Ephesus 1:17 - Nǫ̀htsı̨ Nı̨htł'è

¹⁷ Nǫ̀htsı̨, gots'ǫ̀ K'àowo Zezì-Krı Wetà wexè enıìyah hòɂǫǫ sìı t'aats'ǫǫ̀ naxıgha wets'ǫ̀ yahtı hǫt'e. Yedàyeh Nezı̨ı̨ wet'à goahsǫǫ̀ aahde ha, eyıts'ǫ Nǫ̀htsı̨ denahk'e wek'èahsǫ anaxele ha naxıgha weehkè hǫt'e.

Ephesus 1:17 ပူးပေါင်းရင်းမြစ်များ

Matthew 11:25

Ekìıyeè k'e Zezì hadı, “Setà, neghàsǫehdı, yak'e eyıts'ǫ dıı nèk'e ts'ǫ̀ K'àowo anet'e. Dǫ gogı̨ı̨zǫǫ xè hoghàgeètǫǫ sìı eyı hazǫǫ̀ gıch'à deɂı̨į̀ wheɂǫ anelà, hanìkò chekoa nechà-lea sìı gık'èezǫǫ̀ anelà.

Matthew 11:27

“Setà t'asìı hazǫǫ̀ setł'aà whelaà ayı̨į̀là. Dǫ wı̨ı̨zìı Nǫ̀htsı̨ Weza k'èezǫ nıìle; Nǫ̀htsı̨-Gotà zǫ yek'èezǫ. Dǫ wı̨ı̨zìı Nǫ̀htsı̨-Gotà k'èezǫ nıìle; Weza zǫ yek'èezǫ hǫt'e. Eyıts'ǫ Weza amìı gòìhchıı sìı Nǫ̀htsı̨-Gotà k'ègeezǫǫ̀ agohɂı̨.

Matthew 16:17

Zezì yets'ǫ̀ hadı, “Jonah weza Sımon nexè sìghà hǫt'e. Dǫ dahxà eyı wek'èı̨zǫ nıìle, hanìkò Setà yak'e whedaa sìı wedahxà wek'èı̨zǫ hǫt'e.

Matthew 20:33

Gıts'ǫ̀ hadı, “K'àowo, gogha xègaat'ı̨ ha ts'ı̨ı̨wǫ,” gıìhdı.

Matthew 6:13

Hołı̨ı̨ ts'ı̨ı̨wǫ ch'à gok'ènedì; wehłı̨ı̨ gots'ǫǫ̀ nıwà anele.’

Luke 12:12

Ekìıyeè k'e nı̨dè ayìı dàahdı ha sìı Yedàyeh Nezı̨ı̨ hoghànaxeehtǫ ha,” Zezì gòhdı.

Luke 2:14

“Nǫ̀htsı̨ ı̨dòo yak'e whedaa sìı weghàsǫts'eedı. Dıı nèk'e dǫ hazǫǫ̀ Nǫ̀htsı̨ goghǫ sǫnıwǫǫ sìı gıxè ts'èwhı̨į̀ hòɂǫ welè,” yak'eet'ı̨į̀ hagedıì gejı̨.

Luke 21:15

Yatı wet'à goahde ha sìı eyıts'ǫ wet'à gots'ı̨ı̨zǫǫ sìı naxıts'ǫ̀-èlı̨ ahłe ha. Eyıt'à dǫ naxık'èch'a gı̨ı̨lı̨ı̨ sìı naxık'èch'a xàyagehtı-le agede ha.

John 14:17

Eyı sìı Yedàyeh Nezı̨ı̨ hǫt'e, ehkw'ı naxıts'ǫ̀ gode ha. Dıı nèk'e gots'ǫ dǫ hazǫǫ̀ Yedàyeh Nezı̨ı̨ gìhchı ha dìì, gıghàeda-le eyıts'ǫ gık'èezǫ-le t'à. Hanìkò naxıxè eda eyıts'ǫ naxıdzeè yìı nàdè t'à, naxı̨ wek'èahsǫ hǫt'e.

John 14:26

Hanìkò Yedàyeh Nezı̨ı̨, naxıts'àdıı elı̨ı̨ sìı Setà sıızì dahxà naxıts'ǫ̀ ayele ha. Ededı̨ sìı t'asìı hazǫǫ̀ hoghànaxeehtǫ ha, eyıts'ǫ t'asìı hazǫǫ̀ naxıts'ǫ̀ haehsı̨ı̨ sìı wenaahdì anaxele ha.

