Ephesus 1:1 - Nǫ̀htsı̨ Nı̨htł'è

¹ Sı̨ Paul, Nǫ̀htsı̨ wedahxà Zezì-Krı wecheekeèdeè aht'e. Dıı enı̨htł'è kǫ̀ta Ephesus Nǫ̀htsı̨ wets'ǫ dǫ nàgedèe eyıts'ǫ Zezì-Krı ghǫ t'aats'ǫǫ̀ gınì nàtsoo sìı gıts'ǫ̀ eehtł'è hǫt'e.

Ephesus 1:1 ပူးပေါင်းရင်းမြစ်များ

Luke 16:10

“Amìı t'asìı łǫ-lea kò yet'à ehkw'ı eghàlaedaa sìı t'asìı łǫ sı t'à ehkw'ı eghàlaeda ha hǫt'e. Ekò amìı t'asìı łǫ-le t'à ehkw'ı eghàlaeda-le nı̨dè t'asìı łǫ sı t'à ehkw'ı eghàlaeda ha nıìle.

Zezì Wecheekeèdeè 16:15

Eyı ts'èko ededı̨ eyıts'ǫ dǫ yekǫ̀ nàgedèe sìı gık'ètaìdzǫ, eyı tł'axǫǫ̀ wekǫ̀ ts'ǫ̀ agǫ̀ǫ̀là, hadı, “Gots'ǫ̀ K'àowo segha ehkw'ı adı aht'e seahwhǫ nı̨dè sekǫ̀ aaht'e,” gòhdı. Goghǫ daèhnǫ t'à wekǫ̀ ts'ǫ̀ ats'ejà.

Zezì Wecheekeèdeè 18:19

Kǫ̀ta Ephesus nègı̨ı̨de ekò Paul, Prıscılla eyıts'ǫ Aquıla ekǫ gots'ǫǫ̀ naèhtła. Ededı̨ t'aa ełègehdèe-kǫ̀ ts'ǫ̀ ajà, ekǫ Israel got'ı̨į̀ ts'ǫ̀ goı̨de.

Zezì Wecheekeèdeè 18:21

Paul naetła kwe, hagòhdı, “Nǫ̀htsı̨ hanıwǫ nı̨dè k'achı̨ jǫ ts'ǫ anahde ha,” gòhdı. Eyı tł'axǫǫ̀ elàcho t'à kǫ̀ta Ephesus gots'ǫǫ̀ naèhɂe.

Zezì Wecheekeèdeè 9:13

Ananıas hadı, “Sets'ǫ̀ K'àowo, eyı dǫ weghǫ godı łǫ eèhkw'o. Nets'ǫ dǫ Jerusalem nàgedèe sìı hoìla łǫ gogha hòèhtsı̨ ghǫ eèhkw'o.

Rome 1:1

Sı̨ Paul aht'e, Zezì-Krı wegha eghàlaehda. Wecheekeèdeè ehłı̨ gha eyıts'ǫ Nǫ̀htsı̨ wegodıì nezı̨ı̨ dǫ ts'ǫ̀ haehsı̨ gha Nǫ̀htsı̨ sį̀į̀hchì hǫt'e.

Rome 1:7

Naxı̨ kǫ̀godeè Rome nàahdèe sìı naxıts'ǫ̀ eehtł'è aht'ı̨. Nǫ̀htsı̨ naxıghǫneètǫ eyıts'ǫ wets'ǫ dǫ degaı aahłı̨ gha naxıkayaetı hǫt'e. Nǫ̀htsı̨-Gotà eyıts'ǫ Zezì-Krı naxıxè sǫgı̨ı̨wǫ welè, eyıts'ǫ naxıxè sìghà hòɂǫ agııle.

Rome 8:1

Hanìkò amìı Zezì-Krı xè aget'ı̨ı̨ sìı ełaàgede gha gısınìyaetı ha-le.

1 Corınth 4:12

Goılà t'à hòtł'ò eghàlats'eeda. Dǫ gots'ǫ̀ nàdahogeeɂà nı̨dè gıgha yats'ehtı, dagogį̀ı̨hɂa nı̨dè wexè kò ts'èwhı̨į̀ dats'ı̨ı̨ɂa.

1 Corınth 4:17

Eyıt'à Tımothy naxıts'ǫ̀ weehɂà ha hǫt'e. Seza lanì weghǫneehtǫ, gots'ǫ̀ K'àowo gha wınì nàtso. Dànì Zezì-Krı wegha ehdaa sìı naxıts'ǫ̀ hadı ha. Kǫ̀ta hazǫǫ̀ Nǫ̀htsı̨ wecheekeè dànì hoghàgeehtǫǫ sìı t'aats'ǫǫ̀ hanì ehda hǫt'e.

2 Corınth 1:1

Sı̨ Paul, Nǫ̀htsı̨ wedahxà Zezì-Krı wecheekeèdeè aht'e. Gòet'ı̨ Tımothy wexè kǫ̀ta Corınth Nǫ̀htsı̨ wecheekeè nàgedèe sìı gıts'ǫ̀ eehtł'è, eyıts'ǫ Achaıa nèk'e Nǫ̀htsı̨ wets'ǫ dǫ hazǫǫ̀ nàgedèe sìı gıts'ǫ̀ ts'eetł'è.

