Ephesus 2:15 - Nǫ̀htsı̨ Nı̨htł'è

¹⁵ Edezhį̀į̀ t'à Moses wenàowoò wedę ayį̀į̀là, wet'à naxısınìyaetı-le ayį̀į̀là. Ededı̨ edet'à dǫ nàke xàɂaa gı̨ı̨lı̨ı̨ sìı dǫ ı̨łè wegòò gı̨ı̨lı̨ ha nıwǫ t'à, hanì eghàlaı̨dà hǫt'e. Hanì t'aa ełexè goxè ts'èwhı̨į̀ hòɂǫǫ̀ ayį̀į̀là.

Ephesus 2:15 ပူးပေါင်းရင်းမြစ်များ

2 Corınth 5:17

Eyıt'à dǫ Zezì-Krı xè edaa sìı dǫgòò ìhłè hǫt'e. Wenàowoò zǫą sìı wedę adlà, wenàowogòò wetł'axǫǫ̀ ajà.

Galatıa 3:10

Dǫ hazǫǫ̀ Moses wenàowoò k'ègedì t'à ehkw'ıì agede ha gı̨ı̨wǫǫ sìı hoìla agedle ha hǫt'e. Dıı hanì dek'eèhtł'è, “Dǫ hazǫǫ̀ Moses wenı̨htł'è k'e t'asìı hazǫǫ̀ dek'eèhtł'èe sìı t'aats'ǫǫ̀ gık'èı̨t'e-le nı̨dè wek'èxa hoìla agedle ha hǫt'e,” dek'eèhtł'è.

Galatıa 3:28

Zezì-Krı wexè naxı̨ hazǫǫ̀ ı̨łè laaht'e hǫt'e t'à, Israel got'ı̨į̀ eyıts'ǫ Greece got'ı̨į̀ gıxè eładı̨į̀ hòɂǫ-le, dǫ edets'ǫ̀ k'àowo-le, eyıts'ǫ dǫ edets'ǫ̀ k'àowo gıxè eładı̨į̀ hòɂǫ-le, dǫzhìı eyıts'ǫ ts'èko gıxè eładı̨į̀ hòɂǫ-le.

Galatıa 6:15

Gokwǫ̀ nàt'àa, gokwǫ̀ nàt'à-le, eyı t'asìı gha ıtà nıìle, hanìkò eładı̨ı̨ dǫǫ̀ ts'ìhłèe sìı eyı deɂǫ̀ǫ̀ wet'àaɂà hǫt'e.

Ephesus 2:10

Nǫ̀htsı̨ ededı̨ gok'e eghàlaı̨dà hǫt'e, t'asìı nezı̨ı̨ weghàlats'eeda gha Zezì-Krı dahxà gòèhtsı̨ hǫt'e. Nǫ̀htsı̨ hanì wegha nezı̨į̀ eghàlats'eeda ha nadąą̀ gogha sınìhòı̨ɂǫ hǫt'e.

Ephesus 2:14

Ededı̨ sìı goxè ts'èwhı̨į̀ hòɂǫǫ̀ ayį̀į̀là hǫt'e. Israel got'ı̨į̀ eyıts'ǫ dǫ eyıì-le xàɂaa sìı dǫ ı̨łè zǫ lagǫ̀ǫ̀là. Dǫ nàke xàɂaa gıge kwı̨į̀ nechàa nàı̨ɂaa sìı yedıhòèhtsı̨. Eyıt'à dıì ełek'èch'a ts'eeda-le ats'ejà.

Ephesus 2:16

Wezhį̀į̀ dechı̨et'aa k'e wedıìtsò t'à eyı dǫ nàke xàɂaa sìı Nǫ̀htsı̨ xè ts'èwhı̨į̀ hogèhɂǫǫ̀ agǫ̀ǫ̀là. Hanì t'aa ełek'èch'a geeda-le agǫ̀ǫ̀là.

