Dànì Kèhoį̀wo 9:6 - Nǫ̀htsı̨ Nı̨htł'è

⁶ “Dǫ ts'ıhɂǫ̀ dǫ wedoò xàı̨tł'ı nı̨dè dǫ ayį̀į̀làa sìı dǫ t'à wedoò xàtł'ì ha, Nǫ̀htsı̨ edexèht'eè dǫ whehtsı̨ ne t'à.

Dànì Kèhoį̀wo 9:6 ပူးပေါင်းရင်းမြစ်များ

Dànì Kèhoį̀wo 4:14

Dıı dzęę̀ k'e dıı dèè gots'ǫǫ̀ xàseneèzhì, sets'àądı gha nets'ǫ̀ ahde ha dìì asèneelà. Dıı nèk'e sexè ts'èwhı̨į̀ hòɂǫ ha-le t'à hazǫǫ̀ nèk'e sek'eèhoowo ha, eyıt'à amìı segòhɂǫǫ sìı ełaàsèhwhı ha,” Caın hadı.

Dànì Kèhoį̀wo 42:22

Ruben gots'ǫ̀ hadı, “Eyı cheko wets'ǫ̀ hoìla hoahtsı̨-le naxèehsı̨ ı̨lè, hanìkò aàhkw'ǫ ha dahwhǫ-le ı̨lè! Wedoò k'èxa dıì nàgoekwa hǫt'e,” gòhdı.

Dànì Kèhoį̀wo 5:1

Dıı godı sìı Adam eyıts'ǫ wets'ıhɂǫ̀ǫ-dǫǫ̀ gıgǫ̀hłı̨ı̨ sìı gıgodıì dek'eèhtł'è hǫt'e. Nǫ̀htsı̨ dǫ whehtsı̨ ekò edexèht'eè dǫ whehtsı̨ ı̨lè.

Matthew 26:52

Zezì yets'ǫ̀ hadı, “Nets'ǫ behcho deyìı naı̨chı. Amìı behcho t'à-at'ı̨ı̨ sìı behcho t'à ełaàwı ha hǫt'e.

Rome 13:4

Naxıts'ǫ̀ nezı̨į̀ eghàlageeda ha Nǫ̀htsı̨ gha eghàlageeda hǫt'e. Hanìkò ekǫ-le eghàlaahda nı̨dè dahjı̨ ha hǫt'e, k'aodèe gı̨ı̨lı̨ı̨ sìı gık'èaht'e-le k'èxa hoìla anaxegele ha hǫt'e. Nǫ̀htsı̨ gha eghàlageeda hǫt'e, eyıts'ǫ Nǫ̀htsı̨ dahxà dǫ wejıı sìı dagı̨ı̨ɂaà agogele ha hǫt'e.

1 Corınth 11:7

Dǫzhìı sìı Nǫ̀htsı̨ enıìyah wehòhɂǫ k'ę̀ę̀ wehòèlı̨ ne t'à, edekwì k'e t'asìı whehchì ha nıìle, hanìkò ts'èko sìı dǫzhìı enıìyah wehòhɂǫ k'ę̀ę̀ wehòèlı̨ hǫt'e.

James 3:9

Gowalıì t'à Nǫ̀htsı̨-Gotà weghàsǫts'eedı, hanìkò eyı gowalıì et'ıì t'à dǫ Nǫ̀htsı̨ k'ę̀ę̀ gıhòèlı̨ı̨ sìı gıts'ǫ̀ nàdahots'eeɂà.

John Wenazhıı 13:10

Amìı wedaànìı̨tǫ wegha hòɂǫǫ sìı wedaànìı̨tǫ ha hǫt'e. Amìı behcho t'à ełaàwı wegha hòɂǫǫ sìı behcho t'à ełaàwı ha hǫt'e. Eyıt'à Nǫ̀htsı̨ wets'ǫ dǫ ts'èwhı̨į̀ dagı̨ı̨ɂa xè edınì nàtsoò agı̨ı̨hwhǫ ha hǫt'e.