Ephesus 2:17 - Nǫ̀htsı̨ Nı̨htł'è

¹⁷ Naxı̨ Nǫ̀htsı̨ ts'ǫ̀ nıwà aaht'e ı̨lèe sìı Zezì naxıts'ǫ̀ nììtła t'à dànì ts'èwhı̨į̀ goxè hòɂǫ ghǫ naxıts'ǫ̀ goı̨de ı̨lè, eyıts'ǫ dǫ Nǫ̀htsı̨ ts'ǫ̀ nıwà-lea agı̨ı̨t'ee sìı ededı̨ sı hanì gots'ǫ̀ goı̨de ı̨lè.

Ephesus 2:17 ပူးပေါင်းရင်းမြစ်များ

Matthew 10:13

Eyı kǫ̀ gots'ǫ dǫ naxıyatıì gìhchì nı̨dè, naxıxè ts'èwhı̨į̀ hòɂǫǫ sìı gıts'ǫ̀ awede. Ekò hanì-le-ı̨dè, naxıxè ts'èwhı̨į̀ hòɂǫǫ sìı naxıts'ǫ̀ anade ha.

Luke 15:8

“Ts'èko ı̨łè satsǫ̀ą dètìı hoònǫ wets'ǫ sìı ı̨łè weghǫ dıkǫdeèwò nı̨dè ek'aèk'ǫ yìhtła gà hazǫǫ̀ gok'eetį̀ xè hotıì nezı̨į̀ yekanıwǫ ha-le nì?

Luke 2:14

“Nǫ̀htsı̨ ı̨dòo yak'e whedaa sìı weghàsǫts'eedı. Dıı nèk'e dǫ hazǫǫ̀ Nǫ̀htsı̨ goghǫ sǫnıwǫǫ sìı gıxè ts'èwhı̨į̀ hòɂǫ welè,” yak'eet'ı̨į̀ hagedıì gejı̨.

Zezì Wecheekeèdeè 10:36

Nǫ̀htsı̨ Israel got'ı̨į̀ yatı gots'ǫ̀ ayį̀į̀làa sìı wek'èahsǫ hǫt'e. Zezì dǫ hazǫǫ̀ ts'ǫ̀ k'àowo elı̨ı̨ sìı wets'ıhɂǫ̀ dǫ xè sìghà hòɂǫ hǫt'e. Nǫ̀htsı̨ hanì yatı gots'ǫ̀ ayį̀į̀là ı̨lè.

Zezì Wecheekeèdeè 2:39

Nǫ̀htsı̨ sìı naxıgha, naxıza gıgha, dǫ hazǫǫ̀ nıwà nàgedèe sìı gıgha, eyıts'ǫ t'aa Nǫ̀htsı̨ gokayahtı ha sìı hanì gogha yatı nìı̨ɂǫ hǫt'e,” gòhdı.

Rome 10:14

Hanìkò gıgha ehkw'ı-ahodı-le nı̨dè, dànì weghǫ gınì nàtso ha welì? Eyıts'ǫ gots'ǫ̀ K'àowo ghǫ egıìkw'o-le nı̨dè dànì gıgha ehkw'ı-ahodı welì? Eyıts'ǫ wegodıì t'à dǫ gots'ǫ̀ goı̨de-le nı̨dè dànì egeèhkw'ǫ welì?

Rome 5:1

Eyıt'à gogha ehkw'ı-ahodı ts'ıhɂǫ̀ ehkw'ı agòìdlà, eyıts'ǫ gots'ǫ̀ K'àowo Zezì-Krı wets'ıhɂǫ̀ Nǫ̀htsı̨ wexè ts'èwhı̨į̀ ts'eeda.

2 Corınth 5:20

Eyıt'à goxı̨ sìı Zezì-Krı wegha dǫ ts'ǫ̀ gots'edee ats'ı̨ı̨t'e. Goxı̨ got'à Nǫ̀htsı̨ naxıts'ǫ̀ gode lanì hǫt'e. Zezì-Krı wedahxà naxıghǫnàdats'eetì: Nǫ̀htsı̨ wexè ts'èwhı̨į̀ aahda, naxèts'edı.

Ephesus 4:21

Hotıì weghǫ aàhkw'ǫ xè weghǫ hoghànaxeètǫ ı̨lè, eyıts'ǫ Zezì-Krı wet'à nàowo ehkw'ıı k'èhoahsǫ aahjà hǫt'e.