Ephesus 4:16

Ededı̨ wet'à wezhį̀į̀ hǫt'ıì eyıts'ǫ t'asìı hazǫǫ̀ wek'e whelaa sìı yàłııtǫ̀, eyıts'ǫ wet'à goxı̨ wezhį̀į̀ ats'ı̨ı̨t'ee sìı wegha goılaà ghàlats'eeda t'à eyıts'ǫ ełeghǫnets'eètǫ t'à wezhį̀į̀ nàtsoò ats'ehɂı̨ hǫt'e.

Colosse 2:14

Nàowo dek'eèhtł'èe sìı hazǫǫ̀ wedę ayį̀į̀là; eyı nàowo gok'èch'a hǫt'e eyıts'ǫ wet'à gok'e nìdahoet'à, hanìkò Nǫ̀htsı̨ goghǫ yį̀į̀hchì xè Zezì wexè dechı̨et'aa k'e yedı̨į̀htsò.

Colosse 2:20

Zezì-Krı wexè ełaahdè ne t'à dıı nèè gots'ǫ nàowo k'ę̀ę̀ aahda-le aahjà hǫt'e. Eyıt'à dànìghǫ ı̨łaà dıı nèè gots'ǫ nàowo k'èaht'e ha dahwhǫ? Įłaà wek'ę̀ę̀ aahda ha dahwhǫ nì?

Colosse 3:10

Goht'ǫ gòò yìı aahde laahjà, Nǫ̀htsı̨ gòèhtsı̨ı̨ sìı deghàà wek'èahsǫǫ̀ aahjà, eyıts'ǫ wexèht'eè aahdaà aahjà.

Colosse 3:11

Zezì-Krı wegha ts'eeda nı̨dè hazǫǫ̀ ełèts'ı̨ı̨ht'e hǫt'e. Israel got'ı̨į̀, Greece got'ı̨į̀ ełexègı̨ı̨ht'ee, nàgoet'àa, nàgoet'à-le, nàowo eładı̨ı̨ k'ę̀ę̀ geedaa dǫǫ̀, dǫ edets'ǫ̀ k'agedè-le, edets'ǫ̀ k'agedèe, hazǫǫ̀ ełexègı̨ı̨ht'e. Zezì-Krı ededı̨ zǫ gogha K'àowo elı̨, eyıts'ǫ goxı̨ hazǫǫ̀ godzeè yìı eda.

Colosse 3:15

Zezì-Krı wexè ts'èwhı̨į̀ hòɂǫǫ sìı wek'ę̀ę̀ aahda welì. Zezì-Krı wezhį̀į̀ aahłı̨ı̨ sìı ts'èwhı̨į̀ aahda ha naxììchì, eyı weghǫ Nǫ̀htsı̨ ts'ǫ̀ masì dahwhǫ.

Hebrew 7:16

Eyı dǫ Moses wenàowoò k'ę̀ę̀ wecho yahtıı gı̨ı̨lè t'à yahtıı wehòèlı̨ nıìle, hanìkò welǫ whìle ts'ǫ̀ nàtsoò wehòhɂǫǫ dahxà yahtıı whelı̨ hǫt'e.

Hebrew 8:13

Eyı nakenahòdlı̨ı̨ “wegòò” yèhdı t'à Nǫ̀htsı̨ t'akwełǫ̀ǫ̀ nàowo whıhtsı̨ı̨ sìı wet'à-ats'et'ı̨-le ayį̀į̀là. Ayìı wet'à-ats'et'ı̨-le xè wezǫǫ̀ ajàa sìı whaà-le-t'ıì wedę adle ha.

Hebrew 9:23

Yak'e k'ę̀ę̀ t'asìı hòèlı̨ı̨ sìı tıts'aàdìı wedoò t'à degaı adle ha hǫt'e, hanìkò xàè yak'e gots'ǫ ne sìı eyı wenahk'e t'asìı deè t'à degaı adle ha hǫt'e.