Ephesus 1:19 - Nǫ̀htsı̨ Nı̨htł'è

¹⁹ Eyıts'ǫ goxı̨ gogha ehkw'ı-ahodıı sìı t'asìı enıìyah t'à nàtsoò godzeè yìı ayį̀į̀làa sìı eyı wek'èahsǫ gha yahtı hǫt'e. Eyı t'asìı nàtsoo t'à Nǫ̀htsı̨ godzeè yìı nàtsoò eghàlaeda hǫt'e.

Ephesus 1:19 ပူးပေါင်းရင်းမြစ်များ

John 3:6

Dǫzhį̀į̀ t'à dǫzhį̀į̀ wegǫ̀hłı̨ hǫt'e, hanìkò Yedàyeh Nezı̨ı̨ t'à dǫ wets'ǫ ı̨nì wegǫ̀hłı̨ hǫt'e.

Rome 1:16

Eyı godı nezı̨ı̨ sìı weghǫ į̀į̀zhaehłı̨ nıìle, Nǫ̀htsı̨ wenàowoò nàtso hǫt'e. Wet'à dǫ hazǫǫ̀ gıgha ehkw'ı-ahodıı sìı edaxàgole ha hǫt'e. Eyı godı nezı̨ı̨ sìı Israel got'ı̨į̀ t'akwełǫ̀ǫ̀ gıts'ǫ̀ ajà, eyıts'ǫ dǫ eyıì-le xàɂaa ededı̨ sı gıts'ǫ̀ ajà hǫt'e.

2 Corınth 4:7

Gozhį̀į̀ kwetǫ lanìı sìı weyìı t'asìı enıìyah k'èts'edì hǫt'e. Eyı t'asìı enıìyah xè nàtsoo sìı Nǫ̀htsı̨ wets'ǫ hǫt'e wek'èhoedzǫ, goxı̨ gots'ǫ nıìle.

2 Corınth 5:17

Eyıt'à dǫ Zezì-Krı xè edaa sìı dǫgòò ìhłè hǫt'e. Wenàowoò zǫą sìı wedę adlà, wenàowogòò wetł'axǫǫ̀ ajà.

Ephesus 2:10

Nǫ̀htsı̨ ededı̨ gok'e eghàlaı̨dà hǫt'e, t'asìı nezı̨ı̨ weghàlats'eeda gha Zezì-Krı dahxà gòèhtsı̨ hǫt'e. Nǫ̀htsı̨ hanì wegha nezı̨į̀ eghàlats'eeda ha nadąą̀ gogha sınìhòı̨ɂǫ hǫt'e.

Ephesus 3:20

Nǫ̀htsı̨ godzeè yìı nàtsoò eghàlaeda k'ę̀ę̀, t'asìı wets'eekèe, hanì-le-ı̨dè gogha dànì eghàlaeda ghǫ nànıts'edè nahk'e nezı̨į̀ goghàlaeda ha wegha dìì nıìle. Wets'ǫ dǫ gıt'ǫ̀ǫ̀ eyıts'ǫ Zezì-Krı wets'ıhɂǫ̀, dǫ hazǫǫ̀ ełetł'axǫǫ̀-geedèe sìı welǫ whìle ts'ǫ̀ Nǫ̀htsı̨ ghàsǫgeedı welè! Amen.

Ephesus 3:7

Nǫ̀htsı̨ wesǫnıwǫ seghǫ̀t'ǫ t'à eyı godı nezı̨ı̨ gha eghàlaehdaà asį̀į̀là, hanì seghàhòı̨ɂǫ t'à sedzeè yìı nàtsoò eghàlaeda hǫt'e.

Ephesus 6:10

Nǫǫde t'à dıı hanaxèehsı̨: Gots'ǫ̀ K'àowo t'asìı nàtsoo wets'ǫ̀-èlı̨ı̨ sìı t'à nàahtsoò aahde.

