Ephesus 1:4 - Nǫ̀htsı̨ Nı̨htł'è

⁴ Dıı dèè hòèlı̨ kwe Zezì-Krı wets'ıhɂǫ̀ gòį̀hchì hǫt'e. Wegha degaı ts'ı̨ı̨lı̨ gha, eyıts'ǫ wenadąą̀ hołı̨ı̨ dę ts'eeda ha goı̨hwhǫ hǫt'e. Goghǫneètǫ t'à,

Ephesus 1:4 ပူးပေါင်းရင်းမြစ်များ

Matthew 24:22

Eyı hagode ha sìı weghǫnahǫ̀t'eè adlà-le nı̨dè dǫ wı̨ı̨zìı edaxàeda ha nıìle. Hanìkò amìı Nǫ̀htsı̨ gòį̀hchìı sìı gıgha dzę łǫ-lea adle ha.

Matthew 24:24

Dǫ mǫ̀hdaa hogets'ì t'à dıı hagedı ha, ‘Chrıst aht'e,’ hanì-le-ı̨dè ‘Nakwenàoɂǫǫ aht'e,’ hagedı xè enıìyah nechàa hogehtsı̨ ha. Dǫ ghǫdageehnè ha dìì-le nı̨dè Nǫ̀htsı̨ dǫ gòį̀hchìı sìı eyı kò goghǫdageehnè ha.

Matthew 24:31

Dechı̨shì hòtł'ò dedı ekìıyeè k'e nı̨dè, Dǫ-wet'àaɂàa-deè edeyak'eet'ı̨į̀ dıı nèk'e hazǫǫ̀ welǫ ts'ǫ̀ gohɂa ha, Nǫ̀htsı̨ dǫ gòį̀hchìı sìı nàgogehtsį̀ ha.

Matthew 25:34

“Eyı tł'axǫǫ̀-ı̨dè k'àowocho dǫ nàgòts'ehnèe nàgeèhzaa sìı gots'ǫ̀ dıı hadı ha, ‘Jǫ aahdè, Setà naxıxè sìghà anıwǫ hǫt'e. Dıı nèè hòèlı̨ gots'ǫ Nǫ̀htsı̨ Wenàowoò k'ę̀ę̀ hòɂǫǫ naxıda sınìhòt'ǫǫ sìı ts'ǫ̀ goyaahdè.

John 10:16

Sesahzǫ̀ą eyıì-le gǫ̀hłı̨, jǫ gık'èhodìı gots'ǫ agı̨ı̨t'e-le. Ededı̨ sı goyageehwha ha hǫt'e. Gıts'ǫ̀ gohde nı̨dè, segıìkw'o ha hǫt'e. Hanì-ı̨dè sesahzǫ̀ą hazǫǫ̀ ełexè geèhkw'e ha, eyıts'ǫ gok'èdìı-dǫǫ̀ ı̨łè zǫ gǫ̀hłı̨ ha.

John 15:16

Naxı̨ sèahchì nıìle, hanìkò sı̨ naxìhchì hǫt'e. Kw'ıhchı̨į̀ wek'e jìecho łǫ dehshe laaht'e ha naxìhchì hǫt'e. Eyı jìecho xàhoahwhıı sìı welǫ whìle ts'ǫ̀ whela ha hǫt'e. Sıızì dahxà t'alàa-sìı Setà weahkè nı̨dè Setà naxıghàyele ha hǫt'e.

John 17:24

“Setà, dǫ hazǫǫ̀ seghàneelaa sìı t'aats'ǫǫ̀ sexè agı̨ı̨t'e ha dehwhǫ, eyıts'ǫ sexè enıìyah hòɂǫ anelàa sìı geɂį̀ ha dehwhǫ. Dıı nèè hòèlı̨ kwe seghǫneètǫ t'à sexè enıìyah hòɂǫ anelà ı̨lè.

Zezì Wecheekeèdeè 13:48

Dǫ eyıì-le xàɂaa eyı nàgeèhzaa sìı hagedı egıìkw'o ekò sıì gınà ahodı eyıts'ǫ gots'ǫ̀ K'àowo weyatıì ghǫ nezı̨į̀ agedı. Dǫ hazǫǫ̀ welǫ whìle ts'ǫ̀ geeda ha Nǫ̀htsı̨ goghàhòı̨ɂǫǫ sìı hazǫǫ̀ gıgha ehkw'ı-ahodı.

Zezì Wecheekeèdeè 15:18

Eyı sìı whaà gots'ǫ dǫ gık'èezǫ hǫt'e.

