Dànì Kèhoį̀wo 6:18 - Nǫ̀htsı̨ Nı̨htł'è

¹⁸ Hanìkò nı̨ sìı nexè nakenahohtsı̨ ha. Nı̨, neza, nets'èkeè eyıts'ǫ neza gıts'èkeè gıxè elàcho yìı̨tła ha.

Dànì Kèhoį̀wo 6:18 ပူးပေါင်းရင်းမြစ်များ

Dànì Kèhoį̀wo 17:21

Hanìkò Isaac ededı̨ wexè senàowoò nàtsoo wheɂǫ ha. Nezaa elı̨ ha, nets'èkeè Sarah ts'ǫ wegǫ̀hłı̨ ha. Dıı hagǫ̀ht'e ı̨dae-xo nı̨dè wegǫ̀hłı̨ ha,” Nǫ̀htsı̨ hayèhdı.

Dànì Kèhoį̀wo 17:4

“Sı̨ sìı dıı nàowo nàtsoo nexè whıhtsı̨ hǫt'e: Dǫ xàgeèɂaa łǫ gıcho nelı̨ ha.

Dànì Kèhoį̀wo 17:7

Nexè nàowo nàtsoo whıhtsı̨ı̨ sìı welǫ whìle ts'ǫ̀ wheɂǫǫ̀ ahłe ha, eyıts'ǫ netł'axǫǫ̀ nets'ıhɂǫ̀ǫ-dǫǫ̀ gıxè wheɂǫ ha, eyıts'ǫ gıza xè wheɂǫǫ̀ ahłe ha. Nenǫ̀htsı̨ ehłı̨ ha, eyıts'ǫ netł'axǫǫ̀ nets'ıhɂǫ̀ǫ-dǫǫ̀ sı Gınǫ̀htsı̨ ehłı̨ ha.

Dànì Kèhoį̀wo 7:1

Eyı tł'axǫǫ̀ Nǫ̀htsı̨ Noah ts'ǫ̀ hadı, “Nı̨ eyıts'ǫ nèot'ı̨ hazǫǫ̀ elàcho yìahdè. Dıì dǫ geedaa gıta nàahdèe sìı naxı̨ zǫ segha ehkw'ı aahda hǫt'e.

Dànì Kèhoį̀wo 7:13

Chǫh agòjàa dzęę̀ k'e Noah edets'èkeè xè, weza Shem, Ham eyıts'ǫ Jafet, gıts'èkeè xè elàcho yìı gı̨ı̨de.

Dànì Kèhoį̀wo 7:7

Noah, weza, wets'èkeè eyıts'ǫ weza gıts'èkeè elàcho yìı gı̨ı̨de. Tı dèè teetł'ì ch'à elàcho yìı gı̨ı̨de.

Hebrew 11:7

Nǫ̀htsı̨ dàgode ha sìı ghǫ nadąą̀ Noah ts'ǫ̀ goı̨de ekò Noah wegha ehkw'ı-ahodı ı̨lè. Nǫ̀htsı̨ k'èch'a welè sǫ̀ǫ̀ nıwǫ t'à edets'èkeè eyıts'ǫ edeza edaxàgole ha elàcho whehtsı̨. Noah wegha ehkw'ı-ahodı t'à, dıı nèk'e dǫ ełaàgede gha gısınìyaetı ha wek'èhoedzǫ ayį̀į̀là eyıts'ǫ wegha ehkw'ı-ahodı t'à ehkw'ı eda k'ę̀ę̀ Nǫ̀htsı̨ yı̨ı̨htà.

1 Peter 3:20

T'akwe whaà Noah elàcho whehtsı̨ ekò ekìıyeè k'e Nǫ̀htsı̨ k'èagı̨ı̨t'e-le ı̨lè. Ekò k'e Nǫ̀htsı̨ ts'èwhı̨į̀ godanaèhɂı̨ ı̨lè, hanìkò eyı elàcho wet'à dǫ łǫ-lea zǫ edaxàwhede; dǫ ek'èdı̨ zǫ tı t'à ełaàgı̨ı̨dè-le ı̨lè.

2 Peter 2:5

Eyıts'ǫ ı̨nę̀ę whaà hołı̨ı̨-hogehtsı̨ı̨-dǫǫ̀ dıı nèk'e nàgı̨ı̨dèe sìı Nǫ̀htsı̨ etegoòɂı̨-le t'à, dèè te teètł'ıı t'à ełaàgı̨ı̨dè agǫ̀ǫ̀là ı̨lè. Noah nàowo ehkw'ıı ghǫ goı̨dee sìı ededı̨ zǫ edaxàyèhtı̨ eyıts'ǫ wexè dǫ łǫ̀hdı̨ edaxàgoı̨la.