Ephesus 3:8 - Nǫ̀htsı̨ Nı̨htł'è

⁸ Nǫ̀htsı̨ wets'ǫ dǫ hazǫǫ̀ gıgha sı̨ denahk'e dek'aɂį̀ ehłı̨ kò eyı wesǫnıwǫ seghǫ̀t'ǫ dahxà dıı la seghàı̨ɂǫ hǫt'e: Dǫ Israel got'ı̨į̀ agı̨ı̨t'e-le sìı Zezì-Krı dànì sıì enıìyah t'à dǫ xè sìghà agole ha sìı t'à gıts'ǫ̀ gohde ha.

Ephesus 3:8 ပူးပေါင်းရင်းမြစ်များ

Luke 14:22

“Wecheekeè nǫ̀ǫtła ekò hadı, ‘K'àowo, ayìı dàsį̀ı̨dıı sìı hòt'a hahłà, hanìkò ı̨łaà gòɂǫ,’ yèhdı.

John 1:16

Sıì gots'ǫ̀ sǫnıwǫ ts'ıhɂǫ̀ ełek'èdaà goxè sìghà hòɂǫǫ̀ agǫ̀ǫ̀là.

Zezì Wecheekeèdeè 5:41

Zezì wecheekeèdeè Israel got'ı̨į̀ gha k'aodèe gots'ǫǫ̀ nageèhde. Zezì gha dagı̨ı̨ɂaà agììdlà t'à sıì gınà xè masì gı̨ı̨wǫ.

Zezì Wecheekeèdeè 9:15

Hanìkò gots'ǫ̀ K'àowo Ananıas ts'ǫ̀ hadı, “Ekǫ nàątła! Eyı dǫ wììhchì hǫt'e, wet'ǫ̀ǫ̀ dǫ hazǫǫ̀ xàɂaa sıızì k'ègeezǫ ha. Dǫ eyıì-le xàɂaa gha k'aodèe ts'ǫ̀ gode ha eyıts'ǫ Israel got'ı̨į̀ sı ts'ǫ̀ gode ha, eyı gha wììhchì hǫt'e.

Rome 11:33

Nǫ̀htsı̨ sıì gǫǫzǫ xè t'asìı hazǫǫ̀ k'èhoezǫ ts'ıhɂǫ̀ Nǫ̀htsı̨ gogha enıìyah hǫt'e! Wınì nıts'eedì ha dìì eyıts'ǫ edı̨į̀ wetı̨lıì nıɂàa sìı wek'èts'eezǫ-le!

Rome 12:10

Ełèot'ı̨ lanì naxıdzeè t'à ełeghǫnıahtǫ. Edenahk'e dǫ eyıì-le gıt'àhoòɂà dahwhǫ ha hǫt'e.

Rome 2:4

Nǫ̀htsı̨ naxıts'ǫ̀ wedzeè nezı̨ı̨, eyıts'ǫ naxıxè ts'èwhı̨į̀ nıwǫǫ sìı naxıgha wet'àaɂà-le nì? Nǫ̀htsı̨ hanì naxıts'ǫ̀ wedzeè nezı̨ı̨ sìı wek'èahsǫ-le nì? Edek'eahłı̨ ha naxı̨ı̨hwhǫ t'à naxıts'ǫ̀ wedzeè nezı̨ hǫt'e.

1 Corınth 1:30

Nǫ̀htsı̨ wets'ıhɂǫ̀ Zezì-Krı wexè aaht'e. Nǫ̀htsı̨ sìı Zezì-Krı t'à gots'ı̨ı̨zǫǫ̀ agǫ̀ǫ̀là, wet'ǫ̀ǫ̀ ehkw'ıì ats'ejà, wet'ǫ̀ǫ̀ degaı ts'ı̨ı̨lı̨, eyıts'ǫ wet'ǫ̀ǫ̀ welǫ whìle ts'ǫ̀ edaxàts'eedè hǫt'e.

1 Corınth 15:9

Wecheekeèdeè gha sìı hazǫǫ̀ t'à sı̨ denahk'e dek'aɂį̀ aht'e. Nǫ̀htsı̨ wecheekeè dagı̨ı̨ɂaà agèhłà ı̨lè t'à, wecheekeèdeè ehłı̨ gha xèeht'e-le.

1 Corınth 2:9

Nǫ̀htsı̨ Nı̨htł'è k'e dıı hanì dek'eèhtł'è: “Dǫ Nǫ̀htsı̨ ghǫnegeètǫǫ sìı Nǫ̀htsı̨ ayìı ts'atà godawhehłaa sìı dǫ wı̨ı̨zìı yaɂı̨ whìle, eyıts'ǫ dǫ wı̨ı̨zìı yı̨ı̨hkw'ǫ̀ whìle, eyıts'ǫ dǫ wı̨ı̨zìı yedaànıwhewo whìle,” dek'eèhtł'è.

Galatıa 2:8

Peter yecheekeèdeè elı̨ t'à Nǫ̀htsı̨ Israel got'ı̨į̀ gota eghàlaı̨dà hǫt'e. Eyı xèht'eè sı̨ wecheekeèdeè ehłı̨ t'à Nǫ̀htsı̨ Israel got'ı̨į̀ agı̨ı̨t'e-le sìı gota eghàlaeda hǫt'e.

