Ephesus 3:5 - Nǫ̀htsı̨ Nı̨htł'è

⁵ Eyı sìı dǫ gokwe gı̨ı̨dàa sìı gık'èezǫǫ̀ agììdlà-le ı̨lè, hanìkò dıì Nǫ̀htsı̨ wecheekeèdeè degaı eyıts'ǫ nakwenàoɂǫǫ degaı gı̨ı̨lı̨ı̨ sìı Yedàyeh Nezı̨ı̨ t'à gık'èezǫǫ̀ agejà.

Ephesus 3:5 ပူးပေါင်းရင်းမြစ်များ

Matthew 13:17

Ehkw'ı anaxèehsı̨, ı̨nę̀ę nakwenàoɂǫǫ łǫ eyıts'ǫ dǫ ehkw'ı geeda łǫ ı̨lè, ayìı aahɂı̨ı̨ sìı gıghàeda ha gı̨ı̨wǫ ı̨lè hanìkò gıaɂı̨-le. Eyıts'ǫ dıì ayìı aàhkw'ǫǫ sìı geèhkw'ǫ ha gı̨ı̨wǫ ı̨lè hanìkò eyı gı̨į̀hkw'ǫ̀-le.

Matthew 20:7

“Dǫ eyı nàgeèhzaa sìı gıts'ǫ̀ hadı, ‘Dǫ wı̨ı̨zìı la goghàı̨ɂǫ-le ts'ıhɂǫ̀ ats'ı̨ı̨t'e,’ hagıìhdı. “K'àowo gots'ǫ̀ hadı, ‘Naxı̨ sı sedèè k'e eghàlaahda,’ gòhdı.

Matthew 23:34

Nakwenàoɂǫǫ, dǫ gogı̨ı̨zǫǫ eyıts'ǫ dǫ-hoghàehtǫǫ-dǫǫ̀ naxıts'ǫ̀ agehłe ha. Mǫ̀hdaa ełaàgìahde xè dechı̨et'aa k'e gıdeàhtsò ha, mǫ̀hdaa ełègehdèe-kǫ̀ goyìı gık'eahkwa ha, eyıts'ǫ kǫ̀ta yàgòlaa gıkaahwhǫ gà dagìahɂa ha.

Luke 10:24

Ehkw'ı anaxèehsı̨, ı̨nę̀ę nakwenàoɂǫǫ łǫ eyıts'ǫ k'àowocho łǫ ayìı weahɂı̨ı̨ sìı gıghàeda ha gı̨ı̨wǫ ı̨lè hanìkò gıaɂı̨-le. Eyıts'ǫ dıì ayìı aàhkw'ǫǫ sìı geèhkw'ǫ ha gı̨ı̨wǫ ı̨lè, hanìkò eyı gı̨į̀hkw'ǫ̀-le,” Zezì gòhdı.

Luke 11:49

Nǫ̀htsı̨ t'asìı hazǫǫ̀ k'èezǫ t'à t'akwe whaà dıı hadıì xàyaı̨htı ı̨lè, ‘Nakwenàoɂǫǫ eyıts'ǫ dǫ segha gogedee sìı gıts'ǫ̀ ahłe ha. Mǫ̀hdaa ełaàgogìhde ha eyıts'ǫ mǫ̀hdaa dagogį̀ı̨hɂa ha.’

John 14:26

Hanìkò Yedàyeh Nezı̨ı̨, naxıts'àdıı elı̨ı̨ sìı Setà sıızì dahxà naxıts'ǫ̀ ayele ha. Ededı̨ sìı t'asìı hazǫǫ̀ hoghànaxeehtǫ ha, eyıts'ǫ t'asìı hazǫǫ̀ naxıts'ǫ̀ haehsı̨ı̨ sìı wenaahdì anaxele ha.

John 16:13

Hanìkò Yedàyeh Nezı̨ı̨ nììtła nı̨dè t'asìı hazǫǫ̀ ehkw'ı ne sìı naxıts'ǫ̀ hadı ha, ehkw'ı zǫ gode ne t'à. Ededahxà gode ha nıìle, dàehsı̨ı̨ yeèhkw'ǫǫ sìı eyı zǫ t'à gode ha, eyıts'ǫ ı̨daà ayìı dàgode ha sìı naxıts'ǫ̀ hadı ha.

Zezì Wecheekeèdeè 10:28

Peter gots'ǫ̀ hadı, “Goxı̨ gonàowoò k'ę̀ę̀ dànì goxè hòɂǫǫ sìı wek'èahsǫ hǫt'e. Israel got'ı̨į̀ sìı, dǫ eyıì-le xàɂaa xè aget'ı̨ ha, gıgha wets'àet'ǫ hǫt'e. Hanìkò dǫ wı̨ı̨zìı wejıı wèehsı̨ ha-le sìı Nǫ̀htsı̨ wek'èehsǫǫ̀ asį̀į̀là.

1 Corınth 2:10

Hanìkò dıì sìı Nǫ̀htsı̨-Gotà edets'ǫ Įnì Degaı wedahxà dıı godı wek'èts'eezǫǫ̀ agǫ̀ǫ̀là. Yedàyeh Nezı̨ı̨ t'asìı hazǫǫ̀ yenıedì, eyıts'ǫ Nǫ̀htsı̨ ts'ǫǫ̀hk'e t'asìı deɂı̨į̀ whelaa sìı eyı kò yenıedì hǫt'e.

Ephesus 2:20

Goxı̨ hazǫǫ̀ yìetł'aà whetǫǫ k'e kǫ̀ hòèlı̨ı̨ lanì Nǫ̀htsı̨ wecheekeèdeè eyıts'ǫ nakwenàoɂǫǫ gıyatıì k'e nàts'eèhza lats'ı̨ı̨t'e, eyıts'ǫ Zezì-Krı ededı̨ sìı kwe denahk'e wet'àaɂàa elı̨, wet'à yìetł'aà whetǫǫ k'e kǫ̀ hòèlı̨ı̨ sìı nàtsoò yııtǫ̀.

Ephesus 3:9

Eyı t'asìı enıìyah deɂı̨į̀ wheɂǫǫ sìı dànì agode ha sìı dǫ hazǫǫ̀ nezı̨į̀ gınıedì agehłe ha hǫt'e. Nǫ̀htsı̨ t'asìı hazǫǫ̀ whehtsı̨ı̨ sìı ı̨nę̀ę whaà gots'ǫ deɂı̨į̀ yèhɂǫ ı̨lè.

2 Peter 3:2

Įnę̀ę sìı nakwenàoɂǫǫ degaı yatı goghàgı̨ı̨ɂǫǫ sìı wenaahdì ha naxeehwhǫ, eyıts'ǫ gots'ǫ̀ K'àowo Edaxàgolee elı̨ı̨ sìı wecheekeèdeè gıt'ǫ̀ǫ̀ nàowo nezı̨ı̨ naxıghàı̨ɂǫ hǫt'e, eyı sìı wenaahdì ha naxeehwhǫ.

Jude 1:17

Hanìkò seàgı̨ą, gots'ǫ̀ K'àowo Zezì-Krı wecheekeèdeè dànì nadąą̀ gogı̨ı̨dee sìı wenaahdì.