Zezì Wecheekeèdeè 18:10

Nexè aht'ı̨ ne. Sets'ǫ dǫ łǫ jǫ kǫ̀godeè nàgedè ne t'à dǫ wı̨ı̨zìı t'asanele ha nıìle,” yèhdı.

Rome 8:33

Nǫ̀htsı̨ dǫ gòį̀hchìı sìı ehkw'ıì agǫ̀ǫ̀là ne t'à dǫ wı̨ı̨zìı gok'e nìdahoeɂà ha dìì.

1 Corınth 1:8

Nǫǫde dzęę̀ ts'ǫ̀ naxınì nàtsoò anaxį̀į̀hwhǫ ha, hanì-ı̨dè gots'ǫ̀ K'àowo nììtłaa dzęę̀ k'e nı̨dè t'asìı wı̨ı̨zìı naxık'e nìdahoet'à ha-le.

Galatıa 5:13

Sèot'ı̨ı̨, nàowo hanıı naxıts'ǫ̀ k'àowo ha-le gha Nǫ̀htsı̨ naxıkayaı̨htı hǫt'e. Hòt'a eyı nàowo tł'a dahkw'e-le aahjà t'à naxınìłı̨ı̨ k'ę̀ę̀ aahdaà adeahłe-le. Į̀le, ełeghǫnıahtǫ xè ełets'àahdı k'ę̀ę̀ aahda.

Galatıa 5:22

Ekò Yedàyeh Nezı̨ı̨ t'à ts'eeda nı̨dè, dıı hanì nezı̨į̀ k'ehots'eɂa ha: ełeghǫnets'eètǫǫ, goınàa, ts'èwhı̨ ts'ı̨ı̨wǫǫ, ełexè ts'èwhı̨į̀ hots'ehɂǫǫ, etełets'eèɂı̨ı̨, ełets'ǫ̀ dǫ nezı̨ı̨ ts'ı̨ı̨lı̨ı̨, ełets'ǫ̀ ehkw'ı ts'eedaa,

Galatıa 5:6

Zezì-Krı gogha ehkw'ı-ahodı nı̨dè nàgoet'àa, nàgoet'à-le, ehk'ę̀ę̀ gogha wet'àaɂà-le. Edaxàts'eedè ha, gogha ehkw'ı-ahodıı eyı zǫ gogha wet'àaɂà hǫt'e, eyıts'ǫ ełeghǫnets'eètǫ sìı dǫ yek'èezǫ ats'ehɂı̨ hǫt'e.

Ephesus 2:10

Nǫ̀htsı̨ ededı̨ gok'e eghàlaı̨dà hǫt'e, t'asìı nezı̨ı̨ weghàlats'eeda gha Zezì-Krı dahxà gòèhtsı̨ hǫt'e. Nǫ̀htsı̨ hanì wegha nezı̨į̀ eghàlats'eeda ha nadąą̀ gogha sınìhòı̨ɂǫ hǫt'e.

Ephesus 3:17

Hanì-ı̨dè naxıgha ehkw'ı-ahodı t'à Zezì-Krı naxıdzeè yìı nàdè welè. Eyıts'ǫ dıı sı gha yahtı: denahk'e ts'ǫ̀ ełeghǫnıahtǫ xè

Ephesus 4:2

Hotıì k'èeweèt'ı̨ k'ę̀ę̀ aahda, dǫ ts'ǫ̀ naxıdzeè nezı̨ welè, eyıts'ǫ ełeghǫnıahtǫ xè ełexè ts'èwhı̨į̀ aahda.

Ephesus 5:2

Zezì dànì goghǫneètǫ xè gogha ełaı̨wo k'ę̀ę̀, t'aats'ǫǫ̀ ełeghǫnıahtǫ k'ę̀ę̀ aahda. Zezì gogha ełaàwı gha Nǫ̀htsı̨ ghàdìtı̨ t'à yınì k'ę̀ę̀ eghàlaı̨dà.

Ephesus 5:27

Gìdaat'ı̨ xè edets'ǫ̀ agole ha nıwǫ. Tsǫ̀ wı̨ı̨zìı gık'e wheɂǫ-le xè t'asìı wı̨ı̨zìı t'à gıxoeɂa ha-le. Degaı gı̨ı̨lı̨ı̨ xè t'asìı wı̨ı̨zìı t'à dǫ gok'e nìdahoeɂà ha-le.

