Ephesus 4:1 - Nǫ̀htsı̨ Nı̨htł'è

¹ Gots'ǫ̀ K'àowo wegha sedaàtǫ hǫt'e, gots'ǫ̀ K'àowo naxıkayaı̨htıı sìı hotıì nezı̨į̀ wek'ę̀ę̀ aahda ha naxeehwhǫ hǫt'e.

Ephesus 4:1 ပူးပေါင်းရင်းမြစ်များ

Dànì Kèhoį̀wo 17:1

Abram łǫǫ̀tǫènǫ-daats'ǫ̀-łǫǫ̀tǫ weghoò ekò gots'ǫ̀ K'àowo wets'ǫ̀ wègoèht'į̀, hayèhdı, “Nǫ̀htsı̨ t'asìı wegha dìì-le aht'e. Senadąą̀ hotıì ehkw'ı ı̨da.

Dànì Kèhoį̀wo 5:24

Enoch Nǫ̀htsı̨ xè aet'į̀. Eyı tł'axǫǫ̀ Nǫ̀htsı̨ nayìchı t'à wènagoèht'į̀-le.

Zezì Wecheekeèdeè 9:31

Eyı tł'axǫǫ̀ Nǫ̀htsı̨ wecheekeè hazǫǫ̀ Judea nèk'e, Galılee nèk'e eyıts'ǫ Samarıa nèk'e gıgha łatsaa ts'èwhı̨į̀ hòɂǫǫ̀ agòjà. Yedàyeh Nezı̨ı̨ t'à gınì nàtsoò agejà. Eyıt'à dǫ łǫ gota gı̨ı̨de xè gots'ǫ̀ K'àowo k'èagı̨ı̨t'e ha gı̨ı̨wǫ.

Rome 11:29

Nǫ̀htsı̨ sìı t'asìı dǫ ghàyele, eyıts'ǫ dǫ kayahtı nı̨dè, edınì eładı̨į̀ ayehɂį̀ nıìle.

Rome 12:1

Eyıt'à sèot'ı̨ı̨, Nǫ̀htsı̨ etegoòɂı̨ wek'èts'eezǫ ne t'à dıı haehsı̨į̀ naxıghǫnàdaehtì: Naxızhį̀į̀ hazǫǫ̀ t'à Nǫ̀htsı̨ ghàdeahtè eyıts'ǫ wegha zǫ aahda. Degaı k'ę̀ę̀ aahda welè, Nǫ̀htsı̨ wınì k'ę̀ę̀ hoahtsı̨ welè. Haaht'e nı̨dè Nǫ̀htsı̨ wegha nezı̨į̀ k'ehoahɂa ha hǫt'e.

1 Corınth 4:16

Eyıt'à hotıì sexèahɂı̨, dehsı̨ naxıghǫnàdaehtì.

2 Corınth 10:1

Dǫ mǫ̀hdaa seghǫ dıı hagedı, “Paul gogà wheda nı̨dè ts'èwhı̨ą gots'ǫ̀ gode hanìkò gogà wheda-le nı̨dè yatı nàtsoo t'à gots'ǫ̀ gode,” sègedı. Zezì-Krı dànì wedzeè nezı̨ı̨ xè ts'èwhı̨į̀ anıwǫ k'ę̀ę̀ naxıghǫnàdaehtì.

2 Corınth 5:20

Eyıt'à goxı̨ sìı Zezì-Krı wegha dǫ ts'ǫ̀ gots'edee ats'ı̨ı̨t'e. Goxı̨ got'à Nǫ̀htsı̨ naxıts'ǫ̀ gode lanì hǫt'e. Zezì-Krı wedahxà naxıghǫnàdats'eetì: Nǫ̀htsı̨ wexè ts'èwhı̨į̀ aahda, naxèts'edı.

2 Corınth 6:1

Goxı̨ Nǫ̀htsı̨ gha ełexè eghàlats'eedaa ts'ı̨ı̨lı̨ı̨ sìı Nǫ̀htsı̨ wesǫnıwǫ k'ètł'ǫ̀ naxıts'ǫ̀ awede-le, naxèts'edıì naxıghǫnàdats'eetì.

Galatıa 4:12

Sèot'ı̨ı̨, naxıghǫnàdaehtì, sı̨ naxıxèht'eè ahjà t'à sexèht'eè aahde. Naxı̨ sìı sets'ǫ̀ ekǫ-le eghàlaahdà-le ı̨lè.

Ephesus 2:10

Nǫ̀htsı̨ ededı̨ gok'e eghàlaı̨dà hǫt'e, t'asìı nezı̨ı̨ weghàlats'eeda gha Zezì-Krı dahxà gòèhtsı̨ hǫt'e. Nǫ̀htsı̨ hanì wegha nezı̨į̀ eghàlats'eeda ha nadąą̀ gogha sınìhòı̨ɂǫ hǫt'e.

