Ephesus 1:11 - Nǫ̀htsı̨ Nı̨htł'è

¹¹ Ededı̨ wets'ıhɂǫ̀ whaà gots'ǫ Nǫ̀htsı̨ dànì sınìhòɂǫǫ sìı k'ę̀ę̀ gòį̀hchì hǫt'e. Ededı̨ sìı edınì k'ę̀ę̀ t'asìı hazǫǫ̀ ghàlaı̨da hǫt'e.

Ephesus 1:11 ပူးပေါင်းရင်းမြစ်များ

Zezì Wecheekeèdeè 13:48

Dǫ eyıì-le xàɂaa eyı nàgeèhzaa sìı hagedı egıìkw'o ekò sıì gınà ahodı eyıts'ǫ gots'ǫ̀ K'àowo weyatıì ghǫ nezı̨į̀ agedı. Dǫ hazǫǫ̀ welǫ whìle ts'ǫ̀ geeda ha Nǫ̀htsı̨ goghàhòı̨ɂǫǫ sìı hazǫǫ̀ gıgha ehkw'ı-ahodı.

Zezì Wecheekeèdeè 2:23

Eyı Zezì sìı naxıghàwììtı̨ hǫt'e. Nǫ̀htsı̨ hanì ha nıwǫ t'à eyıts'ǫ hawedle ha nadąą̀ yek'èezǫ t'à naxıghàyı̨ı̨htı̨ hǫt'e. Naxı̨ dǫjıı naxıts'àgı̨ı̨dì t'à dechı̨et'aa k'e wedeàhtsò xè ełaàwèahwho hǫt'e.

Zezì Wecheekeèdeè 20:27

Nǫ̀htsı̨ dànıwǫǫ sìı edèdaehdı-le hazǫǫ̀ naxıts'ǫ̀ haehsı̨ ı̨lè.

Zezì Wecheekeèdeè 20:32

“Hòt'a Nǫ̀htsı̨ ghànaxèehła, eyıts'ǫ naxıts'ǫ̀ wesǫnıwǫǫ godı t'à naxınì nàtsoò awede. Hanì-ı̨dè ı̨daà Nǫ̀htsı̨ dǫ hazǫǫ̀ edegha gòį̀hchìı sìı gıxè ayìı godawhehłaa sìı naxıghàyele ha hǫt'e.

Zezì Wecheekeèdeè 4:28

Įdèe whaà gots'ǫ hanì eghàlageeda ha neewǫ k'ę̀ę̀ eghàlagı̨ı̨dà.

Rome 11:34

Dıı hanì dek'eèhtł'è, “Amìı gots'ǫ̀ K'àowo wınì k'èhoezǫ? Amìı dıı hanì eghàlaı̨da yèhdı? Dǫ wı̨ı̨zìı-le!”

Rome 8:17

Eyıt'à Nǫ̀htsı̨ weza ats'ı̨ı̨t'e nı̨dè Nǫ̀htsı̨-Gotà ayìı edeza ghàyele ha sìı goxı̨ sı goghàyele ha hǫt'e. Zezì-Krı wexè Nǫ̀htsı̨ weza ats'ı̨ı̨t'e nı̨dè Weza xè t'asìı goghàyele ha hǫt'e. Zezì-Krı wexè dats'ı̨ı̨ɂa nı̨dè goxı̨ sı wexè enıìyah deè goghàhòt'à ha hǫt'e.

Rome 8:28

Dǫ Nǫ̀htsı̨ ghǫneètǫǫ sìı eyıts'ǫ wınì k'ę̀ę̀ gììchìı sìı t'asìı hazǫǫ̀ t'à gıxè sìghà ayehɂı̨ wek'èts'eezǫ hǫt'e.

Rome 8:29

Nǫ̀htsı̨ amìı weza gı̨ı̨lı̨ ha nadąą̀ yek'èezǫǫ sìı Zezì lagede ha nadąą̀ gòį̀hchì ı̨lè. Eyıt'à wechı łǫ gıta gots'ǫ sìı Nǫ̀htsı̨ weza ededı̨ denahk'e wet'àaɂàa elı̨ hǫt'e.