Phılıppı 2:15

Hanì eghàlaahda nı̨dè hołı̨ı̨ dę nezı̨į̀ aahda ha eyıts'ǫ degaı laaht'e ha. Dǫ ehkw'ı geeda-le xè hołı̨ı̨ k'ę̀ę̀ geedaa sìı gıta nàahdè kò hołı̨ı̨ dę Nǫ̀htsı̨ weza aahłı̨ ha. Gıta whǫ̀ wek'e saı̨dı̨ laaht'e ha,

Colosse 1:22

Hanìkò dıì sìı Nǫ̀htsı̨-Gotà Zezì-Krı wezhį̀į̀ naxıgha ełaı̨woò ayį̀į̀là t'à Nǫ̀htsı̨ xè ts'èwhı̨į̀ aahda anaxììdlà. Dıì hòt'a wenadąą̀ degaı aaht'e, eyı ts'ıhɂǫ̀ t'asìı wı̨ı̨zìı gha naxık'e nìdahoet'à ha nıìle.

Colosse 2:2

Gıdzeè nàtso ha, eyıts'ǫ dǫ ı̨łè lanì ełeghǫnegeètǫ ha, gıgha daıhɂa. Hanì-ı̨dè deghàà t'asìı k'ègeezǫǫ̀ agede ha, eyıts'ǫ Nǫ̀htsı̨ t'asìı deɂı̨į̀ whehɂǫǫ sìı k'ègeezǫǫ̀ agede ha, Zezì-Krı k'ègeezǫǫ̀ agede ha t'à.

Colosse 3:12

Eyıt'à Nǫ̀htsı̨ naxììchì, wets'ǫ dǫ degaı aahłı̨ xè naxıghǫneètǫ t'à, dǫ eteahɂı̨, dǫ ts'ǫ̀ naxıdzeè nezı̨ı̨ laaht'e, k'èeweèt'ı̨ k'ę̀ę̀ aahda, eyıts'ǫ dǫ xè ts'èwhı̨į̀ hòwhahɂǫ.

1 Thessalonıca 3:12

Goxı̨ dànì sıì naxıghǫnets'eètǫ k'ę̀ę̀ gots'ǫ̀ K'àowo deɂǫ̀ǫ̀ ełeghǫnıahtǫ eyıts'ǫ dǫ hazǫǫ̀ deɂǫ̀ǫ̀ gıghǫnıahtǫ anaxııle.

1 Thessalonıca 4:7

Nǫ̀htsı̨ sìı gonàowołı̨ı̨ k'ę̀ę̀ ts'eeda gha gokayaı̨htı nıìle, hanìkò nàowo degaı k'ę̀ę̀ ts'eeda gha gokayaı̨htı hǫt'e.

2 Tımothy 1:9

Nǫ̀htsı̨ ededı̨ edaxàgoı̨la hǫt'e, wets'ǫ dǫ degaı ts'ı̨ı̨lı̨ ha gokayaı̨htı hǫt'e. T'asìı wı̨ı̨zìı hots'èhtsı̨ t'à agǫ̀ǫ̀là nıìle, hanìkò hanıwǫ t'à eyıts'ǫ wesǫnıwǫ ts'ıhɂǫ̀ agǫ̀ǫ̀là hǫt'e. Dıı nèè hòɂǫ kwe Zezì-Krı wet'ǫ̀ǫ̀ Nǫ̀htsı̨ hòt'a edesǫnıwǫǫ̀ goghàyı̨ı̨ɂǫ ı̨lè.

2 Tımothy 2:10

Eyıt'à Nǫ̀htsı̨ dǫ gòį̀hchìı sìı gıgha daıhɂa kò dehwhǫ. Hanì-ı̨dè ededı̨ sı Zezì-Krı edaxàgole welì, eyıts'ǫ welǫ whìle ts'ǫ̀ enıìyah k'ę̀ę̀ geeda welì.

2 Tımothy 2:19

Hanìkò Nǫ̀htsı̨ wenàowoò sìı yìetł'aà nàtsoo whetǫ lanì hǫt'e. Wek'e dıı hanì dek'eèhtł'è: “Gots'ǫ̀ K'àowo amìı wets'ǫ agı̨ı̨t'ee sìı gok'èezǫ hǫt'e,” dek'eèhtł'è. Eyıts'ǫ dıı hanì dek'eèhtł'è: “Amìı gots'ǫ̀ K'àowo wegha ehkw'ı-ahodıı sìı hołı̨ı̨ nàowoò wedę ayele ha hǫt'e,” dek'eèhtł'è.

