Dànì Kèhoį̀wo 7:11 - Nǫ̀htsı̨ Nı̨htł'è

¹¹ Noah ek'ètaekw'eènǫ (600) weghoò tł'axǫǫ̀ nàke sa xèhǫǫ̀wo t'à hoònǫ-daats'ǫ̀-łǫ̀hdı̨ dzęę̀ k'e dèè goyìı tı-xàewìı-k'è gòlaa sìı hazǫǫ̀ xàdeèhk'è, eyıts'ǫ yat'a gots'ǫ tı łǫ hodàètł'ı.

Dànì Kèhoį̀wo 7:11 ပူးပေါင်းရင်းမြစ်များ

Dànì Kèhoį̀wo 1:7

Eyıt'à Nǫ̀htsı̨ dèè k'e tı eyıts'ǫ ı̨dòo yat'a tı į̀łak'aà ayį̀į̀là. Eyıt'à hanì hòɂǫǫ̀ agòjà.

Dànì Kèhoį̀wo 6:17

Dèè wete teetł'ì agohłe ha. T'asìı hazǫǫ̀ yat'a zhıı nàdèe sìı, t'asìı hazǫǫ̀ ejìı sìı wedıhohtsı̨ ha. Dıı nèk'e t'asìı hazǫǫ̀ ełaàde ha.

Dànì Kèhoį̀wo 7:6

Noah ek'ètaekw'eènǫ (600) weghoò ekò tı dèè teètł'ı ı̨lè.

Dànì Kèhoį̀wo 8:14

Nàke sa xèhǫǫ̀wo gots'ǫ naènǫ-daats'ǫ̀-łǫ̀hdı̨ (27) dzęę̀ k'e dèè hǫt'ıì whegǫǫ̀ ajà.

Dànì Kèhoį̀wo 8:2

Dèè goyìı gots'ǫ tı xàewì-le agòjà eyıts'ǫ chǫh at'ı̨-le agòjà.

Matthew 24:38

Dèè te teètł'ı kwe dǫ shègezhe, gedǫ, eyıts'ǫ ełexè honìgedè ı̨lè. Noah elàcho yìetła gots'ǫ̀ hagıat'į̀.

1 Thessalonıca 5:3

Ekìıyeè k'e dǫ dıı hagedı ha, “Ts'èwhı̨į̀ hòɂǫ, goxè t'asagode ha nıìle,” hagedı nı̨dè hǫtsaa gıdıhołè ha. Ts'èko webebìa gòhłè ha nìkw'o t'à hǫtsaa eya-ełè lanì hǫtsaa gıdıhołè ha, eyı ch'à kwı̨geehdè ha nıìle.

2 Peter 3:6

Whaà hoògǫ tł'axǫǫ̀ eyı tı dèè goteètł'ı ı̨lèe t'à t'asìı hazǫǫ̀ wedıhòłı̨.