Rome 8:30

Nǫ̀htsı̨ nadąą̀ dǫ weza gı̨ı̨lı̨ ha gòį̀hchì ı̨lèe sìı gokayaı̨htı hǫt'e; dǫ gokayaı̨htıı sìı ehkw'ı agǫ̀ǫ̀là; eyıts'ǫ dǫ ehkw'ı agǫ̀ǫ̀làa sìı welǫ whìle ts'ǫ̀ gıxè enıìyah hòɂǫǫ̀ agǫ̀ǫ̀là.

Rome 9:11

Gıza ełèchǫekèa gıgǫ̀hłı̨ kwe, ehkw'ı hogehtsı̨ hanì-le-ı̨dè ekǫ-le hogehtsı̨ kwe-t'ıì Nǫ̀htsı̨ Rebekah ts'ǫ̀ dıı hadı ı̨lè, “Goı̨de sìı gochı gha eghàlaeda ha,” yèhdı ı̨lè. Eyı weghàà Nǫ̀htsı̨ dǫ ayìı hòèhtsı̨ı̨ sìı weghàà dǫ ìhchı nıìle wek'èts'eezǫ, hanìkò Nǫ̀htsı̨ edınì k'ę̀ę̀ dǫ ìhchı hǫt'e.

Galatıa 3:18

Nǫ̀htsı̨, Abraham ghà-t'asìı-yele ha yatı whehtsı̨ı̨ sìı Moses wenàowoò k'èts'edì zǫ t'à goıtà ha nı̨dè, Nǫ̀htsı̨ edeyatıì Abraham ghàı̨ɂǫǫ sìı wek'ę̀ę̀ hòɂǫ-le agode ha. Hanìkò Nǫ̀htsı̨ wesǫnıwǫ dahxà edeyatıì yeghàı̨ɂǫ t'à Abraham ghà-t'asìı-yele ha.

Ephesus 1:14

Nǫ̀htsı̨, edets'ǫ dǫ hazǫǫ̀ deghàà edaxàgole gots'ǫ̀ Yedàyeh Nezı̨ı̨ godzeè yìı nàdè ayį̀į̀là. Yedàyeh Nezı̨ı̨ godzeè yìı nàdè t'à t'asìı hazǫǫ̀ Nǫ̀htsı̨ goghàyele ha dıı sìı goghàhòt'à ha wek'èts'eezǫ. Eyı ts'ıhɂǫ̀ Nǫ̀htsı̨ enıìyah wexè hòɂǫǫ sìı weghàsǫts'eedı hǫt'e.

Ephesus 1:18

Naxıda enıìyah hòɂǫ ts'ǫ̀ naxıkayaetıı sìı naxıdzeè t'à hotıì nezı̨į̀ wek'èahsǫ ha, eyı sı gha yahtı hǫt'e. T'asìı enıìyah deè Nǫ̀htsı̨ edets'ǫ dǫ gha ts'atà whehłaa sìı goghàyele ha hǫt'e.

Ephesus 1:5

ı̨nę̀ę whaà gots'ǫ Zezì-Krı wedahxà weza ts'ı̨ı̨lı̨ gha gòį̀hchì hǫt'e. Hanì ha nıwǫ xè wegha nezı̨.

Ephesus 1:8

Nǫ̀htsı̨ sıì gǫı̨zǫ xè t'asìı hazǫǫ̀ k'èezǫ hǫt'e, eyıt'à wet'à gots'ı̨ı̨zǫǫ eyıts'ǫ wet'à t'asìı nıts'eedìı hazǫǫ̀ deɂǫ̀ǫ̀ goghàyı̨ı̨la hǫt'e.

Ephesus 1:9

Nǫ̀htsı̨ dànıwǫǫ sìı dǫ gha deɂı̨į̀ wheɂǫ ı̨lèe sìı wek'èts'eezǫǫ̀ agǫ̀ǫ̀là. Nǫ̀htsı̨ hanì yeghàlaeda wegha nezı̨ eyıts'ǫ Zezì-Krı wedahxà hanì yeghàlaeda hǫt'e.

