eyıts'ǫ weghǫnaaht'è-le.

1 Thessalonıca 2:13

Nǫ̀htsı̨ yatıì naxıts'ǫ̀ nèts'ı̨ı̨ɂǫ ekò, weyatıì naxıgha ehkw'ı-ahodı t'à, t'aats'ǫǫ̀ naxıgha Nǫ̀htsı̨ masì wets'ı̨ı̨hwhǫ hǫt'e. Eyı yatı aàhkw'oo sìı dǫ ts'ǫ yatı ne dahwhǫ-le ı̨lè, hanìkò Nǫ̀htsı̨ wets'ǫ yatı ehkw'ı hǫt'e dahwhǫ ı̨lè. Eyı yatı sìı xàè Nǫ̀htsı̨ weyatıì hǫt'e, eyıts'ǫ eyı yatı sìı dıì naxıdzeè yìı eghàlaeda hǫt'e.

1 Thessalonıca 3:12

Goxı̨ dànì sıì naxıghǫnets'eètǫ k'ę̀ę̀ gots'ǫ̀ K'àowo deɂǫ̀ǫ̀ ełeghǫnıahtǫ eyıts'ǫ dǫ hazǫǫ̀ deɂǫ̀ǫ̀ gıghǫnıahtǫ anaxııle.

2 Thessalonıca 1:3

Sèot'ı̨ı̨, denahk'e hòtł'ò naxıgha ehkw'ı-ahodıì aahde xè naxıdzeè t'à deɂǫ̀ǫ̀ ełeghǫnıahtǫ t'à t'aats'ǫǫ̀ naxıgha Nǫ̀htsı̨ masì wets'ı̨ı̨hwhǫ ha hǫt'e.

1 Tımothy 1:5

Ełeghǫnıahtǫ ha dehwhǫ t'à eyı yatı naxıghàehɂǫ. Godzeè yìı hołı̨ı̨ whìle xè, goınì nezı̨ı̨ xè, eyıts'ǫ hotıì gogha ehkw'ı-ahodı xè ełeghǫnets'eètǫ ha hǫt'e.

1 Peter 1:22

Hòt'a nàowo ehkw'ıı k'èaht'e t'à degaı k'ę̀ę̀ aahda adèahłà hǫt'e. Eyı ts'ıhɂǫ̀ naxèot'ı̨ sıì gıghǫnıahtǫ. Hęɂę, naxıdzeè t'à sıì ełeghǫnıahtǫ ha hǫt'e.

1 John 4:16

Eyıt'à Nǫ̀htsı̨ goghǫneètǫ hotıì wek'èts'eezǫ, eyıts'ǫ gogha ehkw'ı-ahodı. Nǫ̀htsı̨ sìı ełeghǫnets'eètǫǫ elı̨ hǫt'e. Amìı ełeghǫnets'eètǫǫ k'ę̀ę̀ edaa sìı Nǫ̀htsı̨ yedzeè yìı nàdè hǫt'e, eyıts'ǫ ededı̨ sı Nǫ̀htsı̨ xè nàdè hǫt'e.