Ephesus 1:7 - Nǫ̀htsı̨ Nı̨htł'è

⁷ Nǫ̀htsı̨ enıìyah t'à wesǫnıwǫ dahxà Zezì wedoò t'à gohołı̨į̀ hazǫǫ̀ goghǫ nahoazha eyıts'ǫ edaxàgoı̨la hǫt'e.

Ephesus 1:7 ပူးပေါင်းရင်းမြစ်များ

Matthew 20:28

Dǫ-wet'àaɂàa-deè ededı̨ kò dǫ yegha eghàlageeda gha jǫ nììtła nıìle, hanìkò dǫ ts'àdı xè dǫ gha ełaàwı gha jǫ nììtła hǫt'e. Dǫ łǫ gıhołı̨į̀ gıghǫ nahoezhe gha ełaàwı ha hǫt'e,” Zezì edecheekeè gòhdı.

Matthew 26:28

Dıı sedoò sìı wet'à nakenahòdlı̨ hǫt'e. Dǫ łǫ gha sedoò xàı̨tł'ı, eyı wet'ǫ̀ǫ̀ gıhołı̨į̀ gıghǫ nahoezhe ha hǫt'e.

Matthew 6:12

Dǫ gok'èch'a nàhogehdèe sìı gıhołı̨į̀ gıghǫ nahots'eele, eyı xèht'eè gohołı̨į̀ goghǫ nahoı̨le.

Mark 14:24

Eyıts'ǫ gots'ǫ̀ hadı, “Dıı sedoò hǫt'e sìı wet'à nakenahòdlı̨ hǫt'e. Dǫ łǫ gha sedoò xàı̨tł'ı,” gòhdı.

Luke 1:77

Wets'ǫ dǫ dànì edaxàgeedè ha sìı hoghàgı̨ı̨htǫ ha; gıhołı̨į̀ gıghǫ nahoezhe t'à edaxàgeedè ha.

Luke 24:47

Chrıst wıızì dahxà dıı nèk'e dǫ hazǫǫ̀ xàɂaa ts'ǫ̀ goahde ha, dǫ edek'egı̨ı̨lı̨ nı̨dè gıhołı̨į̀ gıghǫ nahoezhe ha. Jerusalem ekǫ t'akwełǫ̀ǫ̀ dǫ ts'ǫ̀ goahde ha.

John 20:23

Dǫ gıhołı̨į̀ gıghǫ nahoahłe nı̨dè, gıhołı̨į̀ gıghǫ nahoezhe ha; dǫ gıhołı̨į̀ gıghǫ nahoahła-le nı̨dè gıhołı̨į̀ gıghǫ nahoezhe ha-le,” gòhdı.

Zezì Wecheekeèdeè 10:43

Nakwenàoɂǫǫ hazǫǫ̀ weghǫ dıı hagedı ı̨lè, ‘T'aa gıgha ehkw'ı-ahodıı sìı wıızì dahxà gıhołı̨į̀ gıghǫ nahoezhe ha,’ dek'eèhtł'è,” Peter gòhdı.

Zezì Wecheekeèdeè 2:38

Peter gots'ǫ̀ hadı, “Edek'eahłı̨, naxınì eładı̨į̀ aahłe. Naxıhołı̨į̀ naxıghǫ nahoezhe ha t'à, hazǫǫ̀ naxıtaàt'eè Zezì wıızì t'à naxık'ètaìdzı̨į̀ adeahłe. Hanì-ı̨dè Yedàyeh Nezı̨ı̨ naxık'e ade ha.

Zezì Wecheekeèdeè 20:28

Hotıì edexoahdı eyıts'ǫ Nǫ̀htsı̨ wecheekeè sı gıxoahdı, Yedàyeh Nezı̨ı̨ eyı la naxıghàı̨ɂǫ hǫt'e. Nǫ̀htsı̨ ededoò t'à edets'ǫ dǫ edaxàwhela ne t'à nezı̨į̀ gıxoahdı.

Zezì Wecheekeèdeè 3:19

Eyıt'à edek'eahłı̨ eyıts'ǫ Nǫ̀htsı̨ ts'ǫ̀ anaahde, hanì-ı̨dè naxıhołı̨į̀ naxıghǫ nahoezhe ha,

Rome 2:4

Nǫ̀htsı̨ naxıts'ǫ̀ wedzeè nezı̨ı̨, eyıts'ǫ naxıxè ts'èwhı̨į̀ nıwǫǫ sìı naxıgha wet'àaɂà-le nì? Nǫ̀htsı̨ hanì naxıts'ǫ̀ wedzeè nezı̨ı̨ sìı wek'èahsǫ-le nì? Edek'eahłı̨ ha naxı̨ı̨hwhǫ t'à naxıts'ǫ̀ wedzeè nezı̨ hǫt'e.

