Ephesus 3:2 - Nǫ̀htsı̨ Nı̨htł'è

² Nǫ̀htsı̨ edesǫnıwǫǫ̀ seghàı̨ɂǫǫ sìı wek'ę̀ę̀ naxıgha eghàlaehda ha weghǫ aàhkw'o sǫnı.

Ephesus 3:2 ပူးပေါင်းရင်းမြစ်များ

Zezì Wecheekeèdeè 13:2

Įłàà yagehtı xè edegegǫ ekò Yedàyeh Nezı̨ı̨ gots'ǫ̀ goı̨de, hadı, “Barnabas eyıts'ǫ Saul segha eghàlageeda ha t'à, seghàgıahłe,” gòhdı.

Zezì Wecheekeèdeè 13:46

Hanìkò Paul eyıts'ǫ Barnabas ededageedì-le, hagedı, “Naxı̨ sìı t'akwełǫ̀ǫ̀ Nǫ̀htsı̨ weyatıì naxıts'ǫ̀ hats'edı ha hǫt'e ı̨lè. Hanìkò naxıgha wedę aahłà eyıts'ǫ welǫ whìle ts'ǫ̀ aahda ha naxıgha wet'àaɂà-le t'à, dıì dǫ eyıì-le xàɂaa ts'ǫ̀ ats'ede ha.

Zezì Wecheekeèdeè 22:21

“Hanìkò gots'ǫ̀ K'àowo sets'ǫ̀ hadı, ‘Nıį̀tła, nıwàa nèk'e dǫ eyıì-le xàɂaa gıts'ǫ̀ anehłe ha,’ sèhdı,” Paul hadıì dǫ hazǫǫ̀ ts'ǫ̀ goı̨de.

Zezì Wecheekeèdeè 9:15

Hanìkò gots'ǫ̀ K'àowo Ananıas ts'ǫ̀ hadı, “Ekǫ nàątła! Eyı dǫ wììhchì hǫt'e, wet'ǫ̀ǫ̀ dǫ hazǫǫ̀ xàɂaa sıızì k'ègeezǫ ha. Dǫ eyıì-le xàɂaa gha k'aodèe ts'ǫ̀ gode ha eyıts'ǫ Israel got'ı̨į̀ sı ts'ǫ̀ gode ha, eyı gha wììhchì hǫt'e.

Rome 1:5

Gots'ǫ̀ K'àowo sets'ǫ̀ sǫnıwǫ t'à wecheekeèdeè ehłı̨ ha sį̀į̀hchì. Eyıt'à wedahxà dıı nèk'e hazǫǫ̀ ts'ǫ̀ dǫ eyıì-le xàɂaa Nǫ̀htsı̨ gıgha ehkw'ı-ahodı xè gık'èı̨t'e ha gıkayahtı ha hǫt'e.

Rome 11:13

Naxı̨ Israel got'ı̨į̀ aaht'e-le sìı naxıts'ǫ̀ gohde hǫt'e. Nǫ̀htsı̨ Israel got'ı̨į̀ agı̨ı̨t'e-le sìı gıts'ǫ̀ sı̨ı̨hɂà aht'e, eyıt'à godı nezı̨ı̨ gıts'ǫ̀ ahłe ha hòtł'ò eghàlaehda hǫt'e.

Rome 12:3

Nǫ̀htsı̨ wesǫnıwǫ seghǫ̀t'ǫ wedahxà naxıts'ǫ̀ dıı haehsı̨: T'asìı deè ats'ı̨ı̨t'e dahwhǫ t'à deɂǫ̀ǫ̀ edeghǫ nànıahdè-le, hanìkò ehkw'ı edeghǫ nànıahdè. Nǫ̀htsı̨ naxınì dànàı̨htsoò ayį̀į̀là k'ę̀ę̀ edeghǫ nànıahdè.

1 Corınth 4:1

Eyıt'à dǫ Zezì-Krı wecheekeè ats'ı̨ı̨t'e k'ę̀ę̀ gogıhtà welì, eyıts'ǫ Nǫ̀htsı̨ ts'ǫǫ̀hk'e t'asìı deɂı̨į̀ whelaa sìı wek'èts'eezǫ ats'ı̨ı̨t'e, gogı̨ı̨hwhǫ welì.

Galatıa 1:13

Įnę̀ę dànì Israel got'ı̨į̀ gınàowoò k'ę̀ę̀ ıhdàa sìı weghǫ aàhkw'o sǫnaà. Nǫ̀htsı̨ wecheekeè sıì dagìıhɂa xè gıdıhohtsı̨ ha hoèhdzà ı̨lè.

