Ephesus 2:18 - Nǫ̀htsı̨ Nı̨htł'è

¹⁸ Goxı̨ dǫ nàke xàɂaa ts'ı̨ı̨lı̨ı̨ sìı ededı̨ wet'à Yedàyeh Nezı̨ı̨ goghàı̨ɂǫ t'à, Nǫ̀htsı̨-Gotà ts'ǫ̀ ats'ede ha gogha dìì-le ayį̀į̀là hǫt'e.

Ephesus 2:18 ပူးပေါင်းရင်းမြစ်များ

Matthew 28:19

Eyıt'à hazǫǫ̀ nèk'e ts'ǫ̀ aahde, dǫ hazǫǫ̀ xàɂaa secheekeè aahtsı̨. Nǫ̀htsı̨-Gotà wıızì, Weza wıızì eyıts'ǫ Yedàyeh Nezı̨ı̨ wıızì t'à gık'ètaìdzǫǫ̀ agıahłe.

John 10:7

Eyıt'à Zezì k'achı̨ hadı, “Ehkw'ı anaxèehsı̨, sı̨ sìı sahzǫ̀ą gıgha enìı̨tǫ laaht'e.

John 10:9

Sı̨ enìı̨tǫ laaht'e. Amìı eyı enìı̨tǫ k'è goyaetłaa sìı edaxàweetè ha hǫt'e. Ededı̨ goyaetła xè xàetła ha, hanì-ı̨dè nezı̨į̀ shètı̨ xè wek'èhodì.

John 14:6

Zezì yets'ǫ̀ hadı, “Sı̨ sìı sek'e gǫǫ̀ɂà aht'e, nàowo ehkw'ıı aht'e, eyıts'ǫ wet'à ts'eedaa aht'e. Dǫ wı̨ı̨zìı Setà ts'ǫ̀-etła ha dìì, sı̨ zǫ sek'e gǫǫ̀ɂà hǫt'e.

Rome 5:2

Zezì-Krı wedahxà eyıts'ǫ goxı̨ gogha ehkw'ı-ahodı t'à Nǫ̀htsı̨ edesǫnıwǫǫ̀ goghàı̨ɂǫǫ sìı dıì wet'à ts'eeda. Nǫ̀htsı̨ wexè enıìyah t'à welǫ whìle ts'ǫ̀ ts'eeda ha goghàhòı̨ɂǫ t'à sıì goınà hǫt'e.

Rome 8:15

Įnì naxıts'ǫ̀ ajàa sìı naxınì dejı̨ ha anaxį̀į̀là nıìle, hanìkò Yedàyeh Nezı̨ı̨ naxık'e ajà t'à Nǫ̀htsı̨ weza aahłı̨ hǫt'e. Yedàyeh Nezı̨ı̨ wedahxà, “Abà, Setà,” ts'edı hǫt'e.

1 Corınth 12:13

Yedàyeh Nezı̨ı̨ ı̨łè zǫ t'à hazǫǫ̀ gok'ètaìdzǫ hǫt'e, eyıt'à Zezì-Krı wezhį̀į̀ ı̨łè zǫ ts'ı̨ı̨lı̨į̀ ats'ejà. Israel got'ı̨į̀ ts'ı̨ı̨lı̨, Greece got'ı̨į̀ ts'ı̨ı̨lı̨ kò eyı wet'àaɂà-le ajà, eyıts'ǫ edets'ǫ̀ k'àts'ewo, edets'ǫ̀ k'àts'ewo-le eyı hazǫǫ̀ wet'àaɂà-le ajà, goxı̨ hazǫǫ̀ Yedàyeh Nezı̨ı̨ godzeè yìı adlà, eyı wet'à ı̨łè zǫ lats'ı̨ı̨t'e.

1 Corınth 8:6

hanìkò goxı̨ gogha sìı Nǫ̀htsı̨ ı̨łè zǫ gǫ̀hłı̨, eyı sìı Nǫ̀htsı̨-Gotà hǫt'e. Ededı̨ t'asìı hazǫǫ̀ whehtsı̨ eyıts'ǫ ededı̨ wegha ts'eeda hǫt'e. Eyıts'ǫ gots'ǫ̀ K'àowo ı̨łè zǫ gǫ̀hłı̨, eyı sìı Zezì-Krı hǫt'e. Ededı̨ wet'ǫ̀ǫ̀ t'asìı hazǫǫ̀ hòèlı̨, eyıts'ǫ wet'à ts'eeda hǫt'e.

