Ephesus 2:8 - Nǫ̀htsı̨ Nı̨htł'è

⁸ Nǫ̀htsı̨ wesǫnıwǫ t'à edaxàwhahde hǫt'e, eyıts'ǫ naxıgha ehkw'ı-ahodı t'à Nǫ̀htsı̨ wesǫnıwǫ ààhchı hǫt'e. T'asìı haahłà t'à naxıghǫ̀t'ǫ nıìle, hanìkò Nǫ̀htsı̨ naxıghàyı̨ı̨ɂǫ hǫt'e.

Ephesus 2:8 ပူးပေါင်းရင်းမြစ်များ

Matthew 16:17

Zezì yets'ǫ̀ hadı, “Jonah weza Sımon nexè sìghà hǫt'e. Dǫ dahxà eyı wek'èı̨zǫ nıìle, hanìkò Setà yak'e whedaa sìı wedahxà wek'èı̨zǫ hǫt'e.

Matthew 20:9

“Dǫ sı̨làı nìı̨ɂǫ la k'e nègı̨ı̨dee sìı gıts'àɂeedì ha eyı nègı̨ı̨de ekò satsǫ̀ą degoo ı̨łè gıts'àɂeèdì.

Mark 16:16

Amìı wegha ehkw'ı-ahodı xè wek'ètaìdzǫǫ sìı edaxàweetè ha, hanìkò amìı wegha ehkw'ı-ahodı-le sìı wegha hoìla ha.

Luke 7:50

Zezì ts'èko ts'ǫ̀ hadı, “Negha ehkw'ı-ahodı t'à edaxàneètı̨. Naı̨tłe, nexè sìghà welè,” yèhdı.

John 3:36

Amìı Nǫ̀htsı̨ Weza ehkw'ı adı yı̨ı̨hwhǫǫ sìı welǫ whìle ts'ǫ̀ eda ha. Amìı Weza nıwǫ-le sìı welǫ whìle ts'ǫ̀ eda ha-le, Nǫ̀htsı̨ hoìla yeghàhòɂà ha sìı wedawheɂǫ hǫt'e,” John-Baptıst edecheekeè gòhdı.

John 4:10

Zezì hayèhdı, “Nǫ̀htsı̨ ayìı dǫ ghàɂàa sìı wek'èı̨zǫ nı̨dè, eyıts'ǫ amìı tı neekèe sìı wek'èı̨zǫ nı̨dè, tı wı̨ı̨kè ha ı̨lè. Hanì-ı̨dè tı wet'à ts'eedaa neghàedı ha ı̨lè,” yèhdı.

John 5:24

“Ehkw'ı anaxèehsı̨, amìı seyatıì ıìkw'o xè t'aa sı̨ı̨hɂàa sìı ehkw'ı adı yı̨ı̨hwhǫǫ sìı welǫ whìle ts'ǫ̀ eda ha, eyıts'ǫ hoìla awedle ha-le. Ełaı̨wo gots'ǫ eda ts'ǫ̀ łataèhtła hǫt'e.

John 6:35

Eyıt'à Zezì edeghǫ dıı hadıì xàyaı̨htı, “Sı̨ eyı łèt'è wet'à ts'eedaa aht'e. Amìı sets'ǫ̀ at'ı̨ı̨ sìı k'achı̨ deèhdì hǫı̨lı̨ ha-le, eyıts'ǫ amìı wegha ehkw'ı aehsı̨ı̨ sìı k'achı̨ tı ghaewı ha-le.

John 6:37

Setà dǫ hazǫǫ̀ seghàı̨laa sìı sets'ǫ̀ agede ha, amìı sets'ǫ̀ at'ı̨ı̨ sìı naweehɂà hǫı̨lı̨ ha-le.

John 6:40

Dǫ hazǫǫ̀ Weza ts'ǫ̀ nageɂa xè gıgha ehkw'ı ahodıı sìı welǫ whìle ts'ǫ̀ geeda ha, Setà hanì ha nıwǫ hǫt'e. Amìı ehkw'ı aehsı̨ sı̨ı̨hwhǫǫ sìı nǫǫde dzęę̀ k'e nı̨dè naìdà awehłe ha,” Zezì hadı edeghǫ gode.

John 6:44

Setà jǫ ts'ǫ̀ sı̨ı̨hɂàa sìı dǫ sets'ǫ̀ ayehɂı̨ lenǫsıı, dǫ wı̨ı̨zìı sets'ǫ̀ ade ha dìì. Hanìkò dǫ sets'ǫ̀ ajà nı̨dè nǫǫde dzęę̀ k'e naìdà awehłe ha.

John 6:65

Eyıt'à hagòhdı, “Eyı ts'ıhɂǫ̀ dıı hanaxèehsı̨ ı̨lè, ‘Setà dǫ sets'ǫ̀ ayı̨į̀là lenǫsıı dǫ wı̨ı̨zìı sets'ǫ̀ ade ha dìì,’ ” gòhdı.