Ephesus 1:10

Ehkw'ı nèhòkw'o nı̨dè Nǫ̀htsı̨ eyı hazǫǫ̀ yeghàlaeda ha hǫt'e. Ekìıyeè k'e nı̨dè t'asìı hazǫǫ̀ yak'e whelaa eyıts'ǫ t'asìı hazǫǫ̀ dıı nèk'e whelaa sìı k'àowo ı̨łè wetł'aà whelaà ayele ha, eyı k'àowo sìı Zezì-Krı hǫt'e.

Ephesus 3:7

Nǫ̀htsı̨ wesǫnıwǫ seghǫ̀t'ǫ t'à eyı godı nezı̨ı̨ gha eghàlaehdaà asį̀į̀là, hanì seghàhòı̨ɂǫ t'à sedzeè yìı nàtsoò eghàlaeda hǫt'e.

Ephesus 3:8

Nǫ̀htsı̨ wets'ǫ dǫ hazǫǫ̀ gıgha sı̨ denahk'e dek'aɂį̀ ehłı̨ kò eyı wesǫnıwǫ seghǫ̀t'ǫ dahxà dıı la seghàı̨ɂǫ hǫt'e: Dǫ Israel got'ı̨į̀ agı̨ı̨t'e-le sìı Zezì-Krı dànì sıì enıìyah t'à dǫ xè sìghà agole ha sìı t'à gıts'ǫ̀ gohde ha.

Ephesus 3:9

Eyı t'asìı enıìyah deɂı̨į̀ wheɂǫǫ sìı dànì agode ha sìı dǫ hazǫǫ̀ nezı̨į̀ gınıedì agehłe ha hǫt'e. Nǫ̀htsı̨ t'asìı hazǫǫ̀ whehtsı̨ı̨ sìı ı̨nę̀ę whaà gots'ǫ deɂı̨į̀ yèhɂǫ ı̨lè.

Ephesus 4:21

Hotıì weghǫ aàhkw'ǫ xè weghǫ hoghànaxeètǫ ı̨lè, eyıts'ǫ Zezì-Krı wet'à nàowo ehkw'ıı k'èhoahsǫ aahjà hǫt'e.

Ephesus 4:7

Hanìkò goxı̨ hazǫǫ̀ gotaàt'eè Zezì dàı̨hcho ts'ǫ̀ goghàyeɂà ha nıwǫ k'ę̀ę̀ wesǫnıwǫ goghǫ̀t'ǫ hǫt'e.

Colosse 1:4

Zezì-Krı naxıgha ehkw'ı adı eyıts'ǫ Nǫ̀htsı̨ wets'ǫ dǫ hazǫǫ̀ sıì gıghǫnıahtǫ ghǫ ts'ıìkw'o t'à.

Colosse 1:6

naxıghǫ̀t'ǫ hǫt'e. Dıı nèk'e hazǫǫ̀ ts'ǫ̀ godı nezı̨ı̨ ajàa sìı wet'à t'asìı nezı̨ı̨ łǫ kèhǫǫ̀wo. Ts'ı nezı̨ı̨, wek'e jìecho nezı̨ı̨ dehsheè lagòjà. T'akwełǫ̀ǫ̀ godı nezı̨ı̨ ghǫ aàhkw'o ekò gots'ǫ Nǫ̀htsı̨ wesǫnıwǫ wenıahdì aahjà ı̨lè, eyıts'ǫ godı nezı̨ı̨ wet'à t'asìı łǫ ehkw'ıı naxıta kèhǫǫ̀wo hǫt'e. Eyı dzęę̀ gots'ǫ jìecho nezı̨ı̨ naxıta dehsheè lagòjà.

1 Tımothy 1:4

Ekìı godı hòèlı̨ı̨ t'à eyıts'ǫ gòet'ı̨ gıızì łǫ dek'eèhtł'è hanıı t'à dǫ hoghàgıahtǫ-le, gìı̨dı. Eyı hanıı ts'ıhɂǫ̀ dǫ ełets'ǫ̀ nàyagehtı t'à Nǫ̀htsı̨ wılaà k'ę̀ę̀ dǫ hoghàgeetǫ-le; gogha ehkw'ı-ahodıı zǫ t'à Nǫ̀htsı̨ wılaà ghàlats'eeda hǫt'e.

1 Tımothy 2:7

Eyı weghǫ gohde ha t'à wecheekeèdeè ehłı̨ ha sìhchì, eyıts'ǫ dǫ Israel got'ı̨į̀ agı̨ı̨t'e-le sìı nàowo ehkw'ıı k'ę̀ę̀ Nǫ̀htsı̨ gıgha ehkw'ı-ahodı ha hoghàgeehtǫ. Ehkw'ı naxıts'ǫ̀ haehsı̨, hohts'ì gohde nıìle.

2 Tımothy 1:11

Godı nezı̨ı̨ dǫ ts'ǫ̀ haehsı̨ ha, eyıts'ǫ wet'à dǫ hoghàehtǫ ha, eyı gha wecheekeèdeè ehłı̨ ha sį̀į̀hchì hǫt'e.