Rome 3:24

hanìkò Nǫ̀htsı̨ wesǫnıwǫ ts'ıhɂǫ̀ t'asìı k'èxa-le ehkw'ıì agǫ̀ǫ̀là. Zezì-Krı wet'ǫ̀ǫ̀ Nǫ̀htsı̨ edaxàgole.

Rome 3:25

Nǫ̀htsı̨ sìı Zezì gohołı̨į̀ k'èxa ełaàwı ha goghàyı̨ı̨htı̨ hǫt'e. Zezì gohołı̨į̀ k'èxa wedoò xàı̨tł'ı gogha ehkw'ı-ahodı nı̨dè gohołı̨į̀ goghǫ nahoezhe ha hǫt'e. Nǫ̀htsı̨ hanì eghàlaı̨dàa sìı weghàà dànì wexè ehkw'ı ats'ede ha sìı wek'èts'eezǫ gha ayį̀į̀là hǫt'e. Įnę̀ę sìı gots'ǫ̀ ts'èwhı̨į̀ nıwǫ ı̨lè t'à hołı̨ı̨ hots'ehtsı̨ k'èxa ekòet'ıì nàgoı̨hkwa-le ı̨lè.

Rome 9:23

Nǫ̀htsı̨ dǫ etegoèhɂı̨ı̨ sìı dànì wexè enıìyah hòɂǫǫ sìı dǫ gıdzeè t'à gık'èezǫ ha nıwǫ t'à, whaà gots'ǫ ts'èwhı̨į̀ godanaèhɂı̨ ı̨lè. Dǫ gıxè enıìyah hòɂǫ ha sìı nadąą̀ gòį̀hchì ı̨lè. Nǫ̀htsı̨ hanì eghàlaeda ha wets'ǫ̀ hoèlı̨ hǫt'e.

1 Corınth 1:30

Nǫ̀htsı̨ wets'ıhɂǫ̀ Zezì-Krı wexè aaht'e. Nǫ̀htsı̨ sìı Zezì-Krı t'à gots'ı̨ı̨zǫǫ̀ agǫ̀ǫ̀là, wet'ǫ̀ǫ̀ ehkw'ıì ats'ejà, wet'ǫ̀ǫ̀ degaı ts'ı̨ı̨lı̨, eyıts'ǫ wet'ǫ̀ǫ̀ welǫ whìle ts'ǫ̀ edaxàts'eedè hǫt'e.

2 Corınth 8:9

Gots'ǫ̀ K'àowo Zezì-Krı gots'ǫ̀ sǫnıwǫǫ sìı wek'èahsǫ hǫt'e. Ededı̨ sìı ahxe elı̨ ı̨lè hanìkò naxıgha eteèt'ı̨į̀ adììdlà hǫt'e. Eteèt'ı̨į̀ adììdlà t'à naxıxè ahxe hòɂǫ agode ha.

Ephesus 1:14

Nǫ̀htsı̨, edets'ǫ dǫ hazǫǫ̀ deghàà edaxàgole gots'ǫ̀ Yedàyeh Nezı̨ı̨ godzeè yìı nàdè ayį̀į̀là. Yedàyeh Nezı̨ı̨ godzeè yìı nàdè t'à t'asìı hazǫǫ̀ Nǫ̀htsı̨ goghàyele ha dıı sìı goghàhòt'à ha wek'èts'eezǫ. Eyı ts'ıhɂǫ̀ Nǫ̀htsı̨ enıìyah wexè hòɂǫǫ sìı weghàsǫts'eedı hǫt'e.

Ephesus 1:18

Naxıda enıìyah hòɂǫ ts'ǫ̀ naxıkayaetıı sìı naxıdzeè t'à hotıì nezı̨į̀ wek'èahsǫ ha, eyı sı gha yahtı hǫt'e. T'asìı enıìyah deè Nǫ̀htsı̨ edets'ǫ dǫ gha ts'atà whehłaa sìı goghàyele ha hǫt'e.

Ephesus 1:6

Edeza ghǫneètǫǫ sìı wets'ıhɂǫ̀ t'asìı k'èxa-le wesǫnıwǫ enıìyah goghàı̨ɂǫ t'à, hazǫǫ̀ weghàsǫts'eedı welì.

