Dànì Kèhoį̀wo 8:21 - Nǫ̀htsı̨ Nı̨htł'è

²¹ Gots'ǫ̀ K'àowo t'asìı wets'ǫ̀ wek'eek'ǫ̀ǫ sìı wegha nezı̨ t'à edets'ǫ̀ hadı, “Dǫ negechà-lea gots'ǫ t'aats'ǫǫ̀ ededzeè t'à hołı̨ı̨ nàowoò zǫ danıgedè kò, k'achı̨ wı̨ı̨zìı dèè k'e hanì hoìla agohłe ha nıìle. Eyıts'ǫ k'achı̨ wı̨ı̨zìı t'asìı hazǫǫ̀ edaa sìı gıdıhohtsı̨ ha nıìle.

Dànì Kèhoį̀wo 8:21 ပူးပေါင်းရင်းမြစ်များ

Dànì Kèhoį̀wo 3:17

Nǫ̀htsı̨ Adam ts'ǫ̀ dıı hadı, “Eyı ts'ı wets'ǫ jìecho neɂà-le nèehsı̨ kò nets'èkeè wek'èanet'e t'à jìecho neeɂà. Nı̨ nets'ıhɂǫ̀ dıı dèè k'e gots'eèdı hòɂǫ ha. T'aats'ǫǫ̀ ı̨da gots'ǫ̀ la nàtsoo ghàlaı̨da zǫ t'à shènetı̨ ha.

Dànì Kèhoį̀wo 4:12

Dèè k'e eghàlaı̨da nı̨dè negha t'asìı nezı̨ı̨ xàehshe ha nıìle. Dıı nèk'e nexè ts'èwhı̨į̀ hòɂǫ ha nıìle, ekìı t'aats'ǫǫ̀ t'asį̀ı̨ k'ehoı̨hwho ha,” Nǫ̀htsı̨ hayèhdı.

Dànì Kèhoį̀wo 5:29

Noah wìyeh ayį̀į̀là, hadı, “Nǫ̀htsı̨ dèè xè hoìla xàyaı̨htı ı̨lè, eyıt'à hòtł'ò wek'e eghàlats'ı̨ı̨dà, hanìkò dıı chekoa wet'à goxè hok'èts'ǫǫ̀ agode ha,” hadıì xàyaı̨htı.

Dànì Kèhoį̀wo 6:13

Eyıt'à Nǫ̀htsı̨ Noah ts'ǫ̀ hadı, “Dıı nèk'e dǫ gıxè hołı̨ı̨ nàowoò nàtsoò agòjà t'à dǫ hazǫǫ̀ gıdıhohtsı̨ ha eyıts'ǫ dıı dèè sı wedıhohtsı̨ ha.

Dànì Kèhoį̀wo 6:17

Dèè wete teetł'ì agohłe ha. T'asìı hazǫǫ̀ yat'a zhıı nàdèe sìı, t'asìı hazǫǫ̀ ejìı sìı wedıhohtsı̨ ha. Dıı nèk'e t'asìı hazǫǫ̀ ełaàde ha.

Dànì Kèhoį̀wo 6:5

Gots'ǫ̀ K'àowo dıı nèk'e dǫ sıì hołı̨ı̨ k'ę̀ę̀ geedaà agejàa, gok'èezǫ. Ekìı t'aats'ǫǫ̀ dedzeè t'à hołı̨ı̨ zǫ ghǫ nànıgedè agejà.

Dànì Kèhoį̀wo 6:7

Eyıt'à gots'ǫ̀ K'àowo hadı, “Dǫ hazǫǫ̀ whıhtsı̨ı̨ sìı wek'eehłı̨ t'à dıı nèk'e dǫ hazǫǫ̀ gıdıhohtsı̨ ha. T'asìı hazǫǫ̀ dıı nèk'e edaa, tıts'aàdìı dèè k'e k'edèe, dèè k'e k'eɂàa lanıı, eyıts'ǫ yat'a k'edèe sìı hazǫǫ̀ gıdıhohtsı̨ ha,” hadı.

Matthew 15:19

Nàowołı̨ı̨ t'à nànıts'edèe sìı godzeè yìı gots'ǫ at'ı̨ hǫt'e. Godzeè t'à dıı hanì nezı̨į̀ nànıts'edè-le: dǫ ełaàts'ehwhıı, ełexè hołı̨ı̨ hots'ehtsı̨ı̨, hołı̨ı̨ k'ę̀ę̀ ełek'alats'edèe, ets'eeɂį̀ı̨, dǫ ghǫ hots'ets'ìı, eyıts'ǫ dǫ gıızì jıı ts'ehtsı̨.

John 3:6

Dǫzhį̀į̀ t'à dǫzhį̀į̀ wegǫ̀hłı̨ hǫt'e, hanìkò Yedàyeh Nezı̨ı̨ t'à dǫ wets'ǫ ı̨nì wegǫ̀hłı̨ hǫt'e.

Rome 1:21

Nǫ̀htsı̨ k'èhogeezǫ kò gıghàsǫedı-le eyıts'ǫ masì gı̨ı̨hwhǫ-le. Gogı̨ı̨zǫ-le k'ę̀ę̀ nànıgedè agejà, eyıts'ǫ gıdzeè yìı togoòtł'òo lagǫ̀ht'e.

Rome 3:23

Dǫ hazǫǫ̀ hołı̨ı̨ hogèhtsı̨ hǫt'e. Nǫ̀htsı̨ dànì wexè enıìyah xè degaı wehòhɂǫǫ sìı ts'ǫ nıwà ts'eèhkw'e hǫt'e,

2 Corınth 2:15

Nǫ̀htsı̨ sìı dǫ edaxàgeedèe eyıts'ǫ dǫ gıdıhołèe sìı gıgha Zezì-Krı wets'ǫ t'asìı łekǫǫ łedìı lats'ı̨ı̨t'eè agǫ̀ǫ̀là.

Ephesus 5:2

Zezì dànì goghǫneètǫ xè gogha ełaı̨wo k'ę̀ę̀, t'aats'ǫǫ̀ ełeghǫnıahtǫ k'ę̀ę̀ aahda. Zezì gogha ełaàwı gha Nǫ̀htsı̨ ghàdìtı̨ t'à yınì k'ę̀ę̀ eghàlaı̨dà.

Phılıppı 4:18

Hòt'a deghàà naxıt'à hoehwhì hǫt'e, eyıts'ǫ deɂǫ̀ǫ̀ seghàahła hǫt'e. Epaphrodıtus wetł'aà sǫǫ̀mba sedanìahła t'à t'asìı seɂǫ̀atłǫ whelaà ajà. T'asìı sets'ǫ̀ aahłàa sìı Nǫ̀htsı̨ wets'ǫ̀ t'asìı łekǫǫ k'ets'eehk'ǫ̀ lanì, eyı sìı Nǫ̀htsı̨ yeghǫ sìghà anıwǫ hǫt'e.

1 John 5:19

Nǫ̀htsı̨ weza ats'ı̨ı̨t'e, eyıts'ǫ dıı nèk'e dǫ hazǫǫ̀ Nǫ̀htsı̨ dę geedaa sìı wehłı̨ı̨ gıts'ǫ̀ k'àowo hǫt'e, wek'èts'eezǫ.