Ephesus 1:21 - Nǫ̀htsı̨ Nı̨htł'è

²¹ Įdòo yat'a k'aodèe hazǫǫ̀ xàɂaa eyıts'ǫ k'aodèe gıızì gǫ̀hłı̨ı̨ sìı hazǫǫ̀ gınahk'e Zezì k'àowodeè elı̨į̀ ayį̀į̀là. Dıì gogha zǫ k'àowodeè yèhtsı̨ nıìle hanìkò ı̨daà hòɂǫ gha sı ayį̀į̀là hǫt'e.

Ephesus 1:21 ပူးပေါင်းရင်းမြစ်များ

Matthew 12:32

Eyıts'ǫ Dǫ-wet'àaɂàa-deè k'èch'a gogede nı̨dè eyı gıghǫ nahoezhe ha, hanìkò dǫ Yedàyeh Nezı̨ı̨ k'èch'a gogede nı̨dè gıghǫ nahoezhe ha-le. Dıì gıghǫ nahoezhe ha-le eyıts'ǫ ı̨daà sı gıghǫ nahoezhe ha-le.

Zezì Wecheekeèdeè 4:12

Ededı̨ zǫ edaxàgole ha hǫt'e. Dıı nèk'e dǫ wı̨ı̨zìı wet'à edaxàts'eedè ha gǫ̀hłı̨ nıìle,” Peter gòhdı.

Ephesus 2:2

Hołı̨ı̨ nàowoò k'ę̀ę̀ aahda ı̨lè, eyıts'ǫ dıı nèk'e hołı̨ı̨-hogehtsı̨ı̨-dǫǫ̀ gık'ę̀ę̀ aahda ı̨lè, eyıts'ǫ ı̨nìłı̨ı̨ yat'a ts'ǫ̀ k'àowo elı̨ı̨ sìı wek'èaht'e ı̨lè. Eyı ı̨nìłı̨ı̨ sìı dǫ Nǫ̀htsı̨ k'èagı̨ı̨t'e-le sìı dıì gıgha k'àowo elı̨ hǫt'e.

Ephesus 3:10

Nǫ̀htsı̨ hanì eghàlaı̨dà hǫt'e. Dànì deɂǫ̀ǫ̀ gǫǫzǫǫ sìı yat'a ı̨nì k'aodèe hazǫǫ̀ gık'èezǫ ha nıwǫ t'à, edecheekeè got'à hanì eghàlaı̨dà hǫt'e.

Ephesus 6:12

Dǫ xè ełets'egǫ ats'et'ı̨ nıìle, hanìkò yat'a k'aodèe gı̨ı̨lı̨ı̨ eyıts'ǫ dıı nèk'e togoòtł'òo gha k'aodèe gı̨ı̨lı̨ı̨ sìı gıxè ełets'egǫ hǫt'e, eyıts'ǫ yat'a ı̨nìłı̨ı̨ nàgetsoo sìı gıxè ełets'egǫǫ̀ ats'et'ı̨ hǫt'e.

Colosse 2:10

eyıts'ǫ naxı̨ sı Zezì-Krı wet'à t'asìı hazǫǫ̀ naxıghǫ̀zha. Ededı̨ k'àowo hazǫǫ̀ gha K'àowodeè elı̨ hǫt'e.

Colosse 2:15

Hanì t'aa Nǫ̀htsı̨ ı̨nìłı̨ı̨ eyıts'ǫ gıts'ǫ k'aodèe hazǫǫ̀ goghǫèhnǫ, eyıts'ǫ wet'à nàgetsoo sìı hazǫǫ̀ goghǫ whìle ayį̀į̀là xè dǫ nadąą̀ edeghǫ į̀į̀zhagı̨ı̨lı̨į̀ agǫ̀ǫ̀là. Dechı̨et'aa t'à hazǫǫ̀ goghǫèhnǫ hǫt'e.

Hebrew 1:4

Eyıt'à Nǫ̀htsı̨ Weza sìı yak'eet'ı̨į̀ gonahk'e t'asìı deè whelı̨, eyıts'ǫ hazǫǫ̀ gıızì nahk'e Nǫ̀htsı̨ yıızì nechàa whehtsı̨.

Hebrew 2:5

Įdaà nı̨dè eyı dèè wegòò hòɂǫ ha sìı yak'eet'ı̨į̀ gıts'ǫ̀ k'ahodè ha-le Nǫ̀htsı̨ agǫ̀ǫ̀là.

Hebrew 4:14

Zezì Nǫ̀htsı̨ Weza gogha yahtıı-wet'àaɂàa-deè elı̨ı̨ sìı yak'e Nǫ̀htsı̨ nadąą̀ eghàlaı̨dàa sìı hòtł'ò gogha ehkw'ı-ahodıı ts'edı nı̨dè Zezì wexè ats'et'ı̨ hǫt'e.

1 Peter 3:22

Zezì-Krı yak'e ts'ǫ̀ ajà xè Nǫ̀htsı̨ gà nàgòts'ehnèe wheda, eyıts'ǫ yak'eet'ı̨į̀ hazǫǫ̀ eyıts'ǫ k'aodèe gı̨ı̨lı̨ı̨ hazǫǫ̀ gık'į̀ı̨t'eè agììdlà.