Ephesus 1:8

Nǫ̀htsı̨ sıì gǫı̨zǫ xè t'asìı hazǫǫ̀ k'èezǫ hǫt'e, eyıt'à wet'à gots'ı̨ı̨zǫǫ eyıts'ǫ wet'à t'asìı nıts'eedìı hazǫǫ̀ deɂǫ̀ǫ̀ goghàyı̨ı̨la hǫt'e.

Ephesus 2:4

Hanìkò Nǫ̀htsı̨ sıì goghǫneètǫ t'à, eyıts'ǫ sıì etegoèhɂı̨ t'à,

Ephesus 2:7

Hanì-ı̨dè ı̨daà hòɂǫ nı̨dè, Nǫ̀htsı̨ enıìyah t'à wesǫnıwǫǫ sìı gots'ǫ̀ wègaat'ı̨į̀ ayele ha. Zezì-Krı xè dànì eghàlaı̨dà, eyı weghàà gots'ǫ̀ wedzeè nezı̨ı̨ wek'èts'eezǫǫ̀ agǫ̀ǫ̀là.

Ephesus 3:16

Ededı̨ sìı enıìyah nàtsoo wets'ǫ̀-èlı̨ t'à edets'ǫ Įnì Degaı t'à naxıdzeè yìı nàahtsoò anaxele ha, eyı gha yahtı.

Ephesus 3:8

Nǫ̀htsı̨ wets'ǫ dǫ hazǫǫ̀ gıgha sı̨ denahk'e dek'aɂį̀ ehłı̨ kò eyı wesǫnıwǫ seghǫ̀t'ǫ dahxà dıı la seghàı̨ɂǫ hǫt'e: Dǫ Israel got'ı̨į̀ agı̨ı̨t'e-le sìı Zezì-Krı dànì sıì enıìyah t'à dǫ xè sìghà agole ha sìı t'à gıts'ǫ̀ gohde ha.

Phılıppı 4:19

Senǫ̀htsı̨ sìı nezı̨į̀ naxık'èdì ha hǫt'e. Zezì-Krı wets'ıhɂǫ̀ t'asìı hazǫǫ̀ wèdaat'ı̨ı̨ wets'ǫ sìı t'à naxıts'àdı ha hǫt'e.

Colosse 1:14

Nǫ̀htsı̨ Weza wet'à edaxàts'ı̨ı̨de, eyıts'ǫ gohołı̨į̀ hazǫǫ̀ goghǫ nahoı̨la.

Colosse 1:27

Eyı dǫ degaı gı̨ı̨lı̨ı̨ sìı dıı nèk'e dǫ hazǫǫ̀ Nǫ̀htsı̨ k'ègeezǫ-le gıta gots'ǫ Nǫ̀htsı̨ gòį̀hchì agı̨ı̨t'e. Weyatıì enıìyah xè deɂı̨į̀ wheɂǫǫ sìı gık'èezǫǫ̀ agǫ̀ǫ̀là. Eyı weyatıì sìı Zezì-Krı naxıdzeè yìı nàdè awèts'edı, eyı wet'à welǫ whìle ts'ǫ̀ enıìyah xè aahda ha.

Colosse 2:13

Naxıhołı̨į̀ ts'ıhɂǫ̀ dǫ ełaı̨dèe laaht'e eyıts'ǫ naxınìłı̨ı̨ k'ę̀ę̀ aahda ekò k'e Nǫ̀htsı̨-Gotà, Zezì-Krı wexè naàhdà anaxììdlà hǫt'e. Gohołı̨į̀ hazǫǫ̀ goghǫ nahoı̨la.

Colosse 2:2

Gıdzeè nàtso ha, eyıts'ǫ dǫ ı̨łè lanì ełeghǫnegeètǫ ha, gıgha daıhɂa. Hanì-ı̨dè deghàà t'asìı k'ègeezǫǫ̀ agede ha, eyıts'ǫ Nǫ̀htsı̨ t'asìı deɂı̨į̀ whehɂǫǫ sìı k'ègeezǫǫ̀ agede ha, Zezì-Krı k'ègeezǫǫ̀ agede ha t'à.

1 Tımothy 2:6

Dǫ hazǫǫ̀ gıhołı̨į̀ gıghǫ nahoezhe gha ełaı̨wo. Ehkw'ı nìhǫǫwo ekò Nǫ̀htsı̨ dǫ ts'ǫ̀ wek'èhoedzǫǫ̀ ayį̀į̀là.

