Ephesus 3:15 - Nǫ̀htsı̨ Nı̨htł'è

¹⁵ Ededı̨ wet'à yak'e wèot'ı̨ hazǫǫ̀ eyıts'ǫ dıı nèk'e wèot'ı̨ hazǫǫ̀ weza k'ę̀ę̀ goızì hòèlı̨ hǫt'e.

Ephesus 3:15 ပူးပေါင်းရင်းမြစ်များ

Zezì Wecheekeèdeè 11:26

Yegòį̀hɂǫ tł'axǫǫ̀ kǫ̀godeè Antıoch ts'ǫ̀ geède. Barnabas eyıts'ǫ Saul ı̨łè xo deghàà Nǫ̀htsı̨ wecheekeè xè ełegıadì, eyıts'ǫ dǫ łǫ hoghàgogeèhtǫ. Kǫ̀godeè Antıoch ekǫ t'akwełǫ̀ǫ̀ Nǫ̀htsı̨ wecheekeè “Chrıst k'èagı̨ı̨t'ee dǫǫ̀” gìyeh agejà.

Ephesus 1:10

Ehkw'ı nèhòkw'o nı̨dè Nǫ̀htsı̨ eyı hazǫǫ̀ yeghàlaeda ha hǫt'e. Ekìıyeè k'e nı̨dè t'asìı hazǫǫ̀ yak'e whelaa eyıts'ǫ t'asìı hazǫǫ̀ dıı nèk'e whelaa sìı k'àowo ı̨łè wetł'aà whelaà ayele ha, eyı k'àowo sìı Zezì-Krı hǫt'e.

Ephesus 1:21

Įdòo yat'a k'aodèe hazǫǫ̀ xàɂaa eyıts'ǫ k'aodèe gıızì gǫ̀hłı̨ı̨ sìı hazǫǫ̀ gınahk'e Zezì k'àowodeè elı̨į̀ ayį̀į̀là. Dıì gogha zǫ k'àowodeè yèhtsı̨ nıìle hanìkò ı̨daà hòɂǫ gha sı ayį̀į̀là hǫt'e.

Ephesus 3:14

Eyı hanì naxıxè sìghà hòɂǫ ha t'à Nǫ̀htsı̨-Gotà wets'ǫ̀ nàgòhge xè yahtı.

Ephesus 3:16

Ededı̨ sìı enıìyah nàtsoo wets'ǫ̀-èlı̨ t'à edets'ǫ Įnì Degaı t'à naxıdzeè yìı nàahtsoò anaxele ha, eyı gha yahtı.

Colosse 1:20

Edeza t'à t'asìı hazǫǫ̀ xè ts'èwhı̨į̀ hòɂǫ ha nıwǫ. Weza wedoò dechı̨et'aa k'e xàı̨tł'ı ts'ıhɂǫ̀, Nǫ̀htsı̨-Gotà t'asìı hazǫǫ̀ dıı nèk'e whelaa eyıts'ǫ yak'e whelaa sìı xè ts'èwhı̨į̀ hòɂǫǫ̀ ayį̀į̀là.

John Wenazhıı 2:17

“Amìı wedzıì gǫ̀hłı̨ı̨ sìı Yedàyeh Nezı̨ı̨ Nǫ̀htsı̨ wecheekeè dàgòhdıı sìı gıìkw'o welì. T'aa hołı̨ı̨ ghǫehnèe sìı ‘Manna’ deɂı̨į̀ wheɂǫǫ sìı weghàehdı ha. Eyıts'ǫ kwe degoo k'e wıızì gòò dek'eèhtł'èe sìı weghàehɂà ha. Amìı eyı weghǫ̀t'ǫǫ sìı ededı̨ zǫ yek'èezǫ ha.

John Wenazhıı 3:12

T'aa hołı̨ı̨ ghǫehnèe sìı Nǫ̀htsı̨kǫ̀-gocho goyìı kwe nàtsoo nàı̨ɂa elı̨į̀ awehłe xè t'aats'ǫǫ̀ ekǫ wehòhɂǫ ha. Nǫ̀htsı̨ wıızì eyıts'ǫ Nǫ̀htsı̨ wekǫ̀godeè wıızì wek'e dek'eèhtł'è ha. Eyı kǫ̀godeè wegòò sìı Jerusalem wìyeh; Nǫ̀htsı̨ yak'e gots'ǫ ı̨zhıì adeè ayele ha. T'aa wınì nàtsoo sìı sıızì wegòò wek'e dek'enèehtł'è ha.