Ephesus 3:20 - Nǫ̀htsı̨ Nı̨htł'è

^20-21 Nǫ̀htsı̨ godzeè yìı nàtsoò eghàlaeda k'ę̀ę̀, t'asìı wets'eekèe, hanì-le-ı̨dè gogha dànì eghàlaeda ghǫ nànıts'edè nahk'e nezı̨į̀ goghàlaeda ha wegha dìì nıìle. Wets'ǫ dǫ gıt'ǫ̀ǫ̀ eyıts'ǫ Zezì-Krı wets'ıhɂǫ̀, dǫ hazǫǫ̀ ełetł'axǫǫ̀-geedèe sìı welǫ whìle ts'ǫ̀ Nǫ̀htsı̨ ghàsǫgeedı welè! Amen.

Ephesus 3:20 ပူးပေါင်းရင်းမြစ်များ

Dànì Kèhoį̀wo 17:1

Abram łǫǫ̀tǫènǫ-daats'ǫ̀-łǫǫ̀tǫ weghoò ekò gots'ǫ̀ K'àowo wets'ǫ̀ wègoèht'į̀, hayèhdı, “Nǫ̀htsı̨ t'asìı wegha dìì-le aht'e. Senadąą̀ hotıì ehkw'ı ı̨da.

Dànì Kèhoį̀wo 18:4

Tı łǫ-lea naxıgha ts'ìhchı. Wet'à naxıkè k'enaahtse gà jǫ łatsaa ts'ı wezhıı nahoahzì.

Matthew 3:9

‘Abraham gotà hǫt'e,’ dahdı t'à, naxıxè t'asagode ha-le dahwhǫ nì? Nǫ̀htsı̨ sìı jǫ kwe whela t'à Abraham gha chekoa ehtsı̨ ha dìì nıìle.

John 10:10

Eeɂį̀ı̨-dǫǫ̀ sìı sahzǫ̀ą deɂį̀ı̨ xè ełaàgòhde zǫ gha at'ı̨, hanìkò sı̨ set'à geeda ha jǫ ahjà, eyıts'ǫ denahk'e gıxè sìghà hòɂǫ gha jǫ ahjà.

Rome 4:21

Nǫ̀htsı̨ dànì yatı whehtsı̨ı̨ sìı yek'ę̀ę̀ eghàlaeda ha wegha dìì-le, hotıì yek'èezǫ hǫt'e.

1 Corınth 2:9

Nǫ̀htsı̨ Nı̨htł'è k'e dıı hanì dek'eèhtł'è: “Dǫ Nǫ̀htsı̨ ghǫnegeètǫǫ sìı Nǫ̀htsı̨ ayìı ts'atà godawhehłaa sìı dǫ wı̨ı̨zìı yaɂı̨ whìle, eyıts'ǫ dǫ wı̨ı̨zìı yı̨ı̨hkw'ǫ̀ whìle, eyıts'ǫ dǫ wı̨ı̨zìı yedaànıwhewo whìle,” dek'eèhtł'è.

2 Corınth 9:8

Nǫ̀htsı̨ sìı t'asìı hazǫǫ̀ wet'à nezı̨į̀ aahda ha deɂǫ̀ǫ̀ naxıghàyele ha wegha dìì nıìle. Hanì-ı̨dè t'aats'ǫǫ̀ t'asìı hazǫǫ̀ wet'à-aaht'ı̨ ha sìı naxıts'ǫ ha, eyıts'ǫ t'aats'ǫǫ̀ wet'à nezı̨į̀ dǫ ts'àahdı ha.

Ephesus 1:19

Eyıts'ǫ goxı̨ gogha ehkw'ı-ahodıı sìı t'asìı enıìyah t'à nàtsoò godzeè yìı ayį̀į̀làa sìı eyı wek'èahsǫ gha yahtı hǫt'e. Eyı t'asìı nàtsoo t'à Nǫ̀htsı̨ godzeè yìı nàtsoò eghàlaeda hǫt'e.

Ephesus 3:7

Nǫ̀htsı̨ wesǫnıwǫ seghǫ̀t'ǫ t'à eyı godı nezı̨ı̨ gha eghàlaehdaà asį̀į̀là, hanì seghàhòı̨ɂǫ t'à sedzeè yìı nàtsoò eghàlaeda hǫt'e.

Colosse 1:29

Eyı gha hòtł'ò eghàlaehda xè nàhǫhoehwho. Nǫ̀htsı̨ wet'ıì t'asìı hazǫǫ̀ gha nàhtso asehɂı̨, eyıt'à hanì eghàlaehda ha dìì-le.

1 Tımothy 1:14

Zezì-Krı wets'ıhɂǫ̀ Nǫ̀htsı̨ deɂǫ̀ǫ̀ sets'ǫ̀ sǫnıwǫ t'à segha ehkw'ı-ahodıì asį̀į̀là eyıts'ǫ dǫ ghǫneehtǫǫ̀ asį̀į̀là.

Hebrew 11:19

Abraham hanıwǫ, “Nǫ̀htsı̨ sìı dǫ ełaı̨dèe naìdà ayele ha wegha dìì nıìle,” nıwǫ. Wedaànıts'ewo ha nı̨dè weza Isaac ełaı̨wo gots'ǫ naìdà lajà hǫt'e.

Hebrew 7:25

Eyıt'à Zezì ededı̨ wet'ǫ̀ǫ̀ amìı Nǫ̀htsı̨ ts'ǫ̀ at'ı̨ı̨ sìı deghàà edaxàgole ha wegha dìì-le hǫt'e. T'aats'ǫǫ̀ eda t'à dǫ gha Nǫ̀htsı̨ ts'ǫ̀ yahtı ha dìì-le hǫt'e.

James 4:12

Nǫ̀htsı̨ zǫ gogha nàowo whehtsı̨ xè gosınìyaehtıı elı̨ hǫt'e, ededı̨ zǫ edaxàgole ha, hanì-le-ı̨dè godıhohtsı̨ ha. Hanìkò naxı̨ sìı naxèot'ı̨ gısınìyaahtı ha naxıghàhòt'ǫ nıìle.

2 Peter 1:11

Hanìkò gots'ǫ̀ K'àowo Zezì-Krı, Edaxàgolee elı̨ı̨ sìı, wenàowoò k'ę̀ę̀ welǫ whìle ts'ǫ̀ hòɂǫǫ sìı goyaahdè t'à Nǫ̀htsı̨ naxıghǫ wınà ha hǫt'e.

Jude 1:24

Nǫ̀htsı̨ sìı hołı̨ı̨ ts'ǫ̀ ek'èt'à anaahde ch'à naxık'èdì ha wegha dìì-le hǫt'e, eyıts'ǫ edı̨į̀ wexè enıìyah hòɂǫǫ sìı hołı̨ı̨ naxık'e wheɂǫ-le xè sıì naxınà wenadąą̀ nàahza anaxele ha dìì-le hǫt'e.