Ephesus 1:10 - Nǫ̀htsı̨ Nı̨htł'è

¹⁰ Ehkw'ı nèhòkw'o nı̨dè Nǫ̀htsı̨ eyı hazǫǫ̀ yeghàlaeda ha hǫt'e. Ekìıyeè k'e nı̨dè t'asìı hazǫǫ̀ yak'e whelaa eyıts'ǫ t'asìı hazǫǫ̀ dıı nèk'e whelaa sìı k'àowo ı̨łè wetł'aà whelaà ayele ha, eyı k'àowo sìı Zezì-Krı hǫt'e.

Ephesus 1:10 ပူးပေါင်းရင်းမြစ်များ

Dànì Kèhoį̀wo 49:10

Judah, k'àowocho-geè t'aats'ǫǫ̀ wetł'aà wheɂǫ ha. Amìı wets'ǫ nee sìı nììtła gots'ǫ̀ k'àowocho-geè t'aats'ǫǫ̀ Judah wexè hòɂǫ ha, eyıts'ǫ dǫ hazǫǫ̀ xàɂaa gık'èı̨t'e ha.

Matthew 25:32

Dıı nèk'e dǫ hazǫǫ̀ xàɂaa wenadąą̀ łą̀ą ełègehdè ha. Sahzǫ̀ą eyıts'ǫ ejıe łats'ıgewa lanì dǫ hazǫǫ̀ łats'ıgòwa ha.

Mark 1:15

Dǫ ts'ǫ̀ dıı hadı, “Hòt'a Nǫ̀htsı̨ Wenàowoò k'ę̀ę̀ nèhòkw'ı ha ts'ǫ̀ whaà-le agòjà. Edek'eahłı̨ xè godı nezı̨ı̨ naxıgha ehkw'ı-ahodı welè!” gòhdı.

1 Corınth 10:11

Goxı̨ dıì nǫǫde dzęę̀ k'e ts'eedaa sìı, eyı hazǫǫ̀ gıts'ǫ̀ hagòjàa sìı wet'à hoghàgoetǫ gha agòjà hǫt'e, eyıts'ǫ wenats'edì ha t'à gogha dek'eèhtł'è hǫt'e.

1 Corınth 11:3

Zezì-Krı dǫzhìı hazǫǫ̀ gha K'àowo hǫt'e wek'èahsǫ ha dehwhǫ, eyıts'ǫ dǫzhìı ts'èko gha k'àowo gı̨ı̨lı̨ı̨ hǫt'e, eyıts'ǫ Nǫ̀htsı̨-Gotà Zezì-Krı gha K'àowo hǫt'e.

Galatıa 4:4

Hanìkò Nǫ̀htsı̨ wegha deghàà nèhòkw'o ekò Edeza gots'ǫ̀ ayį̀į̀là, ts'èko ts'ǫ dǫ elı̨, eyıts'ǫ Moses wenàowoò tł'a wheda ı̨lè.

Ephesus 1:22

Nǫ̀htsı̨ sìı t'asìı hazǫǫ̀ Zezì-Krı wetł'aà whelaà ayį̀į̀là, eyıts'ǫ Nǫ̀htsı̨ wecheekeè hazǫǫ̀ gha t'akwełǫ̀ǫ̀ wheda ayı̨į̀là. Eyıt'à Nǫ̀htsı̨ wets'ǫ dǫ agı̨ı̨t'ee sìı wezhį̀į̀ lagı̨ı̨t'e, wet'ǫ̀ǫ̀ deghàà agììdlà eyıts'ǫ wet'ǫ̀ǫ̀ t'asìı hazǫǫ̀ hòèlı̨ı̨ sìı deghàà ajà.

Ephesus 2:15

Edezhį̀į̀ t'à Moses wenàowoò wedę ayį̀į̀là, wet'à naxısınìyaetı-le ayį̀į̀là. Ededı̨ edet'à dǫ nàke xàɂaa gı̨ı̨lı̨ı̨ sìı dǫ ı̨łè wegòò gı̨ı̨lı̨ ha nıwǫ t'à, hanì eghàlaı̨dà hǫt'e. Hanì t'aa ełexè goxè ts'èwhı̨į̀ hòɂǫǫ̀ ayį̀į̀là.

Ephesus 3:15

Ededı̨ wet'à yak'e wèot'ı̨ hazǫǫ̀ eyıts'ǫ dıı nèk'e wèot'ı̨ hazǫǫ̀ weza k'ę̀ę̀ goızì hòèlı̨ hǫt'e.