John 16:3

Setà eyıts'ǫ sı̨ gok'ègeezǫ-le t'à hanì naxıts'ǫ̀ eghàlageeda ha hǫt'e.

John 17:3

Welǫ whìle ts'ǫ̀ ts'eedaa ts'edıı sìı dıı awèts'edı: Nı̨ nek'ègeezǫ ha, nı̨ zǫ Nǫ̀htsı̨ ehkw'ıı anet'e gık'èezǫ ha, eyıts'ǫ Zezì-Krı, jǫ ts'ǫ̀ weneehɂàa sìı, gık'èezǫ ha.

John 20:17

Zezì yets'ǫ̀ hadı, “Dası̨ı̨chì-le, ı̨łaà Setà ts'ǫ̀ anahjà nıìle t'à. Hanìkò sèot'ı̨ gıts'àątła, dıı hagìı̨dı, ‘Setà eyıts'ǫ naxı̨ sı naxıtà ts'ǫ̀ anahde ha, Senǫ̀htsı̨ eyıts'ǫ Naxınǫ̀htsı̨ ts'ǫ̀ anahde ha,’ ” hadıì edecheekeè godayatınìı̨ɂǫ.

Zezì Wecheekeèdeè 7:2

Stephen hadı, “Sèot'ı̨ı̨ eyıts'ǫ goɂǫhdaà yàahłı̨ı̨ sìı seàhkw'ǫ! Gocho Abraham Mesopotamıa nèk'e nàı̨dè ekò, ı̨łaà kǫ̀ta Haran nàdè-le ekò, Nǫ̀htsı̨ enıìyah wehòhɂǫǫ sìı yets'ǫ̀ goı̨de ı̨lè.

Rome 1:28

Eyıts'ǫ Nǫ̀htsı̨ wek'èts'eezǫǫ xè wek'èats'ı̨ı̨t'ee sìı gıgha wet'àaɂà-le t'à, Nǫ̀htsı̨ sìı gınàowołı̨ı̨ k'ę̀ę̀ geeda ts'ǫ̀ geèlı̨į̀ agǫ̀ǫ̀là, eyıts'ǫ t'asìı dǫ gha wets'àet'ǫǫ sìı gıghàlaeda t'à goghàèhdı.

Rome 15:6

Hanì-ı̨dè naxıdzeè ı̨łè t'à, eyıts'ǫ naxıwà ı̨łè t'à Nǫ̀htsı̨, Zezì-Krı Wetà, weghàsǫahdı ha welì.

1 Corınth 12:8

Dǫ ı̨łè Yedàyeh Nezı̨ı̨ wedahxà yatı gǫǫzǫ t'à gode, eyıts'ǫ dǫ ı̨łè Yedàyeh Nezı̨ı̨ dahxà t'asìı k'èezǫ wegodıì t'à gode,

1 Corınth 14:6

Sèot'ı̨ı̨, yatı ełek'èch'aòt'ı̨ı̨ t'à naxıts'ǫ̀ gohde nı̨dè dànì naxınì nàtsoò ahłà lì? Dàehsı̨ı̨ sìı wek'èahsǫǫ̀ anaxèhłà lenǫsıı, Yedàyeh Nezı̨ı̨ dahxà dàgode ha sìı ghǫ, ayìı wek'èahsǫ ha ghǫ, eyıts'ǫ ayìı dàahłe ha ghǫ xàyahtı lenǫsıı, naxıgha wet'àaɂà ha nıìle.

1 Corınth 2:10

Hanìkò dıì sìı Nǫ̀htsı̨-Gotà edets'ǫ Įnì Degaı wedahxà dıı godı wek'èts'eezǫǫ̀ agǫ̀ǫ̀là. Yedàyeh Nezı̨ı̨ t'asìı hazǫǫ̀ yenıedì, eyıts'ǫ Nǫ̀htsı̨ ts'ǫǫ̀hk'e t'asìı deɂı̨į̀ whelaa sìı eyı kò yenıedì hǫt'e.

1 Corınth 2:8

Dıı nèk'e k'aodèe gı̨ı̨lı̨ı̨ sìı gınıedì-le ı̨lè. Gınıedì nı̨dè gots'ǫ̀ K'àowo enıìyah wehòhɂǫǫ sìı dechı̨et'aa k'e ełaàgıìhwhı ha-le ı̨lè.