Ephesus 3:1

Eyı ts'ıhɂǫ̀ sı̨ Paul, Zezì-Krı wegha eghàlaehda k'èxa sedaàtǫ hǫt'e, naxı̨ Israel got'ı̨į̀ aaht'e-le sìı naxıgha sìghà agode ha t'à.

Ephesus 4:17

Eyıt'à gots'ǫ̀ K'àowo wedahxà yatı nàtsoo t'à dıı hanaxèehsı̨: Dǫ Nǫ̀htsı̨ k'ègeezǫ-le sìı k'achı̨ gık'ę̀ę̀ aahda-le, gınìłı̨ı̨ k'ę̀ę̀ geeda ne t'à.

Ephesus 4:4

Goxı̨ gogha ehkw'ı-ahodıı sìı gots'ǫ̀ K'àowo wezhį̀į̀ ı̨łè zǫ lats'ı̨ı̨t'e, eyıts'ǫ Yedàyeh Nezı̨ı̨ ı̨łè zǫ gǫ̀hłı̨. Naxıkayaetı ekò edaxàahdèe ı̨łè zǫ gha naxıkayaetı ı̨lè.

Ephesus 5:2

Zezì dànì goghǫneètǫ xè gogha ełaı̨wo k'ę̀ę̀, t'aats'ǫǫ̀ ełeghǫnıahtǫ k'ę̀ę̀ aahda. Zezì gogha ełaàwı gha Nǫ̀htsı̨ ghàdìtı̨ t'à yınì k'ę̀ę̀ eghàlaı̨dà.

Phılıppı 1:27

Naxıts'àwhıhtła, naxıts'àwhıhtła-le, ehk'ę̀ę̀, Zezì-Krı wegodıì nezı̨ı̨ k'ę̀ę̀ hotıì ehkw'ı aahda. Hanì-ı̨dè naxıts'àhtła, hanì-le-ı̨dè naxıghǫ eèhkw'o zǫ t'à, naxınì ı̨łè zǫ lanì wek'èehsǫ ha. Dǫ ı̨łè zǫ laaht'e xè godı nezı̨ı̨ gha naxınì nàtso aahwhǫ.

Phılıppı 3:14

Nǫ̀htsı̨ t'asìı seghàɂà ha sìı eyı dehnè ha dehwhǫ t'à wets'ǫ̀ ı̨daà deht'ì. Zezì-Krı wets'ıhɂǫ̀ welǫ whìle ts'ǫ̀ yak'e ehda ha Nǫ̀htsı̨ sį̀į̀hchì hǫt'e.

Colosse 1:10

Gots'ǫ̀ K'àowo wınì k'ę̀ę̀ hotıì ehkw'ı aahda ha naxıts'ı̨ı̨hwhǫ t'à, hanì naxıgha yats'ehtı. Hanì-ı̨dè Nǫ̀htsı̨ weghàsǫhoedı ha eyıts'ǫ dànì eghàlaahdaa hazǫǫ̀ yeghǫ sìghà anıwǫ ha. T'asìı nezı̨ı̨ łǫ wegha eghàlaahda ha eyıts'ǫ Nǫ̀htsı̨ denahk'e nezı̨į̀ wek'èahsǫǫ̀ aahde ha.

Colosse 2:6

Eyıt'à, Zezì-Krı naxıts'ǫ̀ K'àowo elı̨ı̨ aahłà k'ę̀ę̀ t'aats'ǫǫ̀ wexè aahda.

Colosse 4:12

Epaphras naxıts'ǫ dǫ hǫt'e sìı, Zezì-Krı wecheekeè elı̨. Ededı̨ sı, “Naxıxè sìghà welè,” naxèhdı. Nǫ̀htsı̨ wınì k'ę̀ę̀ aahda ha eyıts'ǫ naxınì gǫǫzǫ xè nàtso ha naxı̨ı̨hwhǫ t'à, t'aats'ǫǫ̀ hòtł'ò naxıgha yahtı hǫt'e.

1 Thessalonıca 2:12

Naxınì nàtsoò ats'ı̨ı̨là, ts'ǫǫ̀dahwhǫ nı̨dè naxıghǫnàdats'eetì, eyıts'ǫ Nǫ̀htsı̨ wınì k'ę̀ę̀ hotıì ehkw'ı aahda, k'èdaà hanaxèts'edı ı̨lè. Ededı̨ sìı yak'e wenàowoò k'ę̀ę̀ hòɂǫǫ eyıts'ǫ welǫ whìle ts'ǫ̀ enıìyah wehòhɂǫǫ sìı ts'ǫ̀ naxıkayaı̨htı hǫt'e.

2 Thessalonıca 1:11

Eyı weghǫ nànıts'edè xè t'aats'ǫǫ̀ naxıgha Nǫ̀htsı̨ ts'ǫ̀ yats'ehtı hǫt'e. Nǫ̀htsı̨ edets'ǫ̀ naxıkayaı̨htı gha dǫ nezı̨ı̨ aahłı̨ k'ę̀ę̀ naxııtà welì, eyıts'ǫ t'asìı wegha dìì-le t'à t'asìı wegha weghàlaahda ha dahwhǫǫ sìı hazǫǫ̀ naxıgha deghàà ayııle, eyıts'ǫ naxıgha ehkw'ı-ahodı k'ę̀ę̀ nezı̨į̀ eghàlaahdaa sìı hazǫǫ̀ naxıgha deghàà ayııle.

