Ephesus 3:18 - Nǫ̀htsı̨ Nı̨htł'è

¹⁸ Nǫ̀htsı̨ wets'ǫ dǫ hazǫǫ̀ gıxè Zezì-Krı deɂǫ̀ǫ̀ enıìyah t'à goghǫneètǫǫ sìı deghàà wenıahdì anaxedle ha welì,

Ephesus 3:18 ပူးပေါင်းရင်းမြစ်များ

John 15:13

Dǫ edeàgı̨ą gha ełaàwıı sìı eyı wenahk'e ełeghǫnets'eètǫ gǫ̀hłı̨-le.

Rome 10:3

Dànì Nǫ̀htsı̨ ehkw'ı agohɂį̀ı̨ sìı gık'èezǫ-le, hanìkò edek'ę̀ę̀ ehkw'ıì agede ha gı̨ı̨wǫ. Eyı ts'ıhɂǫ̀ Nǫ̀htsı̨ wek'ę̀ę̀ ehkw'ı ats'edee nàowoò k'èagı̨ı̨t'e-le.

2 Corınth 13:13

Nǫ̀htsı̨ wets'ǫ dǫ hazǫǫ̀, “Naxıxè sìghà welè,” naxègedı.

Galatıa 2:20

Zezì-Krı wexè dechı̨et'aa k'e ełaıhwho hǫt'e, eyıt'à sı̨ xàè ehda nıìle, hanìkò Zezì-Krı ededı̨ sedzeè yìı eda hǫt'e. T'aı̨waà sezhį̀į̀ t'à ehda gots'ǫ̀ Nǫ̀htsı̨ Weza segha ehkw'ı-ahodı t'à ehda hǫt'e. Ededı̨ sìı seghǫneètǫ t'à segha ełaı̨wo hǫt'e.

Galatıa 3:13

Moses wenàowoò k'èts'edì ha dìì t'à gosınìyaetı ch'à Zezì-Krı edaxàgoı̨la hǫt'e. Zezì gotł'axǫǫ̀ Nǫ̀htsı̨ yesınìyaı̨htı hǫt'e, dıı hanì dek'eèhtł'è t'à, “Dǫ dechı̨ k'e ełaàwìgwoo sìı hoìla gha wesınìyaetı hǫt'e,” dek'eèhtł'è.

Ephesus 1:10

Ehkw'ı nèhòkw'o nı̨dè Nǫ̀htsı̨ eyı hazǫǫ̀ yeghàlaeda ha hǫt'e. Ekìıyeè k'e nı̨dè t'asìı hazǫǫ̀ yak'e whelaa eyıts'ǫ t'asìı hazǫǫ̀ dıı nèk'e whelaa sìı k'àowo ı̨łè wetł'aà whelaà ayele ha, eyı k'àowo sìı Zezì-Krı hǫt'e.

Ephesus 1:15

Eyıt'à gots'ǫ̀ K'àowo Zezì naxıgha ehkw'ı-ahodıı eyıts'ǫ wets'ǫ dǫ hazǫǫ̀ gıghǫnıahtǫ weghǫ eèhkw'ǫ gots'ǫ,

Ephesus 3:19

eyıts'ǫ dàı̨hcho ts'ǫ̀ goghǫneètǫǫ sìı dǫ wı̨ı̨zìı yek'èezǫ nıìle, eyı wenıahdì welì. Dànì Nǫ̀htsı̨ wexè hòɂǫǫ sìı deghàà naxıdzeè yìı wehòhɂǫ welè.

Colosse 1:4

Zezì-Krı naxıgha ehkw'ı adı eyıts'ǫ Nǫ̀htsı̨ wets'ǫ dǫ hazǫǫ̀ sıì gıghǫnıahtǫ ghǫ ts'ıìkw'o t'à.

1 Tımothy 3:16

Nǫ̀htsı̨ Zezì weghǫ ayìı k'èts'eezǫǫ̀ agǫ̀ǫ̀làa sìı sıì enıìyah dìì: Dǫ k'ę̀ę̀ wègoèht'į̀ı̨, Yedàyeh Nezı̨ı̨ ehkw'ı eghàlaı̨dà yeghǫ hadı, yak'eet'ı̨į̀ ts'ǫ̀ wègoèht'į̀ı̨, wegodıì dǫ hazǫǫ̀ xàɂaa ts'ǫ̀ nègı̨ı̨ɂǫǫ, hazǫǫ̀ nèk'e wegodıì dǫ gıgha ehkw'ı-ahodı, eyıts'ǫ enıìyah xè ı̨dòo yak'e ts'ǫ̀ nıwıìtı̨.

John Wenazhıı 3:21

“T'aa hołı̨ı̨ ghǫehnèe sìı sedaèhchı̨cho k'e segà whedaà awehłe ha. Sı̨ hołı̨ı̨ ghǫèhnǫ t'à Setà wedaèhchı̨cho k'e wegà whıhdaà asììdlà hǫt'e.