Tıtus 2:14

Ededı̨ sìı gohołı̨į̀ k'èxa ełaı̨woò adììdlà, wet'à gonàowołı̨ı̨ hazǫǫ̀ ch'à edaxàgoazha hǫt'e. Edegha degaı gòèhtsı̨, xàè wegha ts'ı̨ı̨lı̨ ha agǫ̀ǫ̀là eyıts'ǫ ayìı nezı̨ı̨ sìı weghǫ hòtł'ò ats'ı̨ı̨wǫ ha agǫ̀ǫ̀là.

Tıtus 3:6

Zezì-Krı Edaxàgolee sìı wets'ıhɂǫ̀ Nǫ̀htsı̨ gots'ǫ̀ wedzeè nezı̨ xè enıìyah t'à Yedàyeh Nezı̨ı̨ gok'e ayį̀į̀là.

Hebrew 9:22

Moses wenàowoò k'ę̀ę̀ ha nı̨dè tıts'aàdìı wedoò t'à t'asìı hazǫǫ̀ degaı adle ha hǫt'e, eyıts'ǫ edoò xàı̨tł'ı lenǫsıı dǫ gıhołı̨į̀ gıghǫ nahoezhe ha dìì hǫt'e.

1 Peter 2:24

Ededı̨ sìı edezhį̀į̀ t'à dechı̨et'aa k'e ts'ǫ̀ gohołı̨į̀ edexè ayį̀į̀là hǫt'e. Hanì-ı̨dè hołı̨ı̨ ts'ǫ̀ ełaàts'ede ha, hanìkò ehkw'ı k'ehots'eɂa gha ts'eedaà ats'ede ha; eyıts'ǫ wekaà wek'e whela t'à k'aàt'ıì anaxììdlà hǫt'e.

1 Peter 3:18

Įłàà zǫ Zezì-Krı hołı̨ı̨ hazǫǫ̀ k'èxa ełaı̨wo hǫt'e eyıts'ǫ k'achı̨ hanade ha nıìle. Ededı̨ ehkw'ı elı̨ı̨ sìı naxı̨ ehkw'ı aaht'e-le gha ełaı̨wo, eyıt'à Nǫ̀htsı̨ ts'ǫ̀ anaxį̀į̀là. Wezhį̀į̀ ełaàgıìhwho, hanìkò Yedàyeh Nezı̨ı̨ t'à naìdà awììdlà hǫt'e,

1 John 2:12

Sèot'ı̨ı̨, Zezì wıızì dahxà naxıhołı̨į̀ naxıghǫ nahoazha t'à naxıts'ǫ̀ eehtł'è hǫt'e.

1 John 2:2

Ededı̨ sìı gohołı̨į̀ k'èxa ełaàwı gha Nǫ̀htsı̨ ghàdìtı̨ hǫt'e. Goxı̨ zǫ gogha ajà nıìle, dıı nèk'e dǫ hazǫǫ̀ gıhołı̨į̀ gha ełaı̨wo.

1 John 4:10

Dıı hanì ełeghǫnets'eètǫǫ wedeèdlı̨ı̨ hǫt'e: goxı̨ dǫ ts'ı̨ı̨lı̨ı̨ sìı dànì Nǫ̀htsı̨ ghǫnets'eètǫ awèts'edı-le, hanìkò ededı̨ sıì goghǫneètǫ t'à Weza gohołı̨į̀ k'èxa gogha ełaı̨wı ha gots'ǫ̀ ayį̀į̀là.

John Wenazhıı 14:4

Eyı dǫ haàtłǫǫ sìı ts'èko xè hołı̨ı̨ k'ę̀ę̀ eghàlagı̨ı̨dà whìle, degaı k'ę̀ę̀ edek'ègıadì t'à. Sahzǫ̀ą edı̨į̀ k'etłoo sìı gık'èè k'edè. Dǫ gıta gots'ǫ nàgeèdìı agı̨ı̨t'e, eyıts'ǫ jìecho t'akwełǫ̀ǫ̀ dıìdìı Nǫ̀htsı̨ eyıts'ǫ Sahzǫ̀ą ghàgogį̀ı̨laa lagı̨ı̨t'e.

John Wenazhıı 5:9

Shı̨ wegòò t'à dıı hagedıì gejı̨, “Eyı enı̨htł'èyeè nı̨į̀chı gà wets'ǫdaà xàı̨hdlà ha neghàhòt'ǫ. Ełaànìgwo ı̨lè eyıts'ǫ nedoò t'à Nǫ̀htsı̨ gha dǫ nàgıneèhdì. Dǫ hazǫǫ̀ xàɂaa, yatı hazǫǫ̀ xàɂaa eyıts'ǫ dıı nèè hazǫǫ̀ gots'ǫ agı̨ı̨t'e.