Ephesus 3:2

Nǫ̀htsı̨ edesǫnıwǫǫ̀ seghàı̨ɂǫǫ sìı wek'ę̀ę̀ naxıgha eghàlaehda ha weghǫ aàhkw'o sǫnı.

Colosse 1:16

Ededı̨ wet'à t'asìı hazǫǫ̀ hòèlı̨ hǫt'e: t'asìı yak'e whelaa, dıı nèk'e whelaa, t'asìı wègaat'ı̨ı̨, wègaat'ı̨-le, hazǫǫ̀ yèhtsı̨ hǫt'e. K'àowocho gı̨ı̨lı̨ı̨, k'aodèe gı̨ı̨lı̨ı̨, dèe-ts'ǫ̀-k'àowo gı̨ı̨lı̨ı̨, hazǫǫ̀ Nǫ̀htsı̨ Weza gòèhtsı̨ hǫt'e, eyıts'ǫ ededı̨ wegha gıhòèlı̨ hǫt'e.

Colosse 1:20

Edeza t'à t'asìı hazǫǫ̀ xè ts'èwhı̨į̀ hòɂǫ ha nıwǫ. Weza wedoò dechı̨et'aa k'e xàı̨tł'ı ts'ıhɂǫ̀, Nǫ̀htsı̨-Gotà t'asìı hazǫǫ̀ dıı nèk'e whelaa eyıts'ǫ yak'e whelaa sìı xè ts'èwhı̨į̀ hòɂǫǫ̀ ayį̀į̀là.

Colosse 3:11

Zezì-Krı wegha ts'eeda nı̨dè hazǫǫ̀ ełèts'ı̨ı̨ht'e hǫt'e. Israel got'ı̨į̀, Greece got'ı̨į̀ ełexègı̨ı̨ht'ee, nàgoet'àa, nàgoet'à-le, nàowo eładı̨ı̨ k'ę̀ę̀ geedaa dǫǫ̀, dǫ edets'ǫ̀ k'agedè-le, edets'ǫ̀ k'agedèe, hazǫǫ̀ ełexègı̨ı̨ht'e. Zezì-Krı ededı̨ zǫ gogha K'àowo elı̨, eyıts'ǫ goxı̨ hazǫǫ̀ godzeè yìı eda.

Hebrew 1:2

hanìkò dıì nǫǫde dzęę̀ ts'ǫ̀ hawee sìı Edeza t'à gots'ǫ̀ goı̨de. T'asìı hazǫǫ̀ Edeza tł'aà whelaà ayele ha yį̀į̀hchì hǫt'e, eyıts'ǫ wet'ǫ̀ǫ̀ dèè, yat'a eyıts'ǫ t'asìı hazǫǫ̀ whehtsı̨ hǫt'e.

Hebrew 11:40

Nǫ̀htsı̨ sìı t'asìı denahk'e nezı̨ı̨ godasınìhòı̨ɂǫ hǫt'e, hanì-ı̨dè goxè agejà zǫ nı̨dè deghàà degaı agede ha t'à.

Hebrew 9:10

Eyı nàowo t'à gıat'į̀ı̨ sìı t'asìı weghǫ shèts'ezhee, t'asìı ts'edǫ eyıts'ǫ edenàowoò k'ę̀ę̀ edek'enagehtse hanıı zǫ t'à agıat'į̀ ı̨lè. Nǫ̀htsı̨ nàowogòò goxè whehtsı̨ gots'ǫ̀ edezhį̀į̀ gha eyıts'ǫ edılà t'à hanì zǫ eghàlageeda ha dìì-le ı̨lè.

1 Peter 1:20

Dèè hòèlı̨ kwe wììchì hǫt'e, hanìkò dıì nǫǫde dzęę̀ gha wègoèht'į̀ adlà.

John Wenazhıı 5:9

Shı̨ wegòò t'à dıı hagedıì gejı̨, “Eyı enı̨htł'èyeè nı̨į̀chı gà wets'ǫdaà xàı̨hdlà ha neghàhòt'ǫ. Ełaànìgwo ı̨lè eyıts'ǫ nedoò t'à Nǫ̀htsı̨ gha dǫ nàgıneèhdì. Dǫ hazǫǫ̀ xàɂaa, yatı hazǫǫ̀ xàɂaa eyıts'ǫ dıı nèè hazǫǫ̀ gots'ǫ agı̨ı̨t'e.