Zezì Wecheekeèdeè 13:39

Dǫ hazǫǫ̀ Zezì ehkw'ı adı gı̨ı̨wǫǫ sìı Nǫ̀htsı̨ xè ehkw'ıì agedle ha hǫt'e. Moses wenàowoò k'èahdì t'à hanì ehkw'ıì anaxedle ha dìì.

Zezì Wecheekeèdeè 14:27

Kǫ̀godeè Antıoch nègı̨ı̨ɂe ekò Nǫ̀htsı̨ wecheekeè hazǫǫ̀ xè ełegıadì. Nǫ̀htsı̨ dànì goxè eghàlaı̨dà eyıts'ǫ dànì Nǫ̀htsı̨ dǫ eyıì-le xàɂaa gınì nàtsoò agǫ̀ǫ̀làa sìı hazǫǫ̀ gots'ǫ̀ hagedı.

Zezì Wecheekeèdeè 15:11

Į̀le, hagets'ele ha dìì! Gots'ǫ K'àowo Zezì goxı̨ gots'ǫ̀ sǫnıwǫ t'à edaxàgoı̨laa sìı gogha ehkw'ı hǫt'e. Dǫ eyıì-le xàɂaa ededı̨ sı hanì edaxàgoı̨la hǫt'e,” Peter gòhdı.

Zezì Wecheekeèdeè 16:14

Ts'èko ı̨łè eyı goèhkw'ǫǫ sìı Lydıa wìyeh. Eyı ts'èko kǫ̀godeè Thıyatıra gots'ǫ ɂehtł'ı̨-dek'oo weghǫ nàedìı dǫǫ̀ elı̨ eyıts'ǫ Nǫ̀htsı̨-ghàtsį̀edıı-dǫǫ̀ elı̨. Eyı ts'èko sìı Paul dàdıı yeèhkw'ǫ t'à gots'ǫ̀ K'àowo wegha ehkw'ı-ahodı ayį̀į̀là.

Zezì Wecheekeèdeè 16:31

Gıts'ǫ̀ hadı, “Zezì gots'ǫ̀ K'àowo ehkw'ı adı neewǫ nı̨dè edaxàneetè ha, eyıts'ǫ nèot'ı̨ nexè nàgedèe sı edaxàgeedè ha,” gıìhdı.

Rome 10:14

Hanìkò gıgha ehkw'ı-ahodı-le nı̨dè, dànì weghǫ gınì nàtso ha welì? Eyıts'ǫ gots'ǫ̀ K'àowo ghǫ egıìkw'o-le nı̨dè dànì gıgha ehkw'ı-ahodı welì? Eyıts'ǫ wegodıì t'à dǫ gots'ǫ̀ goı̨de-le nı̨dè dànì egeèhkw'ǫ welì?

Rome 10:17

Eyıt'à godı nezı̨ı̨ ts'eèhkw'ǫ nı̨dè wet'à gogha ehkw'ı-ahodı ats'et'į̀, eyıts'ǫ Zezì-Krı wegodıì nezı̨ı̨ ghǫ gogede t'à dǫ yatı egıìkw'o hǫt'e.

Rome 4:16

Eyıt'à Nǫ̀htsı̨ gogha ehkw'ı adı nı̨dè, Nǫ̀htsı̨ ayìı goghàɂà ha dıı sìı goghǫet'a ha hǫt'e. Nǫ̀htsı̨ gots'ǫ̀ wesǫnıwǫ ts'ıhɂǫ̀ goghàyeɂà hǫt'e, eyıts'ǫ dǫ hazǫǫ̀ Abraham wets'ıhɂǫ̀ǫ-dǫǫ̀ agı̨ı̨t'ee sìı hanì gıxè hòɂǫ ha hǫt'e. Hanìkò dǫ Moses wenàowoò gıghǫ̀t'ǫ zǫ gha nıìle, Abraham k'ę̀ę̀ Nǫ̀htsı̨ gıgha ehkw'ı-ahodıı sìı ededı̨ sı gıgha hǫt'e. Eyıt'à Abraham hazǫǫ̀ gogha gotà elı̨ hǫt'e.

Rome 4:5

Hanìkò Nǫ̀htsı̨ gogha ehkw'ı adı nı̨dè gogha hanì nıìle. Dǫ wejıı sìı Nǫ̀htsı̨ ehkw'ı ayehɂį̀ wegha ehkw'ı-ahodı nı̨dè, ehkw'ı edaa k'ę̀ę̀ wııtà ha. Nezı̨į̀ eghàlats'eeda k'èxa ehkw'ı ts'eedaa k'ę̀ę̀ goıtà edèts'edı ha dìì.

