Dànì Kèhoį̀wo 9:23 - Nǫ̀htsı̨ Nı̨htł'è

²³ Hanìkò wı̨ı̨de Shem eyıts'ǫ Jafet edeehgò ts'ǫ gıge ehtł'ı̨ nawhet'ıì agį̀į̀là gà hanì yets'ǫ̀ ek'èt'à łegıatłe, hanì t'aa gıtà ı̨ht'edę whetı̨ı̨ sìı ehtł'ı̨ wek'e nègı̨ı̨ɂa. Gıtà ı̨ht'edę whetı̨ı̨ ghàgeeda ch'à ets'èɂǫ̀ǫ̀ nageɂa.

Dànì Kèhoį̀wo 9:23 ပူးပေါင်းရင်းမြစ်များ

Dànì Kèhoį̀wo 9:22

Ham, Kanan got'ı̨į̀ gıcho sìı wetà ı̨ht'edę whetı̨ yaɂı̨ t'à wı̨ı̨de mǫ̀ht'a geèhkw'ee sìı gots'ǫ̀ hadı.

Dànì Kèhoį̀wo 9:24

Noah yeèhde gots'ǫ ts'ı̨ı̨wo ekò weza nǫǫdea dànì yets'ǫ̀ k'ehoɂaa sìı yeghǫ ıìkw'o.

Rome 13:7

Eyıt'à dǫ ts'ǫ̀ naxını̨htł'è gǫ̀hłı̨ nı̨dè naxını̨htł'è naahłe. Dèe-ts'ǫ̀-k'àowo ts'àts'eehdì ts'ǫǫ̀hk'e naxını̨htł'è nı̨dè naxını̨htł'è naahłe. Eyıts'ǫ k'aodèe hazǫǫ̀ gıts'ǫ̀ nezı̨į̀ naahɂa xè gıghàhoahdì ha hòɂǫ nı̨dè, hanì gıts'ǫ̀ naahɂa.

Galatıa 6:1

Sèot'ı̨ı̨, naxı̨ Yedàyeh Nezı̨ı̨ k'ę̀ę̀ aahdaa sìı dǫ hołı̨ı̨ hòèhtsı̨ wek'èahsǫ nı̨dè, eyı dǫ wets'ǫ̀ naxıdzeè nezı̨ı̨ t'à ehkw'ı edaà aweahłe. Hanìkò edexoahdı, naxı̨ sı hołı̨ı̨ nàowoò t'à naxeèdzà ha sǫnı.

1 Tımothy 5:1

Ǫhdah ekǫ-le hòèhtsı̨ nı̨dè yatı nàtsoo t'à wets'ǫ̀ goı̨de-le, hanìkò netà ts'ǫ̀ goı̨de lanì weghǫnàdaı̨tì. Eyıts'ǫ cheko sìı nechı lanì gıts'ǫ̀ k'ehoı̨ɂa.

1 Tımothy 5:17

Nǫ̀htsı̨ wecheekeè gha k'aodèe gı̨ı̨lı̨ı̨ sìı nezı̨į̀ edılaà eghàlageedaa k'èxa nezı̨į̀ gıts'ǫ̀ nageɂa welì. Dǫ Nǫ̀htsı̨ yatıì t'à gogedee xè dǫ hoghàgogeehtǫǫ sìı wek'èxa denahk'e hanì nezı̨į̀ gıts'ǫ̀ nageɂa welì.

1 Tımothy 5:19

Dǫ ı̨łè zǫ weyatıì k'e naxıgha k'àowo k'e nìdahoet'à nı̨dè wǫǫ̀hkw'ǫ-le. Dǫ nàke, hanì-le-ı̨dè dǫ taı gıdaà ekǫ-le eghàlaı̨dà gedı nı̨dè zǫ gı̨į̀kw'ǫ ha.

1 Peter 2:17

Nezı̨į̀ ełets'ǫ̀ naahɂa xè dıı hanì aahda: Amìı naxıxèht'eè gıgha ehkw'ı-ahodıı sìı gıghǫnıahtǫ, Nǫ̀htsı̨ wek'èaht'e, eyıts'ǫ k'àowocho wets'ǫ̀ nezı̨į̀ naahɂa.

1 Peter 4:8

T'asìı hazǫǫ̀ nahk'e ełeghǫnıahtǫ. Ełeghǫnets'eètǫ nı̨dè hołı̨ı̨ łǫ whìle ats'ehɂį̀.