James 2:5

Sèot'ı̨ı̨, seàhkw'ǫ: dǫ-teèt'ı̨ı̨ gı̨ı̨lı̨ı̨ sìı gıgha ehkw'ı-ahodı ha Nǫ̀htsı̨ gòį̀hchì hǫt'e, eyıt'à gıxè sìghà hòɂǫ hǫt'e. Dıı nèk'e gogha dǫ-teèt'ı̨ı̨ gı̨ı̨lı̨ı̨ kò, Nǫ̀htsı̨ goghǫ dıı hadı, “Gıgha ehkw'ı aehsı̨ xè seghǫnegeètǫ t'à dǫ ahxee gı̨ı̨lı̨ ha eyıts'ǫ senàowoò k'ę̀ę̀ hòɂǫǫ gıghǫ̀t'à ha,” hadı.

1 Peter 1:2

Nǫ̀htsı̨-Gotà edınì dahxà naxį̀į̀hchì hǫt'e, hòt'a hayele ha yek'èezǫ t'à. Zezì wek'èaht'e anaxele gha, wedoò naxık'e adle gha, eyıts'ǫ degaı aahłı̨ gha, Nǫ̀htsı̨ Yedàyeh Nezı̨ı̨ naxıdzeè yìı eghàlaedaà ayį̀į̀là. Nǫ̀htsı̨ deɂǫ̀ǫ̀ naxıts'ǫ̀ sǫnıwǫ welè eyıts'ǫ naxıxè sìghà hòɂǫǫ̀ ayııle.

1 Peter 1:20

Dèè hòèlı̨ kwe wììchì hǫt'e, hanìkò dıì nǫǫde dzęę̀ gha wègoèht'į̀ adlà.

1 Peter 2:9

Hanìkò naxı̨ sìı naxììchì hǫt'e, Nǫ̀htsı̨ wedahxà yahtıı aaht'e, Nǫ̀htsı̨ wets'ǫ aaht'e eyıts'ǫ dǫ degaı aaht'e. Eyı ts'ıhɂǫ̀ Nǫ̀htsı̨ ghàsǫahdı; ededı̨ sìı togoòtł'òo yìı gots'ǫ dzęh nı̨ı̨dı̨ı̨ ts'ǫ̀ naxıkayaı̨htı hǫt'e.

2 Peter 3:14

Eyıt'à seàgı̨ą, naxınà xè wexaahłı t'à t'asìı wejıı wı̨ı̨zìı naxık'e wheɂǫ-le gha hòtł'ò eghàlaahda, naxık'e nìdahoet'à ha-le, eyıts'ǫ Nǫ̀htsı̨ xè ts'èwhı̨į̀ naxıxè hòɂǫǫ gha hotıì edeahdzà.

1 John 4:16

Eyıt'à Nǫ̀htsı̨ goghǫneètǫ hotıì wek'èts'eezǫ, eyıts'ǫ gogha ehkw'ı-ahodı. Nǫ̀htsı̨ sìı ełeghǫnets'eètǫǫ elı̨ hǫt'e. Amìı ełeghǫnets'eètǫǫ k'ę̀ę̀ edaa sìı Nǫ̀htsı̨ yedzeè yìı nàdè hǫt'e, eyıts'ǫ ededı̨ sı Nǫ̀htsı̨ xè nàdè hǫt'e.

John Wenazhıı 13:8

Dıı nèk'e dǫ hazǫǫ̀ tıts'aàdìı nechàa ts'ǫ̀ yagehtı ha. Sahzǫ̀ą ełaàwìgwo wenı̨htł'è k'e gıızì dek'eèhtł'è-le agı̨ı̨t'e. Dıı dèè hòèlı̨ gots'ǫ amìı welǫ whìle ts'ǫ̀ geeda ha sìı eyı enı̨htł'è yìı gıızì dek'eèhtł'è.

John Wenazhıı 17:8

Eyı tıts'aàdìı nechàa weneeɂı̨ı̨ sìı eda ı̨lè, hanìkò dıì ełaı̨wo hǫt'e. Nǫǫde-ı̨dè dǫ ełaı̨dèe k'è gòɂǫǫ gots'ǫ xàetła ha, eyı tł'axǫǫ̀ dèè wedıhołè ha. Dıı nèk'e dǫ łǫ eyı tıts'aàdìı nechàa ghàgeeda nı̨dè gıgha enıìyah dìì ha ne, eyı tıts'aàdìı nechàa sìı eda ı̨lè, dıì ełaı̨wo hǫt'e, hanìkò k'achı̨ naìdà ha hǫt'e. Welǫ whìle ts'ǫ̀ ts'eedaa enı̨htł'è k'e gıızì dek'eèhtł'è-le sìı agı̨ı̨t'e. Eyı enı̨htł'è sìı dèè hòèlı̨ gots'ǫ hǫt'e.