2 Corınth 12:1

Wet'àaɂà nıìle wek'èehsǫ kò edeghǫ xàdahohdì ha t'ıį̀t'e. Gots'ǫ̀ K'àowo wedahxà senazhıı xègoèht'į̀ eyıts'ǫ ayìı k'èehsǫǫ̀ asį̀į̀làa sìı, weghǫ gohde ha.

Ephesus 1:3

Nǫ̀htsı̨, gots'ǫ̀ K'àowo Zezì-Krı Wetà, weghàsǫts'eedı welè, ededı̨ sìı goxè sìghà hòɂǫǫ̀ ayį̀į̀là hǫt'e. Įdòo yak'e gots'ǫ Zezì-Krı wedahxà t'asìı hazǫǫ̀ wet'à goxè sìghà hòɂǫ ha sìı hòt'a goghàyı̨ı̨la hǫt'e.

Ephesus 3:5

Eyı sìı dǫ gokwe gı̨ı̨dàa sìı gık'èezǫǫ̀ agììdlà-le ı̨lè, hanìkò dıì Nǫ̀htsı̨ wecheekeèdeè degaı eyıts'ǫ nakwenàoɂǫǫ degaı gı̨ı̨lı̨ı̨ sìı Yedàyeh Nezı̨ı̨ t'à gık'èezǫǫ̀ agejà.

Phılıppı 3:15

Goxı̨ hazǫǫ̀ Nǫ̀htsı̨ k'èts'eezǫǫ sìı hanì ts'eeda ha hǫt'e. Hanìkò t'asìı ghǫ sek'ę̀ę̀ nànıahdè-le nı̨dè, eyı kò Nǫ̀htsı̨ naxıgha deghàà wègaat'ı̨į̀ ayele ha hǫt'e.

2 Tımothy 2:25

Dǫ gık'èch'a agedıı sìı edek'egı̨ı̨lı̨ gha Nǫ̀htsı̨ goghàhòɂà ha t'à ts'èwhı̨į̀ hoghàgoehtǫ ha hǫt'e. Hanì-ı̨dè nàowo ehkw'ıı sìı gık'èezǫǫ̀ agede ha,

Tıtus 1:1

Sı̨ Paul Nǫ̀htsı̨-Gotà wegha eghàlaehda eyıts'ǫ Zezì-Krı wecheekeèdeè aht'e. Nǫ̀htsı̨-Gotà dǫ gòį̀hchìı sìı gıgha ehkw'ı-ahodı agehłe gha eyıts'ǫ nàowo ehkw'ıı wet'à Nǫ̀htsı̨ wek'ę̀ę̀ ts'eeda ha sìı gık'èhoezǫǫ̀ agehłe gha Zezì-Krı dǫ ts'ǫ̀ sı̨ı̨hɂà hǫt'e.

James 2:1

Sèot'ı̨ı̨, gots'ǫ̀ K'àowo Zezì-Krı wexè enıìyah hòɂǫǫ sìı naxıgha ehkw'ı-ahodı t'à, dǫ mǫ̀hdaa zǫ nezı̨į̀ gıts'ǫ̀ naahɂa-le, dǫ hazǫǫ̀ naxıgha ełègı̨ı̨ht'e ha hǫt'e.

2 Peter 1:3

Nǫ̀htsı̨ nàtso wehòhɂǫ t'à, wet'à ts'eeda gha eyıts'ǫ wınì k'ę̀ę̀ ts'eeda gha t'asìı hazǫǫ̀ goghàı̨la hǫt'e. Nǫ̀htsı̨ gots'ǫ̀ wedzeè nezı̨ı̨ xè enıìyah wehòhɂǫ t'à gokayaı̨htıı sìı wek'èts'eezǫǫ̀ ats'ejà.

2 Peter 3:18

Gots'ǫ̀ K'àowo Zezì-Krı Edaxàgolee elı̨ı̨ sìı denahk'e nezı̨į̀ wek'èahsǫ xè denahk'e wesǫnıwǫ xè aahda. Dıì gots'ǫ welǫ whìle ts'ǫ̀ ededı̨ weghàsǫts'eedı ha hǫt'e! Amen.

John Wenazhıı 7:12

hagedı, “Amen! Nǫ̀htsı̨ weghàsǫts'eedı xè welǫ whìle ts'ǫ̀ masì wets'ı̨ı̨hwhǫ. Nǫ̀htsı̨ t'aats'ǫǫ̀ enıìyah t'à gǫǫzǫ xè nàtso wehòhɂǫ welè. Amen!” hagedı.