2 Tımothy 1:9

Nǫ̀htsı̨ ededı̨ edaxàgoı̨la hǫt'e, wets'ǫ dǫ degaı ts'ı̨ı̨lı̨ ha gokayaı̨htı hǫt'e. T'asìı wı̨ı̨zìı hots'èhtsı̨ t'à agǫ̀ǫ̀là nıìle, hanìkò hanıwǫ t'à eyıts'ǫ wesǫnıwǫ ts'ıhɂǫ̀ agǫ̀ǫ̀là hǫt'e. Dıı nèè hòɂǫ kwe Zezì-Krı wet'ǫ̀ǫ̀ Nǫ̀htsı̨ hòt'a edesǫnıwǫǫ̀ goghàyı̨ı̨ɂǫ ı̨lè.

Tıtus 2:10

goghǫ egııɂį̀-le. K'àowo ts'ǫ̀ hanì ehkw'ı k'ehogeɂa nı̨dè ehkw'ı nàhogehdè gogı̨ı̨hwhǫ ha. Haget'ı̨ nı̨dè Nǫ̀htsı̨ Edaxàgolee wegodıì t'à dǫ hoghàgıts'eèhtǫǫ sìı k'àowo gha nezı̨į̀ aget'ı̨ ha.

Hebrew 13:21

Nǫ̀htsı̨ wınì k'ę̀ę̀ eghàlaahda gha t'asìı hazǫǫ̀ naxıghàyııle. Eyıts'ǫ ayìı wınì k'ę̀ę̀ ne sìı Zezì-Krı wet'ǫ̀ǫ̀ naxıdzeè yìı yeghàlaıdà. Welǫ whìle ts'ǫ̀ Zezì weghàsǫhoedı welè. Amen.

Hebrew 3:1

Eyıt'à sèot'ı̨ degaı, yak'e ts'ǫ̀ naxıkayaetıı sìı Zezì ts'ǫ̀ naxınì nàtsoò aahłe. Ededı̨ Nǫ̀htsı̨ wecheekeèdeè elı̨ı̨ xè gogha yahtıı-wet'àaɂàa-deè elı̨ı̨ sìı gogha ehkw'ı adı hǫt'e.

1 Peter 2:11

Seàgı̨ą, dıı nèk'e ts'ǫ dǫ gıta xàhtǫ laaht'e t'à hołı̨ı̨ naxıdą̀ązhį̀ı̨ k'alawoo sìı wek'ę̀ę̀ aahda ha-le naxıghǫ hòtł'ò hahwhǫ.

1 Peter 3:9

Dǫ naxıts'ǫ̀ hojıì eghàlageeda nı̨dè ek'èt'à gıts'ǫ̀ hojıì eghàlaahda-le, dǫ naxık'adageedè nı̨dè ek'èt'à gık'adaahdè-le, hanìkò gıgha yaahtı. Dǫ ts'ǫ̀ sìghà eghàlaahda ha naxììchì hǫt'e, hanì-ı̨dè Nǫ̀htsı̨ naxıts'ǫ̀ sìghà eghàlaeda ha hǫt'e.

1 Peter 5:10

Nǫ̀htsı̨ t'aats'ǫǫ̀ naxıts'ǫ̀ sǫnıwǫǫ sìı Zezì-Krı wedahxà welǫ whìle ts'ǫ̀ enıìyah k'ę̀ę̀ aahda ha naxıkayaı̨htı hǫt'e. Whaà-lea gots'ǫ̀ daahɂa tł'axǫǫ̀ xàè ededı̨ naxıxè sìghà hòɂǫǫ̀ ayele ha eyıts'ǫ t'aats'ǫǫ̀ naxınì nàtsoò ayele ha hǫt'e.

2 Peter 1:3

Nǫ̀htsı̨ nàtso wehòhɂǫ t'à, wet'à ts'eeda gha eyıts'ǫ wınì k'ę̀ę̀ ts'eeda gha t'asìı hazǫǫ̀ goghàı̨la hǫt'e. Nǫ̀htsı̨ gots'ǫ̀ wedzeè nezı̨ı̨ xè enıìyah wehòhɂǫ t'à gokayaı̨htıı sìı wek'èts'eezǫǫ̀ ats'ejà.

2 John 1:5

Sèot'ı̨ı̨, nàowo eładı̨ı̨ ghǫ naxıts'ǫ̀ eehtł'è nıìle, hanìkò kèhots'ı̨į̀hwho gots'ǫ nàowo wek'èts'eezǫǫ sìı ghǫ naxıts'ǫ̀ eehtł'è aht'ı̨. Ełeghǫnets'eètǫ ha dehwhǫ hǫt'e.