Galatıa 4:6

Weza ats'ı̨ı̨t'e t'à Nǫ̀htsı̨ Edeza wets'ǫ Įnì Degaı godzeè yìı ayį̀į̀là. Yedàyeh Nezı̨ı̨ ededı̨ sìı godzeè yìı “Abà, Setà,” hadı.

Ephesus 3:12

Zezì-Krı wet'ǫ̀ǫ̀ eyıts'ǫ gogha ehkw'ı-ahodı t'à edèdats'eedı-le Nǫ̀htsı̨ ts'ǫ̀ ats'ede ha dìì-le agòjà.

Ephesus 3:14

Eyı hanì naxıxè sìghà hòɂǫ ha t'à Nǫ̀htsı̨-Gotà wets'ǫ̀ nàgòhge xè yahtı.

Ephesus 4:4

Goxı̨ gogha ehkw'ı-ahodıı sìı gots'ǫ̀ K'àowo wezhį̀į̀ ı̨łè zǫ lats'ı̨ı̨t'e, eyıts'ǫ Yedàyeh Nezı̨ı̨ ı̨łè zǫ gǫ̀hłı̨. Naxıkayaetı ekò edaxàahdèe ı̨łè zǫ gha naxıkayaetı ı̨lè.

Ephesus 6:18

Eyıts'ǫ Yedàyeh Nezı̨ı̨ naxıts'àdı t'à t'asìı hazǫǫ̀ xàɂaa gha yaahtı eyıts'ǫ naxıts'àdı ha weahkè. Eyıt'à hotıì kexoahdı eyıts'ǫ t'aats'ǫǫ̀ Nǫ̀htsı̨ wets'ǫ dǫ hazǫǫ̀ gha yaahtı.

Colosse 1:12

Nǫ̀htsı̨-Gotà masì wèahdı ha. Nǫ̀htsı̨ Wenàowoò k'ę̀ę̀ hòɂǫǫ sìı t'aats'ǫǫ̀ dzęh nı̨ı̨dı̨ lanì hǫt'e. Ekǫ Nǫ̀htsı̨ wets'ǫ dǫ t'asìı gıda whelaa sìı gıxè naxıghǫ̀zhe ha hǫt'e.

Hebrew 7:19

(Moses wenàowoò sìı wet'à deghàà degaı ts'ìhłè ha nıìle) hanìkò eyı wenahk'e nàowo nàtso gots'ǫ̀ ajà hǫt'e. Eyı wet'à Nǫ̀htsı̨ ts'ǫ̀ gǫǫwà-lea ats'ede ha dìì-le agòjà.

James 3:9

Gowalıì t'à Nǫ̀htsı̨-Gotà weghàsǫts'eedı, hanìkò eyı gowalıì et'ıì t'à dǫ Nǫ̀htsı̨ k'ę̀ę̀ gıhòèlı̨ı̨ sìı gıts'ǫ̀ nàdahots'eeɂà.

1 Peter 1:17

Nǫ̀htsı̨-Gotà naxıgha ehkw'ı-ahodıı sìı dǫ hazǫǫ̀ ełèht'eè gosınìyaehtı ne t'à, dıı nèk'e dǫ gıta xàhtǫ laaht'e xè Nǫ̀htsı̨ t'asìı wegha dìì-le sìı wek'èaht'e ha hòtł'ò aahwhǫ.

1 Peter 1:21

Wets'ıhɂǫ̀ Nǫ̀htsı̨-Gotà naxıgha ehkw'ı-ahodı eyıts'ǫ edaxànaxeehtè gha naxınì nàtso. Nǫ̀htsı̨-Gotà ededı̨ sìı Zezì-Krı k'achı̨ naìdà ayį̀į̀là hǫt'e eyıts'ǫ wexè enıìyah hòɂǫǫ̀ ayį̀į̀là.

1 Peter 3:18

Įłàà zǫ Zezì-Krı hołı̨ı̨ hazǫǫ̀ k'èxa ełaı̨wo hǫt'e eyıts'ǫ k'achı̨ hanade ha nıìle. Ededı̨ ehkw'ı elı̨ı̨ sìı naxı̨ ehkw'ı aaht'e-le gha ełaı̨wo, eyıt'à Nǫ̀htsı̨ ts'ǫ̀ anaxį̀į̀là. Wezhį̀į̀ ełaàgıìhwho, hanìkò Yedàyeh Nezı̨ı̨ t'à naìdà awììdlà hǫt'e,

Jude 1:20

Hanìkò naxı̨ seàgı̨ą aaht'ee sìı degaı k'ę̀ę̀ naxıgha ehkw'ı-ahodı t'à naxınì nàtsoò aahłe, eyıts'ǫ Yedàyeh Nezı̨ı̨ wınì k'ę̀ę̀ yaahtı.