Phılıppı 2:13

Nǫ̀htsı̨ ededı̨ naxıdzeè yìı eghàlaeda t'à. Ededı̨ sìı wenàowoò nezı̨ı̨ k'ę̀ę̀ dahwhǫǫ̀ anaxehɂı̨ eyıts'ǫ wek'ę̀ę̀ aahdaà anaxehɂı̨.

Phılıppı 3:21

Ededı̨ t'asìı wegha dìì-le t'à t'asìı hazǫǫ̀ yek'èı̨t'e agohɂı̨. Gozhį̀į̀ nàtso-lea sìı wezhį̀į̀ xèht'eè enıìyah t'à wèdaat'ı̨į̀ ayele ha.

Colosse 1:29

Eyı gha hòtł'ò eghàlaehda xè nàhǫhoehwho. Nǫ̀htsı̨ wet'ıì t'asìı hazǫǫ̀ gha nàhtso asehɂı̨, eyıt'à hanì eghàlaehda ha dìì-le.

Colosse 2:12

Naxık'ètaìdzǫ t'à wexè naxıkw'ǫǫ̀ nìtǫ lanì ı̨lè. Nǫ̀htsı̨-Gotà enıìyah t'à nàtso xè Zezì naìdà ayį̀į̀là, eyı sìı naxıgha ehkw'ı-ahodı t'à, Zezì wexè naàhdà anaxììdlà hǫt'e.

1 Thessalonıca 1:5

Godı nezı̨ı̨ naxıts'ǫ̀ nèts'ı̨ı̨ɂǫ ekò, yatı zǫ naxıghàts'ı̨ı̨ɂǫ nıìle. Hanìkò Yedàyeh Nezı̨ı̨ ts'ıhɂǫ̀ naxıta enıìyah nàhòwo t'à, eyı godı nezı̨ı̨ hotıì ehkw'ı hǫt'e wek'èahsǫ anaxį̀į̀là. Naxıts'àts'edı ha t'à dànì naxıta nàts'ı̨ı̨dèe sìı wek'èahsǫ hǫt'e.

2 Thessalonıca 1:11

Eyı weghǫ nànıts'edè xè t'aats'ǫǫ̀ naxıgha Nǫ̀htsı̨ ts'ǫ̀ yats'ehtı hǫt'e. Nǫ̀htsı̨ edets'ǫ̀ naxıkayaı̨htı gha dǫ nezı̨ı̨ aahłı̨ k'ę̀ę̀ naxııtà welì, eyıts'ǫ t'asìı wegha dìì-le t'à t'asìı wegha weghàlaahda ha dahwhǫǫ sìı hazǫǫ̀ naxıgha deghàà ayııle, eyıts'ǫ naxıgha ehkw'ı-ahodı k'ę̀ę̀ nezı̨į̀ eghàlaahdaa sìı hazǫǫ̀ naxıgha deghàà ayııle.

James 1:18

Weyatıì ehkw'ıı t'à k'achı̨ gogǫ̀hłı̨ gha gòį̀hchì hǫt'e. Hanì-ı̨dè dıı nèk'e t'asìı hazǫǫ̀ whehtsı̨ı̨ gots'ǫ sìı goxı̨ xàè wets'ǫ ts'ı̨ı̨lı̨ ha agǫ̀ǫ̀là.

1 Peter 4:11

Dǫ gode nı̨dè, xàè Nǫ̀htsı̨ weyatıì t'à gode ha hǫt'e. Amìı dǫ ts'àdıı sìı Nǫ̀htsı̨ ayìı t'à nàtsoò ayı̨į̀làa sìı t'à-at'ı̨ ha hǫt'e. Hanì-ı̨dè Zezì-Krı wets'ıhɂǫ̀ Nǫ̀htsı̨ weghàsǫhoedı ha. Enıìyah t'à welǫ whìle ts'ǫ̀ K'àowocho elı̨ welè. Amen.