Ephesus 2:7

Hanì-ı̨dè ı̨daà hòɂǫ nı̨dè, Nǫ̀htsı̨ enıìyah t'à wesǫnıwǫǫ sìı gots'ǫ̀ wègaat'ı̨į̀ ayele ha. Zezì-Krı xè dànì eghàlaı̨dà, eyı weghàà gots'ǫ̀ wedzeè nezı̨ı̨ wek'èts'eezǫǫ̀ agǫ̀ǫ̀là.

Ephesus 3:1

Eyı ts'ıhɂǫ̀ sı̨ Paul, Zezì-Krı wegha eghàlaehda k'èxa sedaàtǫ hǫt'e, naxı̨ Israel got'ı̨į̀ aaht'e-le sìı naxıgha sìghà agode ha t'à.

Ephesus 3:16

Ededı̨ sìı enıìyah nàtsoo wets'ǫ̀-èlı̨ t'à edets'ǫ Įnì Degaı t'à naxıdzeè yìı nàahtsoò anaxele ha, eyı gha yahtı.

Ephesus 3:19

eyıts'ǫ dàı̨hcho ts'ǫ̀ goghǫneètǫǫ sìı dǫ wı̨ı̨zìı yek'èezǫ nıìle, eyı wenıahdì welì. Dànì Nǫ̀htsı̨ wexè hòɂǫǫ sìı deghàà naxıdzeè yìı wehòhɂǫ welè.

Ephesus 3:2

Nǫ̀htsı̨ edesǫnıwǫǫ̀ seghàı̨ɂǫǫ sìı wek'ę̀ę̀ naxıgha eghàlaehda ha weghǫ aàhkw'o sǫnı.

Phılıppı 2:3

Wet'à nezı̨į̀ naxìgaat'ı̨ ha dahwhǫ t'à edegha zǫ t'asìı haahɂı̨-le, hanìkò k'èeweèt'ı̨ laaht'e xè edenahk'e dǫ eyıì-le gıdaànıahdè.

Phılıppı 4:19

Senǫ̀htsı̨ sìı nezı̨į̀ naxık'èdì ha hǫt'e. Zezì-Krı wets'ıhɂǫ̀ t'asìı hazǫǫ̀ wèdaat'ı̨ı̨ wets'ǫ sìı t'à naxıts'àdı ha hǫt'e.

Colosse 1:27

Eyı dǫ degaı gı̨ı̨lı̨ı̨ sìı dıı nèk'e dǫ hazǫǫ̀ Nǫ̀htsı̨ k'ègeezǫ-le gıta gots'ǫ Nǫ̀htsı̨ gòį̀hchì agı̨ı̨t'e. Weyatıì enıìyah xè deɂı̨į̀ wheɂǫǫ sìı gık'èezǫǫ̀ agǫ̀ǫ̀là. Eyı weyatıì sìı Zezì-Krı naxıdzeè yìı nàdè awèts'edı, eyı wet'à welǫ whìle ts'ǫ̀ enıìyah xè aahda ha.

1 Tımothy 1:13

Įnę̀ę Nǫ̀htsı̨ wek'èch'a xàyahtı ı̨lèe, eyıts'ǫ yıdaeht'e t'à Nǫ̀htsı̨ wecheekeè dagìıhɂa ı̨lè. Hanìkò dàht'ı̨į̀-aht'ı̨ı̨ sìı wek'èehsǫ-le ı̨lè eyıts'ǫ segha ehkw'ı-ahodı-le t'à hanì eghàlaıhdà t'à Nǫ̀htsı̨ sets'ǫ̀ wedzeè eteèɂı̨ ı̨lè.

1 Tımothy 1:15

Dıı yatı sìı hotıì ehkw'ı hǫt'e, dǫ hotıì edegha gìhchı ha hǫt'e: Zezì-Krı hołı̨ı̨-hogehtsı̨ı̨-dǫǫ̀ edaxàgole ha, dıı nèk'e ts'ǫ̀ ajà. Sı̨ sìı gıta gots'ǫ denahk'e hołı̨ı̨-hohtsı̨ı̨-dǫǫ̀ aht'e ı̨lè.

1 Tımothy 2:7

Eyı weghǫ gohde ha t'à wecheekeèdeè ehłı̨ ha sìhchì, eyıts'ǫ dǫ Israel got'ı̨į̀ agı̨ı̨t'e-le sìı nàowo ehkw'ıı k'ę̀ę̀ Nǫ̀htsı̨ gıgha ehkw'ı-ahodı ha hoghàgeehtǫ. Ehkw'ı naxıts'ǫ̀ haehsı̨, hohts'ì gohde nıìle.

2 Tımothy 1:11

Godı nezı̨ı̨ dǫ ts'ǫ̀ haehsı̨ ha, eyıts'ǫ wet'à dǫ hoghàehtǫ ha, eyı gha wecheekeèdeè ehłı̨ ha sį̀į̀hchì hǫt'e.

John Wenazhıı 3:18

Sǫǫ̀mbaekwo kǫ̀-dèk'ǫ̀ǫ t'à wedeèdlı̨į̀ adlàa sìı seghǫ nàahdì nı̨dè ahxee aahłı̨ ha. Goht'ǫ degoo seghǫ nàahdì, hanì-ı̨dè goht'ǫ dę edeghǫ į̀į̀zhaahłı̨ ha-le, eyıts'ǫ godaàtłeè seghǫ nàahdì, hanì-ı̨dè k'eaht'į̀ ha.