Ephesus 1:2 - Nǫ̀htsı̨ Nı̨htł'è

² Nǫ̀htsı̨-Gotà eyıts'ǫ gots'ǫ̀ K'àowo Zezì-Krı naxıts'ǫ̀ sǫnıwǫ welè eyıts'ǫ naxıxè sìghà agııle.

Ephesus 1:2 ပူးပေါင်းရင်းမြစ်များ

Rome 1:7

Naxı̨ kǫ̀godeè Rome nàahdèe sìı naxıts'ǫ̀ eehtł'è aht'ı̨. Nǫ̀htsı̨ naxıghǫneètǫ eyıts'ǫ wets'ǫ dǫ degaı aahłı̨ gha naxıkayaetı hǫt'e. Nǫ̀htsı̨-Gotà eyıts'ǫ Zezì-Krı naxıxè sǫgı̨ı̨wǫ welè, eyıts'ǫ naxıxè sìghà hòɂǫ agııle.

2 Corınth 1:2

Nǫ̀htsı̨-Gotà eyıts'ǫ Zezì-Krı gısǫnıwǫ naxıxè welè eyıts'ǫ naxıxè sìghà hòɂǫǫ̀ agııle.

Galatıa 1:3

Nǫ̀htsı̨-Gotà eyıts'ǫ gots'ǫ̀ K'àowo Zezì-Krı naxıts'ǫ̀ sǫnıwǫ welè, eyıts'ǫ naxıxè sìghà hòɂǫǫ̀ agııle.

Ephesus 1:3

Nǫ̀htsı̨, gots'ǫ̀ K'àowo Zezì-Krı Wetà, weghàsǫts'eedı welè, ededı̨ sìı goxè sìghà hòɂǫǫ̀ ayį̀į̀là hǫt'e. Įdòo yak'e gots'ǫ Zezì-Krı wedahxà t'asìı hazǫǫ̀ wet'à goxè sìghà hòɂǫ ha sìı hòt'a goghàyı̨ı̨la hǫt'e.

Tıtus 1:4

Tıtus, nets'ǫ̀ eehtł'è. Setł'aà Zezì-Krı gha eghàlaı̨da t'à, xàè seza lanet'e. Nǫ̀htsı̨-Gotà eyıts'ǫ Zezì-Krı Edaxàgolee elı̨ı̨ sìı nets'ǫ̀ sǫgı̨ı̨wǫ welè, eyıts'ǫ nexè sìghà hòɂǫǫ̀ agııle.