Rome 9:16

Dǫ wınì k'ę̀ę̀ hanì-le-ı̨dè yek'èxa eghàlaı̨dà t'à edaxàweetè nıìle, hanìkò Nǫ̀htsı̨ eteyeèɂı̨ t'à edaxàweetè hǫt'e.

Galatıa 3:14

Ededı̨ edaxàgoı̨la hǫt'e, hanì-ı̨dè Nǫ̀htsı̨ edeyatıì Abraham ghàı̨ɂǫǫ sìı Zezì-Krı wet'ǫ̀ǫ̀ dǫ Israel got'ı̨į̀ agı̨ı̨t'e-le sìı ts'ǫ̀ ade ha. Goxı̨ Zezì-Krı gogha ehkw'ı-ahodı t'à Nǫ̀htsı̨ weyatıì k'e Yedàyeh Nezı̨ı̨ goghàyeɂà ha.

Galatıa 3:22

Hanìkò Nǫ̀htsı̨ Nı̨htł'è k'e, dǫ hazǫǫ̀ hołı̨ı̨ nàowoò gıts'ǫ̀ k'ahowo, dek'eèhtł'è. Hanì ts'ıhɂǫ̀ Zezì-Krı gogha ehkw'ı-ahodı nı̨dè eyı Nǫ̀htsı̨ yatı whehtsı̨ı̨ sìı goghǫ̀t'à ha hǫt'e.

Ephesus 1:19

Eyıts'ǫ goxı̨ gogha ehkw'ı-ahodıı sìı t'asìı enıìyah t'à nàtsoò godzeè yìı ayį̀į̀làa sìı eyı wek'èahsǫ gha yahtı hǫt'e. Eyı t'asìı nàtsoo t'à Nǫ̀htsı̨ godzeè yìı nàtsoò eghàlaeda hǫt'e.

Ephesus 2:10

Nǫ̀htsı̨ ededı̨ gok'e eghàlaı̨dà hǫt'e, t'asìı nezı̨ı̨ weghàlats'eeda gha Zezì-Krı dahxà gòèhtsı̨ hǫt'e. Nǫ̀htsı̨ hanì wegha nezı̨į̀ eghàlats'eeda ha nadąą̀ gogha sınìhòı̨ɂǫ hǫt'e.

Ephesus 2:5

Zezì-Krı wexè nats'ìdà agǫ̀ǫ̀là. Hołı̨ı̨ hots'èhtsı̨ t'à dǫ ełaı̨dèe lats'ı̨ı̨t'e ı̨lè kò ts'eedaà agǫ̀ǫ̀là. Eyıt'à Nǫ̀htsı̨ gots'ǫ̀ sǫnıwǫ ts'ıhɂǫ̀ edaxàts'ı̨ı̨de hǫt'e.

Phılıppı 1:29

Zezì-Krı naxıgha ehkw'ı-ahodıı sìı naxıghǫ̀t'ǫ hǫt'e, eyı zǫǫ̀-le, wegha daahɂa ha, eyı sı naxıghǫ̀t'ǫ hǫt'e.

Colosse 2:12

Naxık'ètaìdzǫ t'à wexè naxıkw'ǫǫ̀ nìtǫ lanì ı̨lè. Nǫ̀htsı̨-Gotà enıìyah t'à nàtso xè Zezì naìdà ayį̀į̀là, eyı sìı naxıgha ehkw'ı-ahodı t'à, Zezì wexè naàhdà anaxììdlà hǫt'e.

2 Thessalonıca 1:9

Eyıt'à welǫ whìle ts'ǫ̀ dagı̨ı̨ɂa xè gıdıhołè ha, eyıts'ǫ gots'ǫ̀ K'àowo ts'ǫ̀ nıwà geèhkw'eè agedle ha. Nǫ̀htsı̨ enıìyah t'à nàtso xè t'asìı wegha dìì-le wehòhɂǫǫ sìı hogeɂį̀ hǫı̨lı̨ ha nıìle.

Hebrew 6:4

Dǫ Nǫ̀htsı̨ wegodıì k'ègeezǫǫ̀ agììdlà tł'axǫǫ̀ Nǫ̀htsı̨ t'asìı nezı̨ı̨ goghàı̨ɂǫǫ sìı gınıedì nı̨dè, eyıts'ǫ Yedàyeh Nezı̨ı̨ gık'e ajà tł'axǫǫ̀,

1 Peter 1:5

Naxıgha ehkw'ı-ahodı t'à Gonǫ̀htsı̨ nàtsoo sìı deghàà edaxànaxelee dzęę̀ ts'ǫ̀ naxık'èdì ha hǫt'e. Nǫǫde dzęę̀ k'e nı̨dè dànì weghǫ enıìyah sìı wek'èts'eezǫ ha hǫt'e.