Ephesus 3:11

Welǫ whìle gots'ǫ̀ dànì hòɂǫ ha nıwǫ k'ę̀ę̀ eghàlaı̨dà, gots'ǫ̀ K'àowo Zezì-Krı wexè deghàà ayį̀į̀là hǫt'e.

Colosse 1:12

Nǫ̀htsı̨-Gotà masì wèahdı ha. Nǫ̀htsı̨ Wenàowoò k'ę̀ę̀ hòɂǫǫ sìı t'aats'ǫǫ̀ dzęh nı̨ı̨dı̨ lanì hǫt'e. Ekǫ Nǫ̀htsı̨ wets'ǫ dǫ t'asìı gıda whelaa sìı gıxè naxıghǫ̀zhe ha hǫt'e.

Colosse 3:24

Eyı wek'èxa gots'ǫ̀ K'àowo naxıda t'asìı whehłaa sìı naxıghàɂà ha wek'èahsǫ t'à hanì eghàlaahda welì. Gots'ǫ̀ K'àowo Zezì-Krı wegha eghàlaahda aaht'ı̨ hǫt'e.

Tıtus 2:14

Ededı̨ sìı gohołı̨į̀ k'èxa ełaı̨woò adììdlà, wet'à gonàowołı̨ı̨ hazǫǫ̀ ch'à edaxàgoazha hǫt'e. Edegha degaı gòèhtsı̨, xàè wegha ts'ı̨ı̨lı̨ ha agǫ̀ǫ̀là eyıts'ǫ ayìı nezı̨ı̨ sìı weghǫ hòtł'ò ats'ı̨ı̨wǫ ha agǫ̀ǫ̀là.

Tıtus 3:7

Gots'ǫ̀ sǫnıwǫ ts'ıhɂǫ̀ ehkw'ı agòìdlà hǫt'e, hanì-ı̨dè welǫ whìle ts'ǫ̀ ts'eeda ha sìı goghaelı̨į̀ ade ha, eyı gha sìı gogha ehkw'ı-ahodı hǫt'e.

Hebrew 6:17

Nǫ̀htsı̨ edeza edeyatıì goghàı̨ɂǫǫ sìı t'aats'ǫǫ̀ edeyatıì k'èdì ha gık'èezǫ ha nıwǫ t'à, ededı̨ edet'à yatı nàtsoo whehtsı̨ ı̨lè.

James 2:5

Sèot'ı̨ı̨, seàhkw'ǫ: dǫ-teèt'ı̨ı̨ gı̨ı̨lı̨ı̨ sìı gıgha ehkw'ı-ahodı ha Nǫ̀htsı̨ gòį̀hchì hǫt'e, eyıt'à gıxè sìghà hòɂǫ hǫt'e. Dıı nèk'e gogha dǫ-teèt'ı̨ı̨ gı̨ı̨lı̨ı̨ kò, Nǫ̀htsı̨ goghǫ dıı hadı, “Gıgha ehkw'ı aehsı̨ xè seghǫnegeètǫ t'à dǫ ahxee gı̨ı̨lı̨ ha eyıts'ǫ senàowoò k'ę̀ę̀ hòɂǫǫ gıghǫ̀t'à ha,” hadı.

1 Peter 1:4

Nǫ̀htsı̨ ayìı naxıda ts'atà whehłaa sìı naxıghǫ̀t'à ha hǫt'e, yak'e naxıgha wek'èhodì ne t'à wezǫą ade hǫı̨lı̨ ha-le, ek'eèhtsǫ̀ ade hǫı̨lı̨ ha-le, eyıts'ǫ ı̨hjıì ade hǫı̨lı̨ ha-le.

1 Peter 3:9

Dǫ naxıts'ǫ̀ hojıì eghàlageeda nı̨dè ek'èt'à gıts'ǫ̀ hojıì eghàlaahda-le, dǫ naxık'adageedè nı̨dè ek'èt'à gık'adaahdè-le, hanìkò gıgha yaahtı. Dǫ ts'ǫ̀ sìghà eghàlaahda ha naxììchì hǫt'e, hanì-ı̨dè Nǫ̀htsı̨ naxıts'ǫ̀ sìghà eghàlaeda ha hǫt'e.