Dànì Kèhoį̀wo 9:3 - Nǫ̀htsı̨ Nı̨htł'è

³ T'asìı hazǫǫ̀ edaa xè nàedaa sìı naxıgha weghǫ shèahzhe elı̨ ha. Dèè k'e ı̨t'ǫ̀ dehshee sìı weghǫ shèahzhe ha naxıghàıhła ı̨lè xèht'eè, dıì t'asìı hazǫǫ̀ naxıghàıhła hǫt'e.

Dànì Kèhoį̀wo 9:3 ပူးပေါင်းရင်းမြစ်များ

Dànì Kèhoį̀wo 9:2

Dıı nèk'e tıts'aàdìı hazǫǫ̀, yat'a k'edèe hazǫǫ̀, dèè k'e k'eɂàa hazǫǫ̀, eyıts'ǫ tı yìı nàdèe hazǫǫ̀ naxıts'àgeejı̨ ha; naxıtł'aà whelaà agììdlà.

Rome 14:14

Gots'ǫ̀ K'àowo wexè ehda hǫt'e, eyıt'à weghǫ shèts'ezhee wı̨ı̨zìı sìı hołı̨ı̨ nıìle hotıì wek'èehsǫ hǫt'e. Hanìkò dǫ wegha wets'àet'ǫ nı̨dè wegha hołı̨ı̨ hǫt'e.

Rome 14:17

Nǫ̀htsı̨ wenàowoò sìı dǫ shègezhee eyıts'ǫ t'asìı gedǫ hanıı ghǫ nıìle, hanìkò Yedàyeh Nezı̨ı̨ wedahxà ehkw'ı ts'eedaa, goxè sìghà hòɂǫǫ eyıts'ǫ godzeè t'à goınàa, eyı ghǫ ahodı hǫt'e.

Rome 14:20

Bò ghǫ shèahzhe ts'ıhɂǫ̀ Nǫ̀htsı̨ dànì dǫ xè eghàlaedaa sìı wedıhoahtsı̨-le. Weghǫ shèts'ezhee hazǫǫ̀ nezı̨ hǫt'e, hanìkò bò ghǫ shèts'ezhee sìı wets'ıhɂǫ̀ dǫ hołı̨ı̨ hohtsı̨ nı̨dè eyı sìı ehkw'ı nıìle.

Rome 14:3

Dǫ t'asìı hazǫǫ̀ xàɂaa ghǫ shètı̨ı̨ sìı dǫ hanì nàowo gıtǫ̀-le sìı gınahk'e dǫ nezı̨ı̨ aht'e edeewǫ ha nıìle. Eyıts'ǫ dǫ t'asìı hazǫǫ̀ xàɂaa ghǫ shètı̨-le sìı dǫ hat'ı̨ı̨ sìı yesınìyaehtı ha nıìle, Nǫ̀htsı̨ sìı eyı dǫ edeza elı̨ gha yį̀į̀hchì ne t'à.

1 Corınth 10:23

“T'asìı hazǫǫ̀ gots'ǫ̀ wets'àet'ǫ nıìle,” haahdı sǫnı, hanìkò t'asìı hazǫǫ̀ gogha sìghà nıìle. “T'asìı hazǫǫ̀ gots'ǫ̀ wets'àet'ǫ nıìle,” haahdı sǫnı, hanìkò t'asìı hazǫǫ̀ t'à goınì nàtsoò ade ha nıìle.

1 Corınth 10:31

Eyıt'à t'asìı ghǫ shèahzhe xè t'asìı aahdǫ, eyıts'ǫ t'asìı t'ahoòyį̀ı̨ haahɂı̨ nı̨dè, wet'à Nǫ̀htsı̨ weghàsǫahdı.

Colosse 2:16

Eyıt'à ayìı ghǫ shèahzhe, eyıts'ǫ ayìı aahdǫ, dzędeè k'èahdìı, adzęzah-gòò gha nàsı̨ hoahtsı̨, hanì-le-ı̨dè Nǫ̀htsı̨ Wedzęę̀ k'èahdìı, eyı hanıı ghǫ dǫ naxık'e nìdahogııɂà-le.