Galatıa 1:1

Sı̨, Paul, Zezì wecheekeèdeè aht'e. Dǫ segı̨ı̨hɂà nıìle, hanìkò Zezì-Krı sı̨ı̨hɂà hǫt'e, eyıts'ǫ Nǫ̀htsı̨-Gotà, Zezì naìdà ayį̀į̀làa sìı sı̨ı̨hɂà hǫt'e.

Galatıa 3:26

Zezì-Krı naxıgha ehkw'ı-ahodı dahxà naxı̨ hazǫǫ̀ Nǫ̀htsı̨ weza aaht'e.

Galatıa 3:28

Zezì-Krı wexè naxı̨ hazǫǫ̀ ı̨łè laaht'e hǫt'e t'à, Israel got'ı̨į̀ eyıts'ǫ Greece got'ı̨į̀ gıxè eładı̨į̀ hòɂǫ-le, dǫ edets'ǫ̀ k'àowo-le, eyıts'ǫ dǫ edets'ǫ̀ k'àowo gıxè eładı̨į̀ hòɂǫ-le, dǫzhìı eyıts'ǫ ts'èko gıxè eładı̨į̀ hòɂǫ-le.

Galatıa 3:9

Eyıt'à dǫ gıgha ehkw'ı-ahodıı sìı Abraham xè gıgha sìghà agòjà hǫt'e. Eyı dǫ sìı Nǫ̀htsı̨ yegha ehkw'ı adıı deè hǫt'e.

Ephesus 1:15

Eyıt'à gots'ǫ̀ K'àowo Zezì naxıgha ehkw'ı-ahodıı eyıts'ǫ wets'ǫ dǫ hazǫǫ̀ gıghǫnıahtǫ weghǫ eèhkw'ǫ gots'ǫ,

Ephesus 2:10

Nǫ̀htsı̨ ededı̨ gok'e eghàlaı̨dà hǫt'e, t'asìı nezı̨ı̨ weghàlats'eeda gha Zezì-Krı dahxà gòèhtsı̨ hǫt'e. Nǫ̀htsı̨ hanì wegha nezı̨į̀ eghàlats'eeda ha nadąą̀ gogha sınìhòı̨ɂǫ hǫt'e.

Ephesus 2:13

Hanìkò dıì sìı Zezì-Krı wet'à naxıxè hagǫ̀ht'e-le agòjà. Nǫ̀htsı̨ ts'ǫ̀ nıwà aaht'e ı̨lè hanìkò dıì sìı Zezì-Krı naxıgha wedoò xàı̨tł'ı t'à Nǫ̀htsı̨ ts'ǫ̀ nıwà-le anaxììdlà hǫt'e.

Ephesus 2:6

Nǫ̀htsı̨ sìı Zezì-Krı wexè nats'ìdà agǫ̀ǫ̀là hǫt'e. Zezì-Krı wexè ts'eeda t'à, goxı̨ sı ı̨dòo yak'e wexè ts'eèhkw'eè lagǫ̀ǫ̀là hǫt'e.

Ephesus 6:21

Tychıcus, sèot'ı̨ weghǫneehtǫǫ sìı t'aats'ǫǫ̀ gots'ǫ̀ K'àowo gha eghàlaeda hǫt'e. Sexè dàgǫ̀ht'ee sìı hazǫǫ̀ yeghǫ naxıxè godo ha, hanì-ı̨dè dànì sexè hòɂǫǫ eyıts'ǫ ayìı ghàlaehdaa sìı wek'èahsǫ ha.

John Wenazhıı 17:14

Sahzǫ̀ą ts'ǫ̀ ełegegǫ ha, hanìkò Sahzǫ̀ą goghǫehnè ha. Ededı̨ sìı k'àowo hazǫǫ̀ gha K'àowo elı̨ eyıts'ǫ k'àowocho hazǫǫ̀ gha K'àowocho elı̨. Eyı Sahzǫ̀ą wecheekeè gìhchìı xè weyatıì k'ègedìı sìı wexè agı̨ı̨t'e,” yak'eet'ı̨į̀ hasèhdı.

John Wenazhıı 2:10

Whaà-le-t'ıì ayìı t'à daahɂa ha sìı weghǫ dahjı̨-le. Ehkw'ı anaxèehsı̨, wehłı̨ı̨ naxeèhdzà ha nıwǫ t'à dǫ-danìı̨laa-kǫ̀ ts'ǫ̀ anaxele ha hǫt'e. Hoònǫ dzęę̀ ts'ǫ̀ danaxegį̀ı̨hɂa ha. Naxıweè hogehtsı̨ kò naxınì nàtsoò aahłe. Wek'èxa welǫ whìle ts'ǫ̀ ts'eedaa naxıghàehɂà ha.

John Wenazhıı 2:13

Edı̨į̀ nàahdèe sìı wek'èehsǫ; edı̨į̀ wehłı̨ı̨ wedaèhchı̨cho whetǫǫ eyıts'ǫ edı̨į̀ nàdèe sìı ekǫ nàahdè hǫt'e. Hanìkò ı̨łaà naxıgha ehkw'ı-ahodı. Sek'èahsǫ-le dahdı nıìle. Secheekeè Antıpas t'aats'ǫǫ̀ segha gode elı̨ı̨ ı̨lèe sìı wenaahdì. Naxıkǫ̀ta ełaàwìgwo kò ı̨łaà seghǫ naxınì nàtso ı̨lè.